صلصة الجبن من مطبخي

بسم الله الرحمان الرحيم

السلام عليكم اخواتي

كيف حالكن ان شاء الله الكل في تمام الصحة والعافية

قبل ان اضع بين ايديكم هذه الوصفة اود ان اخص بالشكر كل الاخوات المشاركات في المدونة وحتى الزوار واخص بالذكر ادمن الصفحة وصفات مصورة  ونقولها شرف لي ان تقومي بنشر وصفاتي على صفحتك جزاك الله عنا كل خير

بالنسبة لوصفة اليوم هي

صلصة الجبن من الصلصات الاكثر استعمالا في الاطباق وهي الذ بكثير من صلصة البيشاميل لذلك فضلت وضعها كموضوع منفصل لتبقى مرجعا اليكن في الكثير من الاطباق من دون اطالة  اترككم مع الوصفة

المقادير

نصف لتر حليب

زوج ملاعق كبيرة فرينة

زوج ملاعق كبار مايزينة

زبدة50غ

قطعة جبن شيف

صفار 2 بيض

ملح

فلفل اسود ومن الاحسن نعوضه بالابيض

جوزة الطيب

الطريقة

نخلط الحليب مع المايزينة والفرينة  ونحطهم فوق النار حتى تعقد

ننزعها من فوق النار ونضيف الزبدة والجبن وصفار البيض ونخلط بالفووي جيدا حتى يذوب الجبن نضيف الملح والفلفل الاسود وجوزة الطيب ونخلط كل المقادير وراح تكون جاهزة للاستعمال

Comments

[Fatima]

شكرًا على المدونة الرايعة

[Fatima]

شكرًا يا اروع فنانة منذ ان طبقت وصفاتك وانا افتخر امام الناس ونقلهم لي معرفش ام اماني ما عرف والو في حياتو

[ام اماني]

بارك الله فيك اختي فاطمة هذه شهادة اعتز بها

[ام آدم]

يعطيك الصحة شاطرة أم أماني, اذا ممكن و من فضلك تعطيني وصفة الكريب مالح و شكرا

[rahma adjr]

ان شاءالله تدوم مدونتك التي نستفيد منها كثيرا شكرا لك على كل ما قدمتيه و لابد ان تغير قرارك هدا لاننا صراحة كل يوم ننتظر جديدك الله يعطيك الصحة

[فاطي سافي]

سلام عليكم اختي مافهمتش واش كان راني غايبة على عالم النت بسبب زواجي ودخلت مافهمت والو من التعليقات اللي نقراها كانو ناس يجرحو فيك شوفي نقولك نصيحة انا نطبقها في حياتي يقول الشافعي اذا سبني السفيه تزايدت حلما وما العيب الا ان اكون مساببه ..يزيد سفاهة فازيد حلما كعود زاده الاحراق طيبا تأملي مليح هذه العبارة اذا هوما شتموك ولا قللو من قيمتك انت بكل بساطة احذف ردهم واعملي روحك ماشفتيهش ماتعمريش راسك بيهم وكملي مشوارك مع وصفاتك ومع محبينك لانك كي تعانديهم وتغلقي المدونة تعاونيهم يوصلو لمبتغاهم راني منعرفش نعبر والله نحبك ياسر ونعتبرك اختي الكبرى اللي نتعلم منها بلاتردد نجرب وصفاتها وكلي عليهم ربي وبنت الاوراس ماتهدهاش كلمة ولا زوج انتهلاي في روحك احبك في الله بانتظار عودتك

[ام معاد]

روعة كالعادة ختي الكريمة ربي يجعلها في ميزان حساناتك والله ديمة ندعيلك بالخير على المجهودات لي تعمليها ربي يرزقك على حساب قلبك طوالله نهار
قرية بلي راح تغلقي المدونة الدمعة طاحتلي تاكدي كلنا معك لانك ديما متألقة بموضيعك والله لم ارى مثل ابدعاتك
وهدا دليل على تالقك هدو عيباد الله يهديهم

[yasminacher]

انت مميزة دائما وابدا ومتعمريش راسك هدي غيرة ونتي راح تحقيقلهم هدفهم بغلق المدونة في راي واصلي التميز والابداع وربي يوفقك ويحفظلك اولادك

[Om iyes]

السلام عليكم ورحمة الله وبركاته
اختي الغالية هدا وين سفت ردودك في هاد الموضوع
صرااااحة فشلنا كااامل
وفشلونا عباااااد الله يهديهم وادا ما خافوش ربي ربي يديهم ويبعدهم عيك
غاليتي الكريمة والله يشهد مدى حبنا واحترامنا وتقديرنا لك والله انت مدرسة بما تحمله الكلمة من معنى
وتوجت عملك بالاخلاص لوجه الله عزوجل ما ابتغيت الا رضاه
لذلك ثقي انه لن يخيبك
وابشري بانه سيرفعك وسيؤتيك من فضله في الدنيا والاخرة
لاعليك من هؤلاء السفهاء فهم قلةولا بضر السحاب نبح الكلاب
لا عليك فمعزتك في قلوبناودعواتنا لك بالتوفيق والسداد لك ولعاءلتك على السنتنا كلما ذكرناك
فلطالما ادخلت البهجة على قلوبنا
وزينت مواءدنا حلوياااتك المتجددة داااءما .
لا باس ان ترتاحي قليلا ولكي لا نثقل عليك فليس بالامر الهين ان تضعي المواضيع ثم تجيبي على الكم الهاءل من الاسءلة وتصادفي برد غير مسؤول وغير اخلاقي
لكن رجاااااااءا ءجاااااءا لا تتركينا فوالله نفتقدك ونفتقد اطلالتك الجميلة المشرقة
نحن ننتظر تراجعك و
اطلالتك من جديد
ان شاء الله ربي يفرحك بنتاءج الاولاااااد ياااارب على الاقل ترتفع معنوياااتك قليلا
وياليت تقدري تجاوبيني وتطمنيني فوالله راني في حال لا يعلمها
الا الله لانني لم اتوقع يوما ما ان تغادري بهذه الطريقة
بل بالعكس كنت ولازلت ادعو الله ان يلاقيني بك وان اتعرف عليك عن قرب ولربما تذكرين يوم قلت لك اذا تسكني في باش جراح
تما لوكان تضحكي علي بنت الجيران وسمها اماني قلت ممكن تكون هي
وتكون اعز جارة
ااتمنى نكون ما ازعجتكش
برسالتي هدي يعني راح اعتبرها رسالة ماشي رد
وان شاء الله نتواصلو فالمنتدى عبر الرساءل الخاصة
سلااامي وتحياااتي ليك ياااغالية

[Hamdi]

حبيبتي الغاليه ام اماني،الكلاب تنبح والقافله تسير لو كنت مكانك لن اترك اي شخص مهما كان ان يؤثر على عملي لانك تعملين بجد واصرار وحسن نيه وانا شخصيا اعتبرك قدوه وارجو ان لاتبخلي علينا بعلمك الغزير في عالم الطبخ وفقك الله وربي يفرحك وينجحلك اولادك ومزيدا من التالق وهيبه.

[بسمة امل]

بسم الله الرحمان الرحيم ابدا كلامي بقوله تعالى ولا تزر وازرة وزر اخرى
اختي الكريمة ام اماني اذا كانت مجموعة قليلة سراقة وغيورة هذا لا يعني ان الجميع مثلهم فالكثير منهم يحبك ويحترمك ويقدر اعمالك ونجاحاتك ويكنون لك كل الشكر والعرفان بالجميل ونتمنى الا تغلقي هذه المدونة لانها فرحت ولادنا وعائلاتنا شكرا والف شكر لك

[نفيسة]

جزاك الله خيرا و حفظ عائلتك و حفظك من كل سوء و بارك الله فيك وفي عائلة و جزاك الله الفردوس الاعلى يا رب العالمين

[ام داوود]

ما فهمتش وش صرا هنا اختي
بصح ما تعمريش راسك
انتي مرجعي في الحلويات و التحليات
ما تخليناش نحن الاخوات الوفيات
نحن وراك وراك
ما تغلقيش ربي يسترك و يحفضلك اولادك
و بسيف لقيت المدونة تاعك
اختي ام اماني انتي مبدعة بمعنى الكلمة ما شاء الله
و لي ما عجبوش الحال ماكان لاه الهدرة الزايدة
ام اماني نشكرك بزاف لانه بفضلك نعمل حلويات يحمرو الوجه في الاعياد بما اني ما نخرجش و ما عنديش منين نثقف في الحلويات
غير انتي
جزاك الله كل خير

[ommwafaa]

روووووووعة أم أماني دائما إلى الأمام

[Basma]

صراحة يا حبيبتنا في الله اذا كنت انا في مكانك لن اعير ادنى اهتمام لان السكوت على الاحمق جوابه
ويصراحة ثانية انا اقر ان لك كل الفضل في حبي للطبخ
والله لا اثق في اي وصفة في النات الا فيك
والله هذا هو هدفهم رجاءا لا تحققي لهم ذلك
وارتاحي مثلما تريدين
لكن من فضلك لا تغلقي المدونة
اغلق الله ابواب الجنة في وجه منكان سببا في غضبك

[ام اماني]

اقدر شعورك اختي لكن لا ندعو لغيرنا بالشر اللهم ما ارزقنا الجنة جميعا

[Kaab]

السلام عليكم اختي ام اماني والله ياام اماني انت هي مرجعي في كل الأطباق والحلويات خصوصا المخبوزات ديما نقول الحمدلله مادام كاينة ام اماني مانخافش علي روحي وديما ندعيلك في ظهر الغيب عندي ليك وحد الاحترام وحب في الله سبحان الله ام اماني الغالية خلي عملك لوجه الله ولا تخافي في الله لومة لائم راكي فرجتي علينا بوصفاتك ربي يفرجها عليك دنيا واخرة ولاتهتمي بقول اي احد خليك معانا لوجه الله تعالى أم اماني الله يخليلك أعز ماتملكين ماتروحيش علينا

[lila]

بارك الله فيك جعلها الله في ميزان حسناتك

[loudjaine azizi]

اختي ام اماني لا اضنك ابدا تهزكي مثل هذه الردود الفارغة مثل اصحابها فهذا هو الهدف احباط كل الكفاءات وفي جميع الميادين وانت عملاقة رغم انف الحاقدين فلا تتركي المجال للفاشلين لكسر عزيمتك وحرمانك من العطاء والدعاء و الاجر فمجهودك هو لوجه الله تعالى ولا تتعبي ولا تعطي لمثل هذه الردود اهمية واذكرك بالحكمة القائلة يضل الانسان في هذه الحياة مثل قلم الرصاص تبريه العثرات ليكتب بخط اجمل وهكذا حتى يفنى القلم ولا يبقى له الا جميل ماكتب . حفضك الله ورعاك ودمت متألقة

[loudjaine azizi]

اختي ام اماني لا اضنك ابدا تهزكي مثل هذه الردود الفارغة مثل اصحابها فهذا هو الهدف احباط كل الكفاءات وفي جميع الميادين وانت عملاقة رغم انف الحاقدين فلا تتركي المجال للفاشلين لكسر عزيمتك وحرمانك من العطاء والدعاء و الاجر فمجهودك هو لوجه الله تعالى ولا تتعبي ولا تعطي لمثل هذه الردود اهمية واذكرك بالحكمة القائلة يضل الانسان في هذه الحياة مثل قلم الرصاص تبريه العثرات ليكتب بخط اجمل وهكذا حتى يفنى القلم ولا يبقى له الا جميل ماكتب . حفضك الله ورعاك ودمت متألقة

[سعاد]

ام اماني رد واحد او حتى ردود من حاقدين ياسيدي تكلمت عليك قولها وريلي ربع شطارتك وفقط خلي الكلاب تنبح والقافلة تسير يكفي انه الكل يعرف امااماني بنت اختي عمرها ربع سنين والله تعرفك وتقول لمها كيتجرب حاجة جديدة وتعجبها تقولها سير نتاع ام اماني

[nadia]

رووووووووووعة جزاك الله عنا خير الجزاء

[ام الاطفال]

السلام عليكم ورحمة الله تعالى وبركاته اما بعد .. اختي في الله والله انا اريد منك البقاء لأن هذا الموقع الرائع الذي ساهم الكثيرون في اتعلم الطبخ وصفاتك ناجحة 100% الله يوفقك
اريد منك الاستفسار في شيء. ... هل استطيع الدخول بعد غلق المدونة و هل اجد كل الوصفات؟؟؟ ارجو منك الإجابة على سؤالي لأن لدي وليمة الاسبوع القادم و راتي تاكلة نحيب الوصفات من هناا ... راني خايفة ندخل للمدونة نلقاك نحيتي الوصفات أرجووووو الرد
و الله شاهد انو نحبوووك بزاف
و ما تديريش كلام الناس ف بااالك

[Gâteaux Bladi]

قوليلي برك وين تكوني باش نبقى دايما من ضمن معجباتك

[Gâteaux Bladi]

والله كون نقولك المورال هبطلي ..
والفتك يا أختي وليس السبب في الوصفات وانما كنت تلك الأخت الحنون ولكنها مجهولة

[ام عببد الله]

نحير كيفاش الناس تؤذي حتى عبر النت لاحول ولا قوة الا بالله

[ام عببد الله]

السلام عليكم راح نتكلم بصراحة انا كنت نتبعك من منتدى الجلفة كنت 0 في االطبخ عندي مااتعلمت منك كي شفت المدونة فرحت حتى في واش طيبتي اليوم ماكاش الوصفة طبعت الصور باش ندي افكار عندي نت والاكيد زرت مليار مدونة كاين بعض وصفاتك لقيتهم في مدونات اخرى مثل دارنا بصح هذا ماخلانيش نبطل نتردد على مدوونتك لانك حريصة جدا على تقديم وصفات نااجحة بزاف ياخذو ععلى مدونات اخرى بصصح انت لمستك وحدها اابدا مانغيرش وصفاتك حتى بوعدو ححفصصي تاع سمييرة تفي قالت انها تبحث وماا تخليش الوصفة كماا هي وصفاتك نعلمهم لاولادي تشري بالغالي وتجربي اذا ما نجحتش تعاودي علىى حساب االعائلة وتحملي الصوور وتبحثي في النت وتسهري اوبعد يجو ناس يحطموك اللي ما عجبوش الحال يخبط راسو في الحيط مايدخلش و بصراحة ماتوقعتكش ضعيفة فعلا اتاسف

[فيفي]

السلام عليكم ورحمة الله وبركاته اختي وحبيبتي واستاذتي ام اماني انت دائما في القمة ومرضى النفوس اللواتي يضعن تعليقات دون المستوى ربي يهديهم ويصلحهم ارجوك واتوسل اليكي ان ﻻتغلقي المدونة ارتاحي لبعض الوقت سنبقى اوفياء لك و ستبقين دائما في قلوبنا وفي دعاؤنا

[soso]

السلام عليكم اختي ام اماني ان شاء الله تكوني بخير نتمنى من ربي سبحانه وتعالى ان يجازيك كل خير على هذه المجهودات الجبارة من خلال هذه المدونة وربي يثقلك بيها ميزان حسناتك و يبعد عليك ذوي النفوس المريضة .صراحة اختي الكريمة متعمريش راسك بمثل هذه الردود العكس هي دليل دامغ على نجاحاتك و بانك في القمة .اختي انا نحبك في الله والله على ما اقول شهيد فتحك لمدونة مثل هذه دليل على صدقك في وضع الوصفات من قلبك وبدون بخل ومهما كان عدد نقادك فمعجبيك ومحبيك في الله اضعاف مضاعفة . ربي يجعلها صدقة جارية ليك مع دعوات الخير لاولادك واسرتك في ظهر الغيب .

[hiba keraghel]

السلام عليكم و رحمة الله و بركاته
أنا يا أختي يا أم أماني نحب ونموت عليك يا ربي ويحفظك ندعيلك غير من قلبي
بصح كي سمعت بلي راحا تغلقي المدونة قلبي حبس عيشك خمي فينا والله أنت المدرسة والقدوة لي

[sabra]

السلام عليكم ورحمة الله وبركاته
انا اخت مقيمة بالخارج اكتب تعليقاتي بالفرنسية لانه ليس لدي لوحة مفاتيح عربية، و يشق علي الكتابة بالعربية.
.اخواتي الكريمات انصحكن و نفسي بتقوى الله، إن التدوين عن تجربتي الشخصية، ياخذ كثيرا من الوقت و الجهد، و مدونة مطبخ كهاته تساعد باذن الله الكثير من النساء لتعلم او اتقان امور بيوتهن، فكثيرا ما تأّلف قلوب حول مائدة طعام، و تتّودد المرأة لزوجها او جيرانها او اهلها بطبق يحبونه، و كلنا يدرك ما في ذلك من خير للأمة بإذن الله، فإنشاء الله ان نكون مفاتيح خير مغاليق شّر، واقول للاخت اماني، أن المشقّة في فعل الخير مع صفاء النية لله تزيد الأجربإذن الله، لعّل الدعوات عن ظهر الغيب تبارك لك في زوجك ورزقك وولدك باذن الله، وتلك تجارة لا تبور، عسى الله يثّبتك و ينفع بك امّته بإذن الله.

[nadia]

نعم الكلام .جزاك الله خيرا

[Myriam]

هدي مدونتك و انتي الملكة فيها و انتي الآمرة و الناهية
و كلنا تلاميذ عنك و اكبر وحدة فينا تتشرف تترك رد او تقييم لموضوع من مواضيعك ربي يقويك اكثر و اكثر و اكثر و احنا لي نحبوك كتار كتار كتار

[راضية]

شكرا ام اماني

[zora]

السلام عليكم

[zora]

ماديريش في بالك اختي ام اماني والله مانقدرو نستغنو عليك ولا على وصفاتك

[Myriam]

و انا والله ما نزيد عليك كلمة كون نشوف نفس الوصفة وحدة حضرتيها انتي و وحدة من مدونة اخرى نعمل تاعك بكل خطواتك و الله لأني نحبك و نحس وصفاتك نابعة من قلبك و من صدق نيتك

[zora]

السلام عليكم ام اماني لّان شاء الله ماتعمريش راسك بكلام الناس الفارغ هاذي الغيرة راها تهدر فيهم

[Myriam]

و انا وحدة من الناس واقفة في صفك و معاك ظالمة او مظلومة لان خيرك عليا كبير

[نهال]

برافو وصفات روعة لا حلى شاف

[Myriam]

خدي وقت أختي ام اماني و ارتاحي مع انك وياحة تخلي فراغ كبير في قلوبنا و الله و لكن من حقك ترتاحي و المدونة هدفها في الاول و الاخر تعليمي بحث و هي صدقة جارية لوجه الله ربي يعيشك ما تغيبيش بزاف تعيشي تعيشي

[Myriam]

و ديجا هدي مدونتك تحطي فيها واش تحبي انتي و هدو اطباقك و صورك و عليهم اسمك و احد ما عندو الحق يحاسبك

[zora]

ام اماني ماديريش على الناس الفارغين والله محبينك اكثر مما تتصوري

[ام اماني]

اختي مريم اعتذر منك ومن الاخوات وراح اغيب لفترة حتى ترتاح نفسيتي ونشوف في امان الله

[Myriam]

ربي يخليلك لينا ما تقلقي روحك ما والو اللي عجبو يتفضل معانا في جمعتنا الحلوة و اللي ما عجبوش ما يدخلش و ما يكسر لكش رأسك لان وقتك ثمين ما تضيعيهش فالرد على ناس مهما تهدر ما يفهموش و موقف كيما هدا يبينلك الوفيات من غير ذلك أعانك الله على فعل الخير

[ام اماني]

فقط حبيت نوضح نقطة ان بزاف وصفات قريتهم بالدراهم وحطيتهم لوجه الله وتى لي علمونا مايحبوش وصفاتهم يخرجو لكن انا لم ابخل وعاهدت نفسي ان ي نحط الوصفات كما تعلمتهم مانبخل حتى على واحدة

[Myriam]

وبي يعيشك ما تروحيش و تخللينا رانا محتاجات ليك بزاف و كيما سبق قلت لك هذا ان دا على شيء فانه يدل على نجاحك و تألقك و الله أني نزور كثير من المدونات و ما فيهاش كمية الردود اللي في مدونتك و ثاني فيها الكثير من الوصفات المنقولة على عكس مدونتك والله وصفاتك و أطباقك تتمتع بلمستك

[ام اماني]

والله اني كنت نكتب في اعلان عن وقف المدونة وغلقها نهائيا حتى شفت ردك والله تعبت بزاااااف مع هذا الناس
اكيد هدفهم غلق المدونة
دخلت ومعي عدة مواضيع جديدة كنت راح نحطهم بكل حب و
لكن للاسف كي قريت هذا الردود فشلت وتعبت اصبحت متهمة في نظرهم

[ام عببد الله]

السلام عليكم بارك الله فيك ام اماني مزيدا من الوصفات المالحة انشاء الله دائما وصفاتك ناجحة جربت البتي فور تاع الزيت وجاني ولا اروع بشهادة زوجي مادابيا تقوليلي وصفة البتي فور بالمرغرين حبيت نعملو في اقرب وقت لاولادي بارك الله فيك

[nadjat Batna]

أم اماني والله العظيم راكي فتحتي احسن مدونة صدقيني والله متابعينك بزاف وصفاتك نامبريميوهم انا شخصيا درتهم على شكل كتاب والله نطبقهم وانا واثقة من النتيجة والله حتى أمي كي تشوفني حبيت ندير وصفة تقولي متجربيش حتى تحطها ام اماني والله إسمك ديما مدكور في لمات بنات العايلة ربي يجازيك كل خير اما بالنسبة للغيارين خليهم يهدروا المدونة بليزير ليهم ولوجه الله يقولك لقراعي الفارغين هوما اللي يديروا الحس إدن خليهم ينبحوا حتى يسكتوا وحدهم ....نتمنى متخليناش ام اماني

[ام اماني]

يا اختي اصبحت متهمة من طرف البعض الاحسن نحتفظ بوصفاتي لنفسي لاني والله تعبت بزااااف من هذا الردود وانا خليت ردها يظهر لانها مافهمتش كلامي وتهجمت عليا

[ام اماني]

والله يا اختي اني حضرت مجموعة كبيرة من الاطباق لكن كي نشوف ردود كما ردود امة الله نفشل الاحسن نغلق هذا المدونة

[Myriam]

رووووعة يعطيك الصحة يالغالية و ربي يعطيك ما تتمنى و يخليلك صحتك و عافيتك

[sou]

je suis l une de vos fideles fanes,je vous admire au point que je parle a tout mon entourage de vos realisations de votre finesse ......,vous etes une veritable artiste ,
rares sont les gens aussi perfectionistes,
au non de dieu et de ce que vous avez de plus cher n arretez pas vos partages,
je ne sais pour quelle raison vous avez pris cette decision mais sachez que ce que vous faites est vraiment remarcable c est une vraie "sadaka djaria" il ne faut pas arreter quelque soit les raisons ,dieu saura vous recompensser
que dieu vous garde et vous guide et vous apaise

[ام مروة]

صباح الخير اختي الغالية جزاك الله خيرا على موضوع ومجهود التى تقومين بيه بارك الله فيك وجعله في ميزان حسناتك يارب

[ام اماني]

بارك الله فيك

[ام معاد و نور الهدى]

السلام عليكم
احلى صباح لاحلى شاف و احلى ام اماني *_*
صوص روووعة و طعمها اكيد قمة .بارك الله فيك اختي و جعلها في ميزان حسناتك
♥

[yasminacher]

انت رائعة وتبقاي دوما هكدا متعمريش راسك دائما المميزون يكون عندهم حساد مزيد من التالق والنجاح

[ام فادي]

سلام يا ام اماني والله انت ملكة الطبخ (اغيرة تهدر ماتعمريش راسك شوفي للماكثات في البيت معنديش بزاف من اللي عرفت المدونة اجرك عند الله خسارةمعنديش الزهر.

[Omrihem]

ام اماني لا تهتمي الي ارا المغرضين انت فعلا افدتينا كثيرا بوصفاتك وتعلمنا بزاف حوايج منك وربي يجازيك كل خير ونتمني انك ما تقفليش المدونة وتظل منورة بوجودك ووصفاتك

[ام اماني]

شكراااا على المرور الطيب جزاك الله كل خير