بريوش بالكريم فريش
بسم الله الرحمان الرحيم
السلام عليكم اخواتي
جبتلكم اليوم وصفة جديدة للبريوش من دون زبدة ولازيت لكن بالكريم فريش فقط والنتيجة اكثر من رااااائعة.
المقادير:
250غ فرينة
100غ كريم فريش نستعمل اي نوع متوفر عندك
نصف ملعقة كبيرة خميرة خبز
نصف م ص ملح
40غ سكر رطب
50مل حليب دافي
بيضة كاملة +صفار بيضة لدهن البريوش
الطريقة:
اولا نحطلكم صورة الكريم فريش لي استعملت
بالنسبة لطريقة التحضير نحط الخميرة في كميية الحليب الدافي ونخليها تختمر
من جهة نحط الفرينة+السكر+الملح+الكريم فريش
نضيف البيضة
ثم نضيف الخميرة لي حطيناها مع الحليب الدافيء ونلم العجينة راح نتحصل على عجينة طرية نعجنها لمدة 10د راح نتحصل على هذا العجينة
نغطيها ونخليها تختمر
من بعد نأخذ قالب الشكل لي نفضله ندهنه بالزبدة ومن الاحسن نغطيه بورق الزبدة
نشكل كويرات متساوية الحجم ونحطها في القالب بجانب بعض
نغطيه ونخليه البريوش يختمر للمرة الثانية هكذا
ندهنه بصفار البيض +كمية قليلة من الحليب+قطرات خل
ندخله للفرن يكون مسخن مسبقا على 180د حوالي نصف ساعة طبعا كل اخت والفرن الخاص بها المهم حتى يطيب ويأخذ لون ذهبي محمر
وهذا شكله بعد ماطاب مباشرة
شوفو لونه ما احلاه
بعد مايبرد نقدمه مع المعجون او نوتيلا اوحسب الرغبة انا هنا قدمته مع معجون الفراز
ممكن ايضا نرش عليه السكر الرطب امممممم خفيف وذوقه اكثر من راااائع
عن قرب
هذا شكله من الداخل خفيف كالقطن
نتمنى تعجبكم الوصفة ونشوف تطبيقاتكم
ولا تنسوني من صالح دعائكن ولكن بالمثل
في امان الله