Overblog
Suivre ce blog
Editer l'article Administration Créer mon blog
مدونة ام اماني للطبخ

خبز ايطالي

9 Février 2016 , Rédigé par ام اماني Publié dans #معجنات

بسم الله الرحمان الرحيم

السلام عليكم اخواتي

كيف حالكن ان شاء الله الكل في تمام الصحة والعافية

 

وصفة اليوم عبارة عن خبز ايطالي  خفيف وهشوش    مناسب جدا للشربة او الحساء  كنوع من التغيير  من دون اطالة اترككم مع الوصفة

 

 

خبز ايطالي

المقادير

فرينة450غ

خميرة الخبز15غ

ماء دافئ250مل

ملح10 غ

زيت زيتون3م ك

سكر30غ

بيضة

جلجلان

الطريقة

نخلط الفرينة مع السكر والخميرة والبيضة ثم نضيف3م ك زيت زيتون   نخلطهم مع بعض ونضيف الماء الدافي  ونعجنهم جيدا  ثم نضيف

 الملح  ونستمر في العجن راح نتحصل على عجينة طرية ناخذ بلاطو نرشه جيدا بالفرينة ونحط فيه العجينة ونبسطها بحجم البلاطو

 

 

 

خبز ايطالي

نغطيها ونخليها تختمر

بعد ما تختمر للمرة الاولى  نقطعها الى شرائط بمقاس 2سم بالتقريب 

خبز ايطالي

نأخذ كل شريط   ونلويه  وفي كل مرة نرش الفرينة  لان العجينة  طرية وعند تشكيل الخبز نحاول مانخرجش الهواء من داخله

خبز ايطالي  خبز ايطالي

نغطيه ونتركه ليختمر للمرة الثانية

بعدها ندهن الخبز بالماء ونرش فوقه الجلجلان وندخله لفرن مسخن مسبقا على 200درجة

حتى يأخذ اللون الذهبي فور خروجه ندهنه  بزيت الزيتون 

خبز ايطالي

ويقدم بالصحة والعافية

خبز ايطالي

فعلا راااائع خفيف وهشوش

خبز ايطالي

مناسب جدا مع الشوربات امممم

خبز ايطالي

ان شاء الله تجربوه وينال اعجابكم

ولاتنسوني من صالح الدعاء وخاصة لابنتي المريضة شفاها الله وكل مرضى المسلمين واعتذر على عدم الرد على كل الرسائل    

ان شاء الله لي عودة للاجابة

 

تم بحمد الله

Partager cet article

Commenter cet article

ام جنة 08/03/2016 14:03

السلام عليك اختى ام امانى جربت الخبز الاطالى و خرجلى بنين و مشى اول مرة نجرب وصفاتك اجرب وصفاتك و عيونى مغمضة الله يعطيك الصحة

ام مرام 25/02/2016 21:49

يعطيك الصحة والهنا

ام مرام 25/02/2016 21:47

يعطيك الصحة والهنا ونموت على اطباقك كلها ماشاء الله ناجحة

ام محسن 17/02/2016 19:17

شكرا اختي لكن انا قلت الا تقدري تعطيني عناوين لانو قبة والي دكرتيكم كبار وهل سوق جرف نقدر نلقى فيه عجانة وشكرا

ام اماني 18/02/2016 07:26

اهلا اختي
كاين في بازار باش جراح واحد معروف في الطابق الاول اسالي فقط عليه
اما العجانة تلقايها في الحميز ايضا راه معروف اسالي فقط تلقايه وفي الجرف ايضا كاين لي بيع دوزان الحلوى لكن في بازار حمزة احسن

ام محسن 11/02/2016 23:10

شكرا على الوصفات كل مرة مبدعة اوربي يشافي بنتك يارب الله يخليك مول ساركل الي راكي تمونتي فيه تحليات الي يكبر اويزغار الله يخليك انا من ولاية غليزان او ديما نجي للعاصمة اومنعرفش وين حوانت ادا تقدري تقوليلي عنوان بضبط وين نلقى ساركل واي حوانت يبيعو صوالح تاع حلويات اوربي يجازيك نشاء الله ممكن سؤال واش من ماركة تاع عجانة مليحة وادا تعرفي سعرها وين تباع في عاصمة ممكن تقوليلي وشكرا نتمنى تردي عليا

ام اماني 16/02/2016 09:10

اهلا غاليتي
بالنسبة للوزام الحلويات كاين في القبة وكاين في المحمدية وكان في باش جراح
اما العجانة انا عندي كينووود الصراحة هايلة بالنسبة للسعر لاادري اختي انا عندي مدة ملي شريتها

loudjaine azizi 11/02/2016 22:29

يعطيك الصحة دعائي لك ان يثقل ميزانك بالحسنات يم القيامة

ام اماني 16/02/2016 09:10

امين ياااارب ولك بالمثل

amina 11/02/2016 22:06

Ya3tik saha merci bcp.

ام اماني 16/02/2016 09:10

يسلمك اختي

oumfares kabyle 11/02/2016 20:59

يعطيك الصحة جربتو وجاني هايل

ام اماني 16/02/2016 09:11

بصحتكم اختي وشكرااا على الثقة

Om iyes 11/02/2016 17:59

حبيت نفرحك باني نجحت في المطلوع من اول تجربة ولله الحمد
ربي يبارك في جهدك واهلك وصحتك ويمتعك بخيري الدنيا والاخرة

Om iyes 11/02/2016 17:57

السلااام عليكم
بااارك الله فيك تحححححفة باذن الله نديرو شهااااني بزززاف يبان خفيييف من داخل ومقرمش من برة لا ادري اذا صدقت
وزيد ندي الوصفة لامي ان شاء الله قاتلي جيبيلي وصفااات الخبز تحب تنوع بيه
اوابشري بدعاءي ودعاءها لك بكل خير ولحبيبتي الصغيرة بالشفاء ان شاء الله
لا باس طهورا ان شاء الله

رحاب 11/02/2016 16:13

الله يشافي ابنتك ويعافيها من كل مرض آمييييين

أم محمد 10/02/2016 10:39

ربي يشفي ابنتك ان شاء الله عزيزتي... و كل مرضى المسلمين، وصفة هايلة ان شاء الله نطبقها البارح عاودت خبز بالياغورت الطبيعي..تاعك ما شاء الله و دعيتلك ربي يحميك سللاااااام

Basma 09/02/2016 22:51

ماشاء الله يسلم ايديك ويعطيك العافية انت وعائلتكوربي يشفيلك بنتك وكل مرضى المسلمين

ام اماني 10/02/2016 08:00

امين يارب شكراااا اختي بسمة

Om marwa et dounia 09/02/2016 21:57

Slm ma soeur merci pour ce délice, inchallah kol keir pour ta petite fille que Allah protège votre fille et lui donne la bonne santé, le bonheur dans cette vie.om marwa et dounia

ام اماني 10/02/2016 08:00

بارك الله فيك اختي ام مروى على المرور الطيب

ام سراج الدين 09/02/2016 21:37

جزاك الله كل خير حبيبتي
و ربي يشافي بنتك و يلبسها لباس الصحة و العافية و ما تشوفي فيها شر

ام اماني 10/02/2016 08:01

امين ياااارب شكراااا

ام تسنيم 09/02/2016 19:32

داووا مرضاكم ب الصدقات"

ام تسنيم 09/02/2016 18:39

اولا اريد ان أقولك للك أتمنى الشفاء لابنتك
قال الرسول صلى الله عليه ويلم
داووا مرضاكم ب الصدقة
شكرا على هده الاطلالة

ام اماني 10/02/2016 08:01

بارك الله فيك اختي ام تسنيم

Myriam 09/02/2016 14:10

كيفاش ندير باش ما تجينيش ريحة الخميرة باينة مع العلم أني نستعمل خميرة saflevure

ام اماني 10/02/2016 08:03

اهلا بالغالية مريم
اختي نا نستعمل الخميرة الفورية المستوردة ممكن تصورلي العلبة ديالك
ممكن نوعية الخميرة او كمية الخميرة زايدة

Myriam 09/02/2016 14:03

أختي الغالية ام اماني راني سبق و وضعت سؤالان في موضوع كاب كيك التيراميسو و لكن أكيد مانتبهتيش لهم و ما جاوبتينيش
١- عملت الميرانغ بطريقتك عدة مرات و يخرج هايل فالطعم و لكن يتشقق و يظهر فقاقيع فالشقوق و يحمار بزيادة ما عرفتش وين اخطأت؟
٢- عملت حلوة لمول بقاناش الشكولا و لكن بعد فترة قصيرة القاناش جمد نوعا ما ممكن ما حطيتش كمية الزبد اللازمة ما عرفتش وين خطئي
٣ - عملت المطلوع تاع المدونة و خرج اروع من اللي حطيتي في منتدى اللمة يعطيك الصحة و لكن أنا تجيني ريحة الخميرة باينة

ام اماني 10/02/2016 08:09

اهلا اختي مريم
راني جاوبتك اختي لكن نظن الرد لم يمر لان النت كانت ثقيلة اعتذر منك
بالنسبة للمورانغ نظن درجة حرارة الفرن عالية انا الفرن ديالي فونتيلي ينشر الحرارة بطريقة متساوية
اذا لم يكن الفرن ديالك فونتلي افتحي باب الفرن قليلا بواسطة ملعقة خشبية واعمليه على 100درجة
بالنسبة للغاناش ممكن تقوليلي نوعية الكريمة المستعملة لازم creme fraiche liquide انا نستعمل المستوردة كما hoplaممكن انت استعملتي la creme epaisse
بالنسبة للخميرة اما النوعية رديئة او كمية الخميرة زايدة

فيفي 09/02/2016 12:55

اللهم اشفي الصغيرة وحفظها بسترك وسائر المسلمين يارب

ام اماني 10/02/2016 15:55

بارك الله فيك

ام اماني 10/02/2016 08:09

امين ياااارب شكراااا غاليتي

فيفي 09/02/2016 12:52

جزاك الله الف خير حبيبتي ام اماني وفقك الله و ادام عليك عافيتك شكراااااااااااا على الوصفات الرائعة و المميزة في كل مرة

ام اماني 10/02/2016 08:10

ان شاء الله هناك وصفات جديدة اخرى في القريب

moslihe29 09/02/2016 10:58

امممممممممممممممممممممم يهبل سلمت يمناك اختى ننتضر جديدك بفارغ الصبر

ام اماني 10/02/2016 08:13

ان شاء الله اختي

Myriam 09/02/2016 09:20

صباح الخير يا وجه الخير راني فرحانة بزاف بزاف بزاف على خاطر أنا الأولى لي نحط تعليق على موضوع اليوم الخبز هاااايل راكي طليتي على قلبي لأني جاييني ضياف يوم الجمعة الجاي و كنت نحوس على وصفة خبز جديدة كنوع من التغيير الوصفة هااااايلة جزاكي الله الف خير و حفظ لكي اولادكي و أقر عينك بهم و حفظ الله زوجك و سخره لكي بما يحب و يرضى و أرجو من الله تعالى ان يشفي ابنتك شفاء لا يغادر سقما و يلبسها ثوب الصحة و العافية

oum arse 09/02/2016 09:14

MERCI OUM AMANI ALLAH YACHFIHA ET YACHFI KOUL MARDA EL MOUSLIMINE AMINE YA REB

ام اماني 10/02/2016 15:52

بارك الله فيك