Overblog
Suivre ce blog
Editer l'article Administration Créer mon blog
مدونة ام اماني للطبخ

دجاج بصلصة الجبن رووووعة

2 Avril 2016 , Rédigé par ام اماني Publié dans #اطباق رئيسية

بسم الله الرحمان الرحيم

السلام عليكم اخواتي

ان شاء الله الكل في تمام الصحة والعافية

دائما مع الوصفات الجديدة   واليوم ساقم لكم وصفة للدجاج بصلصة الجبن اتي سبق وادرجت مقاديرها هذا الطبق سهل التحضير وذوقه راااائع من دون اطالة اليكن الوصفة

دجاج بصلصة الجبن  رووووعة

المقادير

قطع دجاج حسب افراد العائلة

حبة بصل مسكرفجة

زوج سنينات ثوم

م ك زيت وم ك مرقرين

معدنوس

زعيترة

ورقة رند

نصف م ص زنجبيل

نصف م ص فلفل اسود

ملح

نصف كأس ماء

كمية من الشومبنيون

ونحتاج ايضا الى

كريمة الجبن سبق وان ادرجت الوصفة

 

الطريقة

في كوكوط نحط قطع الدجاج مع الزيت والمرقرين على نار هادئة نقليهم جيدا من بعد نضيف كمية البصل والثوم  ونخليهم على نار قليلة مع التحريك من حين لاخر بعدها نضيف التوابل والملح والمعدنوس وورقة رند وشوية زعيترة

دجاج بصلصة الجبن  رووووعة

بعدها  نضيف نصف كأس ماء ونغلق لاكوكوط 

دجاج بصلصة الجبن  رووووعة

في هذا الوقت نحضر كريمة الجبن

دجاج بصلصة الجبن  رووووعة

بعد مايطيب الدجاج وتعقد لاصوص ننزع المعدنوس وورقة الرندو نضيفله كمية من الشومبنيون  نكون شوحته في شوية زبدة ونحط ه في المول

دجاج بصلصة الجبن  رووووعة

نفرغ عليه صلصة الجبن الجبن وندخله للفرن يتحمر

دجاج بصلصة الجبن  رووووعة

هذا شكله بعد ماتحمر

دجاج بصلصة الجبن  رووووعة

انا قدمته مع السلطة

دجاج بصلصة الجبن  رووووعة

ان شاء الله تعجبكم الوصفة ولاتنسوني من صالح الدعاء ولكن بالمثل

 

في امان الله

Partager cet article

Commenter cet article

سهام 10/04/2016 14:42

حقا أم أماني سمحيلي حبيت نسقسيك برك على المدونة باش تحليها إذا بالدراهم ولا باطل جربت نحل بصح ما عرفتش نخدم بيها ؟ حبيت نحل مدونة للطبخ الصحي ؟

ام اماني 12/04/2016 10:02

اهلا اختي سهام
اختي باطل وانا اختي لي فتحتهالي ربي يفتحلها ابواب الخير

سهام 10/04/2016 13:00

سلام أم أماني بارك الله فيك راني بعتلك في منتدى الجلفة رسالة و قلتلم فيها بارك الله فيك على كامل الوصفات لي راكي تحطيهم راني طبقت الغراتان و جا هاااااااااااااااااااااااااااااايل و درت خبز بالياوورت الطبيعي و البسبوسة واش نقولك ربي يحفظك وصفاتك حمرولي وجهي

ام اماني 12/04/2016 10:04

اهلا اختي سهام
يعطيك الصحة على التطبيقات وشكراااا على الثقة للاسف عندي مدة مادخلت للمنتديات لضيق الوقت ان شاء الله كي ندخل نشوف رسالتك

Myriam 06/04/2016 13:23

الطبق هااااااايل و خفيف و مناسب حتى لرمضان المبارك لانه يجي فالصيف ربي يزيدك من نعيمه و يبارك لك في اولادك

ام مرام 06/04/2016 09:22

روووعة يعطيك الصحة و العافية يا أحلى شاف

Gâteaux Bladi 06/04/2016 08:35

ربي يخليك ويعطيلك ماتتمناي

ام آدم nafnaf 06/04/2016 04:27

يعطيك الصحة شاطرة دائما كما عهدناك و ربي يجزيك الخير و يحميك و يحفظ أولادك انشالله, عندي طلب عزيزتي أم أماني من فضلك إذا تحطيلي وصفة الكريب مالح بطريقتك و موفقة انشالله, أنا بالانتظار و شكرااااااا

ام اماني 06/04/2016 09:40

ان شاء الله نحطلك الوصفة

oum malak 05/04/2016 13:14

يسال عليك لخير أختي ام أماني رانا بخير مادمت انتي بخير يعطيك الصحة على ماتقدمين من فن وربي يحفظك ويخليك دوما متالقة ومعطاءة

Amani Alhayat 05/04/2016 00:38

ربي يجازيك اختي

Hamdi 04/04/2016 12:16

Bjr ma chère, hummmmmmmmm thebel yatik saha.....

Gâteaux Bladi 04/04/2016 04:20

يعطيك ألف صحة وعافية ام أماني،والله أصبحت مدمنة لصفحتك،ربي يبارك

Om acil 04/04/2016 00:27

تحححححفة وباين بنينة صوص الجبن جربتها وبنتها لا تقاااوم
جزاكي الله كل خير

Om acil 04/04/2016 00:19

ربي يفرحك اختي الغالية كيما راكي تفرحي فينا باطباقك الجديدة جزاكي الله كل خير

Kika 03/04/2016 19:30

ربي يحفظك حبيببتي ام اماني ان شاء الله قيد التجريب

رقية 03/04/2016 14:05

بارك الله فيك اختي

ام عبيد الله 03/04/2016 11:47

السلام عليكم اهلا وسهلا بوصفات ام اماني كيما يقولو السوريين اهاه ضربتيها بتشنيفة يامات وعلى خاطر انت حنينة غضناك وليتي يا لعزيزة ربي يفرح قلبك يا اختي ودوك تحملينا ااااااا اللي يحب الشباح ما يقول اح دوك نصرعوك هههه شكراااالك

ام اماني 06/04/2016 09:56

والله يا اختي يعلم الله محبتي لكن واكيييد قلبي كبييير وانتو تستاهلوا كل خير عفا الله عما سلف وان شاء الله اي رد جارح راه نمحيه ونكمل معاكم عادي لان اكييييد لي يحبوني بزاااااف

nadia nadia 03/04/2016 11:28

ربي يباركلك

Om iyes 02/04/2016 11:22

مممم تحححفة تححححفة
تسلم الايااادي يا صاحبة الافكار الرااءعة
بارك الله فيك
سلاااامي اليك

zora 03/04/2016 15:12

Bravo

ام رياض 02/04/2016 11:17

صباح الانوار و صباح الياسمين على اعز و اغلى الناس كيف الحال وصفة اكيد رائعة ما دامت من يديكي يعطيك الصحة و شكرا

ام مروة 02/04/2016 11:11

مممم الله الله راه ايشهي الله يعطيك الصحة اختي خرجلك روعة ماشاء الله الله يحفظك ويحفظلك الولاد يارب انجربو أن شاء الله اليوم إلى كاتب الله،عندى طاب اختي أنا على وشك الولادة بدى منك شي قاطو أيكون ساهل ميكونش فيه ليمول لى معنديش باغيتو شكل بسيط دائرة قالب أن شاء الله فهمتني وجزاك الله خيرا يا رب

فيفي 02/04/2016 10:59

ربي يحفظك اختي في الله ام اماني ويحفظ ما عندك دائما متألقة وفي القمة