Overblog
Suivre ce blog
Editer l'article Administration Créer mon blog
مدونة ام اماني للطبخ

شربة فريك من مطبخي

19 Février 2016 , Rédigé par ام اماني Publié dans #اطباق رئيسية

بسم الله الرحمان الرحيم

السلام عليكم اخواتي

 

كيف حالكن ان شاء الله الكل في تمام الصحة والعافية

قبل ان ابدأ موضوع اليوم اريد ان اشكر كل الاخوات  على ردودهن المشجعة ودعواتهن النابعة من القلب  جزاكن الله كل خير    وان شاء الله ستكون هذه المدونة مرجعا للوصفات المضمونة والمتميزة  لكل الاخوات المشاركات فيها وحتى الزوار فبارك الله في الجميع وجعل اعمالنا خالصة لوجهه الكريم

 

بالنسبة لوصفة اليوم  هي عبارة عن شربة فريك وهذا تلبية لطلب الكثير من الاخوات   وهذي طريقتي المعتمدة  من دون اطالة اليكن الوصفة

 

شربة فريك من مطبخي

المقادير 

هذا المقادير تقريبا ل6 اشخاص

قطع لحم  خروف

حبة بصل متوسطة

حبة طماطم

زوج سنينات ثوم

زوج م ك زيت

نصف م ص فلفل اسود

نصف م ص كصبر مرحي

ملعقة ونصف طماطم مصبرة

فريك 4م ك

كمية من اللحم المفروم

الطريقة

  في طنجرة نحط اللحم والبصل والطماطم المرحية والثوم  والزيت والملح والفلفل الاسود والقصبر  المرحي  ونخليها تتقلى على نار هادئة 

 

 

 

شربة فريك من مطبخي

كي يذبال البصل نضيف نصف كأس ماء ونخليها تكمل تتقلى على نار هادئة وهذا سر البنة لازم يتقلى جيدا حتى  اللحم يدخله الطياب يعني 

يبدا يطرى

شربة فريك من مطبخي

 بعدها نصفي الشربة اي نحطها في كسكاس  نرجع اللحم للطنجرة 

شربة فريك من مطبخي

وباقي المكونات نعصرها جيدا بواسطة ملعقة مع اضافة اكمية من الماء 

 

شربة فريك من مطبخي

نرجع المرق للطنجرة   وهذا لي يكون في الاسفل نرميه

 

 

شربة فريك من مطبخي

نضيف كمية الماء اللازمة ونترك المرق حتي يغلي

نضيف كمية الفريك  وكمية الطماطم بعدما نذوبها في القليل من الماء

نقص على النار ونخليها تكمل طيابها

في هذا الوقت نحضر كويرات اللحم المفروم بخلط اللحم وكمية من البصل ملح فلفل اسوددبشة مقطعة رقيق نعجنهم جيدا ثم نكورهم كويرات صغيرة

شربة فريك من مطبخي

ونضيفهم للشربة ونخليها تكمل طيابها مرة  في الاخير نضيفلها راس حار ونطفي عليها ونقدمها مزينة بالدبشة وبالصحة والعافية

شربة فريك من مطبخي

نقدمها عادة مع المطلوع او خبز الدار

شربة فريك من مطبخي

ان شاء الله اكون قد وفقت في الشرح ولاتنسوني من صالح الدعاء

 

في امان الله

Partager cet article

Commenter cet article

Sabra 24/02/2016 21:25

Alsalam alykoum
Je tiens a vous remercier pour toutes les belles choses que vous nous partagez, je n'ai pas encore essayé vos recette mais les explications et les photos, vos soins ou dons de finition me donnent envie de les essayer toutes.
Bonne continuation

رحاب 24/02/2016 13:59

السلام اختي ام اماني:شكراً على الردانا اقصدبالكعك اللي شكله مثل حبة سفنج دائري وفيه ثقبة في الوسط معروف في الغرب لكن انا اريد وصفتك الخاصةلانه وصفاتك دايما تنجحلي.جربت تشاراك ،حلوة المحقن،القريوش،كيكة الدانيت،وحلويات اخرى كلها نجحتلي بفضل الله ثم بفضلك،انا اصبحت افتخر بنفسي امام العائلة شكراً شكراً شكراً والف شكر

ام اماني 26/02/2016 08:39

اهلا غاليتي
للاسف جامي عملته لاني انا من الشرق ممكن يفيدوك الاخوات

ام معاد و نور الهدى 24/02/2016 12:13

السلام عليكم

ام اماني 26/02/2016 08:39

وعليكم السلام

ام عببد الله 23/02/2016 16:19

السلام عليكم اختي ام اماني انشاء الله جاوبيني قريبا علاش كي نعمل العدس يجي يابس مرات نشمخو في الليل كيف كيف ما هي طريقتك الله يحفظك

ام اماني 26/02/2016 08:45

اهلا اختي
انا العدس مانشمخوش ويطيب روووعة
في لاكوكوط نحط سنينات ثوم زيت ملح فلفل اسود فلفل احمر حار اذا تحبي الحار كمون كي يتقلاو نرمي العدس فوقهم نخليه يتشرب شوية ووامرقي عليه واغلقي لاكوكوط في نص الطياب نضيف الطماطم المصبرة ونخليه يطيب على نار متوسطة

فاطي سافي 23/02/2016 15:03

روعة ماشاء الله فنانة الله يبارك

فاطي سافي 23/02/2016 14:00

سلااااااام حااااار لاغلى انسانة بارك الله فيكي عندي مدة مدخلتش للمدونة يعطيك الصجة والله ديما في بالي ومتبخليش علينا الف شكر ليك

ام اماني 26/02/2016 08:46

اهلا بالغالية فاطي
هذي غيبة نورتي المدونة اختي

oum arse 23/02/2016 13:52

salam oum amani, min fadlik dirilna tarikat tahdir el caoucaou (cacaouettes)
merci

ام اماني 26/02/2016 08:49

اهلا غاليتي
لم افهم سؤالك ممكن توضحلي

ام معاد و نور الهدى 23/02/2016 11:58

السلام عليكم
اعتدر عن تاخري عن المدونة و الله قلبي معاكم و معاك ام اماني كنت مريضة و الحمد لله
شربة على الكيف و معكرة طيما يحب ااخاطر ان شاء الله نجربها بطريقتك
و ربي يحفظك و يحفظلك كل غالي و يجازيك كل خير و يوفقك و يوفقنا لكا يحبه و يرضاه
و من خﻻل قرائتي لبعض ردودك علمت ان هناك اشخاص مريضة تحاول تفشلك ﻻ و الف ﻻ نتس نفوسها مريضة و حاقدة الله يبعد بﻻهم و لكن اعلم ان مثل هاد التعليقات تمسك مع العلم بانك عﻻبالك لكن ان شاء الله لبمات طامل لي راهم هنا و احنا ديما معاك و انتي احلى شاف و اطيب شاف و اصدق شاف التقيتها في حياتي
نهارك مبارك
تحياتي ^_"

ام اماني 26/02/2016 08:48

اهلا غاليتي
ربي يشفيك ويعافيك وشكرااا على الكلام الطيب حفظك الله وحفظ لك كل غالي

ام رياض 23/02/2016 10:03

عزيزتي ام اماني شكرا ليك على الرد يعطيك الصحة والله كل يوم يزيد احترامي و تقديري لكي ليس فقط من اجل الوصفات و لكن كانسانة طيبة و متخلقة و راقية حتى دون ان اراكي بعيني ولكن اراكي بقلبي مع كل احترامي

ام اماني 26/02/2016 08:47

بارك الله فيك اختي ام رياض هذي شهادة اعتز بها دمت وفية

ام عببد الله 22/02/2016 10:08

السلام عليكم اختي ام اماني هادي الشربة نقدرو نرمولها الخضر ولا ماجيش بنينة .

ام اماني 23/02/2016 08:27

اهلا اختي
لا مانرموش فيها الخضر يتغير ذوقها

ام عببد الله 22/02/2016 08:36

السلام عليكم ما علاباليش كيفاش نشكرك الا بالدعاء وكلما تحطيلنا وصفة تخجلينا توفي بوعدك على الرغم انك ذات اولاد الله يحفظهم لك الف شكر يا اختي و اسمحيلنا بزاف احيانا نكثروا عليك الاسئلة و الطلبات على الرغم انها نابع عن ثقة فيك لكن جهودك دائما تحشمنا بارك الله فيك

ام اماني 23/02/2016 08:28

اهلا غاليتي ام عبيد
شكرااا على ردودكم الطيبة وانا احيانا نطول باه نجاوبكم اسمحولي التزاماتي كثيرة

ميمة 22/02/2016 07:18

كم انتي متميزة سيدتي الرائعة اتمني ان تواصل عرض الأطباق التقليدية الكفتة انتي انسانة رائعة

ام اماني 23/02/2016 08:30

ان شاء الله اختي بارك الله فيك على المرور الطيب

lila 21/02/2016 17:32

بارك الله فيك جوعتيني

ayaasma 21/02/2016 15:27

ماشاء الله مبدعه كالعادة

ام صلاح 21/02/2016 08:38

كلك على بعضك حلو

ام صلاح 20/02/2016 21:24

دائما مميزة ومتالقة

Basma 20/02/2016 17:46

بارك الله فيك وفي اولادك وحفظهم ورعاهم بالنسبة لكل وصفاتك ماشاء الله ماكانش وصفة نجربها والا كانت النتيجة رائعة اذا ممكن من فضلك هناك بعض الوصفات في جزء واش طيبتي اليوم صور دون وصفات من فضلك انشري لنا الوصفات وحفظك الله ورعاك

ام اماني 23/02/2016 08:36

شكرااا اختي ان شاء الله راح نحط عدة وصفات في الاطباق الرئيسية

رحاب 20/02/2016 14:56

ممكن اختي ام اماني وصفة الكعك تاع الدار اولادي يطلبوه مني وانا ما يخرجليش قدقد

ام اماني 23/02/2016 08:37

اختي واش تقصدي بالكعك ممكن توضحلي اكثر

رحاب 20/02/2016 14:23

مانعرفش الفريك اختي ام اماني

ام اماني 23/02/2016 08:40

اختي رحاب الفريك معروف في الجزائر ممكن تختلف التسمية لي يعملوه من القمح الاخضر

Om iyes 20/02/2016 13:41

السلام عليكم ورحمة الله وبركاته
جزاك الله خيرا رووووعة تشهي
ودعواتنا اقل واجب نقدمه لك يااا اغلى اخت واطيب استاذة
بارك الله فيك واجزل لك العطاء في الدارين

ام اماني 23/02/2016 08:43

بارك الله فيك على المرور الطيب

ام رياض 20/02/2016 13:10

عزيزتي ام اماني يعطيك الصحة باينة تشهي نحن في منطقتنا ماناكلوش الفريك ناكل حريرة نتاع تشيشة نتاع الزرع بصح نوعدك انني نجرب الفريك و ندوق البنة نتاعه على كل حال ربي يجازيك كل خير

ام اماني 23/02/2016 08:43

اهلا غاليتي ام رياض
فعلا في الغرب يعمله الحريرة لكن مليح التغيير انا عطيتكم طريقة شربة فريك من الشرق واكيد كل منطقة وطريقة تحضيرهم ممكن تزيدي توضحي للاخت رحاب واشنو هو الفريك لاني نظن راهي من الغرب وماتعرفوش وشكراااا

Kika 20/02/2016 12:42

Kont nastana f jadidk b fargh sabr b rabi nsayha had chorba rabi nawalhalk denya w akhra

فيفي 20/02/2016 12:05

كعادتك غاليتي ام اماني دائما في القمة مع الاطباق الشهية ربي يوفقك واوﻻدك لما يحب ويرضى شكرااا

lila z 20/02/2016 11:20

وااو يعطيك الصحة حبيبتي ام اماني رائعة كعادتك و ما تبخليناش بوصفاتك المتميزة ربي يحفظك و يحفظلك كل غالي يارب

ام سيف الدين 20/02/2016 10:24

احلى صباح لاحلى اخت ربي يباركلك في صحتك وفي اولادك ويجعلهم من الصالحين البارين فقط عندي سؤال ان امكن شحال كمية الماء ليتمرقي بها الشربة ربي يجازيك كل خير وعندي طلب ان امكن وصفات لحلويات اطيب في السنيوة مثل قاطو بساط الريح وشكرا

ام اماني 23/02/2016 08:47

بالنسبة للحلويات راني عملتكم القطايف وان شاء الله اذا عملت وصفات اخرى نحطلكم

ام اماني 23/02/2016 08:46

اهلا غاليتي
بالنسبة للماء عيني ميزاني انت غطي اللحم بحوالي بزوج صباع ماتكثريش بزاف لان اللحم لازمه يطيب نص الطياب في التقلية فقط ومن بعد يكمل طيابه مع الفريك ومع الوقت راح تعرفي الكمية ومن الاحسن امرقي بالماء يكون سخون

Myriam 20/02/2016 10:10

أختي ام اماني اذا أمكن وصفت بطاطا كوشة تاعك الموجودة في الربط التالي
http://www.djelfa.info/vb/showthread.php?p=1056194603#post1056194603
و اذا عندك وصفة مجربة و بمقادير مضبوطة للمايونيز حطيها لي تعيشي و ربي يجازيك بكل خير و يفتحها في وجهك و مشكورة في كل الأحوال
بالنسبة لمنتدى المسلمة المشكل مازال قائم حتى مع الرابط لي مديتيلي

ام اماني 23/02/2016 08:49

اهلا اختي مريم
اسمحلي الرابط لا يفتح لكن اعدك بعدة اطباق رئيسية جديدة في الايام القادمة اما منتدى المسلمة لا ادري ماهو السبب

Myriam 20/02/2016 10:04

صباح الخير على الجميع الله يبارك شربة هايلة و تشهي بالأخص مع المطلوع و الله شميت ريحة رمضان ربي يجازيك كل خير و الله خجلتينا بكرمك وعدتي و وفيتي وعدك ربي يبارك في أولادك و يجعلهم من الصالحين

ام مروة 20/02/2016 10:01

مممم ماشاء الله تبارك الرحمن روعة شكرا لك أختي العزيزة