Overblog
Suivre ce blog
Editer l'article Administration Créer mon blog
مدونة ام اماني للطبخ

تشاراك بالعجينة السحرية

1 Mai 2015 , Rédigé par ام اماني Publié dans #حلويات

السلام عليكم غالياتي

اليوم جبتلكم وصفة لحلوى التشاراك لكن مختلفة على الوصفة

لي متعاودين عليها


ولي فيها 3 كيلات فرينة بكيلة سمن هذا الوصفة نحضرها بعجينة

تسمى العجينة السحرية وهي اكثر من راااااائعة الحلوى تذوب

في الفم صراحة احسن وصفة جربتها على الاطلاق

المقادير:

كيلة سمن ذايب وبارد

كيلة زيت

كيلة حليب سائل

فرينة

http://



نخلط السمن مع الزيت والحليب ونضيف الفرينة تدريجيا حتى نتحصل على عجينة

متماسكة مالا زمش تكون طرية يعني تكون حاكمة روحها لانها مبسسة مليح واذا

كانت طرية كي نحطها تطيب ما تحافظش على شكلها

http://



نشكل كويرات انا عملتهم بحجم 28غ ولي تحب حجم صغير تعمل اقل

http://



نغطيها ونخليها ترتاح

من جهة نحضر الحشو

انا عملت نوعين من الحشو

الحشو الاول: الحشو لي متعاودين عليه

3 كيلات لوز مرحي،كيلة ناقصة شوية سكر،قرفة،زوج م ك زبدة ذايبة

http://



ونلم بماء الزهر مالازمش نكثر لازم يبقى الحشو متناثر

الحشو الثاني:

كيلة ونصف كاوكاو محمص ومرحي،كيلة جلجلانية محمصة،كيلةحلوة الترك،معجون
نلم به الخليط

http://



ناخذ كويرة من العجينة نبسطها بالطول ونحط كمية من الحشو

http://



نلف الحلوى وفي نفس الوقت نحاول نخرج الهواء منها



http://



ونعطيها شكل التشاراك

http://



ندخل الحلوى تطيب ونخليها تبرد تماما

في هذا الوقت نحضر الشربات:

كيلة سكر+3 كيلات ماء نحطهم على النار ونحسب 15 د بعدها نضيفلهم شوية

عصير ليمون ونطفي

بعدما تبرد الشاربات نغطس فيها الحلوى ونحطها تقطر في كسكاس

ناخذ كيس فيه سكر رطب نحط فيه حبة التشاراك ونغلق ونحرك نحط الحلوى فوق

مشبك حتى تبس ونعاود نحطها في السكر الرطب كيما المرة الاولى وعند التقديم

نرش فوقها سكر رطب بالصفاية وهذا شكلها

http://




http://



نتمنى تعجبكم الوصفة وتجربوها لانها فعلا تذووووووب في الفم وبنينة بزاف سواء


بحشوة اللوز او الكاوكاو

في امان الله

تشاراك بالعجينة السحريةتشاراك بالعجينة السحرية
تشاراك بالعجينة السحريةتشاراك بالعجينة السحريةتشاراك بالعجينة السحرية
تشاراك بالعجينة السحريةتشاراك بالعجينة السحرية
تشاراك بالعجينة السحريةتشاراك بالعجينة السحريةتشاراك بالعجينة السحرية

Partager cet article

Commenter cet article

nihado 13/07/2015 14:32

Slm khwatati habite nsakiskom ila nkdro ndir glassage fi plact charbat

nina 10/07/2015 17:48

هذا العيد انشالله نجربو باين هايل ربي يعطيك الجنة انشالله.

Myriam 25/05/2015 18:12

والله جربتو بحشوة الكاوكاو و حلوة الترك و جا هااااااايل شكرًا على الوصفة