خبز بالصلصة الحاااارة رووووعة

بسم الله الرحمان الرحيم

السلام عليكم

كيف حالكن اخواتي ان شاء الله الكل في تمام الصحة والعافية

اود في البداية ان اشكر كل الاخوات المتتبعات لجديد المدونة   واعتذر لعدم الرد على كل الرسائل لضيق الوقت لكن اود ان اخبركن اني سجلت كل الطلبات وساحاول تلبية ما استطعت    باذن الله 

بما ان شهر رمضان الكريم على الابواب اللهم ما بلغنا رمضان لا فاقدين ولا مفقودين  ارتايت ان اضع كل مرة انواع جديدة من الخبز كلها رااائعة كنوع من التغيير 

اليوم اخترت لكن خبز حار بالصلصة خبز خفيف وذوقه رااائع مناسب جدا لكل الاطباق من دون اطالة تفضلن الوصفة

المقادير

كغ 1 فرينة

زيت زيتون 40مل

ملح20غ

خميرة الخبز25غ

سكر30غ

نصف لتر ماء دافيء

الصلصة

م ص هريسة

م ص طماطم معلبة

م ص فلفل مرحي حاراحمر

م ص فلفل اسود

م ص زعيترة

زوج ورقات رند مفتت

م ص زيت

رشة ملح

فنجان ماء

الطريقة

اولا نحضر الصلصة بخلط جميع المقادير ووضعها على النار ناااقصة حتى تمتزج كل المكونات ونتحصل على صلصة عااااقدة

نطفي عليها ونتركها تبرد

الان نقوم بتحضير الخبز

نضع الخميرة مع كمية السكر ونضيفلها كمية من الماء الدافيء ونتركها تختمر

في هذا الوقت نخلط الفرينة والزيت  الزيتون  ونضيف فوقهم الخميرة بعد ماتختمر ونضيف كمية الماء ونبدا  في العجن في الاخير نضيف الملح ونستمر في العجن  حوالي 10د

نغطيها ونخليها تختمر

بعدها نقسمها كويرات حوالي 120غ  

نرش كمية قليلة من الفرينة ونبسط العجينة بسمك رقيق نوعا ما

بالبانسو ندهنها من فوق بالصلصة

نعمل خطوط بالسكين للتزيين فقط

نحطها في مكان دافي ونتركها تختمر

  ندخله لفرن يكون مسخن مسبقاعلى 200 درجة

فور خروجه من الفرن ندهنه من فوق بزيت الزيتون يقدم بالصحة والعافية

انا عملت نصف الكمية وتحصلت على 6 خبزات

شكله عن قرب امممم راااائع 

ان شاء الله تجربوه  ولاتنسوني من صالح الدعاء ولكن بالمثل

تم بحمد الله

Comments

[ام عبد الله]

الله يبارك جربتو خبز خفييييف كيما القطن الله يجازيك خير الجزاء.... راني تقريبا تطيب غير بطيابك فرجتي علي ربي يفرج عليك

[Sihem tlm]

❤❤❤❤

[assia]

بارك الله فيك

[أم مرام]

رووووووعة ماشاءالله ربي يحفضك ويفرحك بولادك كيما راكي تفرحينا بوصفاتك الجميلة

[ام هاجر وأيوب]

يعطيك الصحة بارك الله فيك وصفاتك اكثر من راءعة

[ام هاجر وأيوب]

بارك الله فيك أختي ام أماني وصفاتك تشهي ربي يرزقك ويحفظك ويحفظ كل احبابك

[oum malak]

فكرة رائعة شكرااااا

[oum malak]

السلام عليكم أختي ام أماني إن شاء الله تكوني بخير يعطيك العافية على الوصفة وبارك الله فيك جربت لكروكي وجا هاااايل ربي يحفظك

[ام اماني]

شكراااا اختي على الثقة يعطيك الصحة وبصحتكم

[Basma]

ام اماني من فضلك رايحة نهبل على الكوكا و مقدرتش نغامر ننتظر وصفتك احسن وبارك الله لك ولاولادك

[ام اماني]

ان شاء الله اختي

[Gâteaux Bladi]

ياأاااااعمري في هاديك الخدمة .راكي عارفة أختي ام اماني ،أكثر حاجة ننتبه ليها عندك هي النظافة تاع خدمتك وكي يكون النقاء يكون تقديمك فيها ممتاز ورائع وهدا لي يخليني نطمح باش نجرب وصفاتك ،الله يبارك في صحتك ويكملك ماتتمناي حبيبتي راكي ماشاء الله عليك ،توووووووپ .المزيد من التقدم والنجاح

[ام مروان]

يعطيك الصحة ام اماني دايما متألقة رب يبارك

[Basma]

يظهر انو بنين بزاف يعطيك الصحة والعافية وجعل كل تعبك في ميزان حسناتك يا اغلى ام

[Myriam]

أختي الغالية ام اماني شكراااااااا على طريقة طبخ المقرونة و الله طبقتها كيما قلتيلي و جات هايلة و الله حمرا وماشي حامضة علا خاطر قليت الطماطم المصبرة مليح و انا ثاني متعودة على استعمال طماطم زهرة تاع بن عمر
شكرااااااا و جزاك الله الف خير و بارك لكي في رزقك و حفظ لك اولادك بما حفظ به الذكر الحكيم

[ام اماني]

بلا مزية اختي دمت اخت وفية

[sou]

merci pour le partage
que dieu vous benisse

[iamne]

مااروعك ام اماني ربي يجاريك خير
من فضلك ديرينا جينواز وتارت بطريقتك

[imane]

الف شكر ليك ربي يسعدك في الدارين

[ام اماني]

باذن الله ضرك نحطها بالخطوات

[ام رياض]

عزيزتي الغالية ربي يخليك لينا و ربي يجازيك كل خير و شكرا ليك و يعطيك كل ما تتمني و يعطيك الصحة

[ميمة]

انتي دائما رائعة سيدتي ممكن أوراق البوراك و الحشو علي طريقتك

[ام اماني]

ان شاء الله

[فيفي]

ربي يرزقك من كل الطيبات اختي في الله ام اماني جزاك الله الف خير على كل مجهوداتك

[Kika]

شكرا و الف شكر يا استاذي هههههه
مهما نقولو مانوفيوش انا راح نسالك هلى سلطات لرمضان الكريم و ربي خليك

[ام مروة]

الله يعطيك الصحة اختي اإن شاء الله انجربو الله يعطيك الصحة اختي الغالية

[ام اروى]

بارك الله فيك واعانك على الخيرهل ممكن ان وصفة اللحم حلو بطريقة عصرية وناجحة بارك الله فيك

[ام اماني]

في القريب ان شاء الله

[Myriam]

وااااااااو رووووعة و الله بدو ن اي مجاملة فكرة جديدة و راح نتحصل على خبز بنكهة خاصة والله جا في وقتو مناسب لرمضان ربي يجازيك كل خير و يقويك و يبارك في رزقك و اولادك فيها يخص الردود و الله انا لا اعتب عليك و أتفهم انو وقت ضيق و مسؤولياتك كثيرة و انا أكيدة انو هدا رأي معظم الأخوات

[رحاب]

شكراً اختي ام اماني انت تتعبي معانا لكن كله في ميزان حسناتك الله يعطيك ما تتمنيه

[ام معاذ]

روعة روعة روعة هدا ابداع ربي يجزيك يشهي

[lila z]

سلام حبيبتي ام اماني ما شاء الله روعة
في انتظار باااقي وصفاتك على احر من االجمر
فقط سؤال الخبز هدا يجي حار بزاف؟

[ام اماني]

اهلا اختي ليلى
هو يجي حار شوية ممكن انت تتحكمي في كمية الحار اي تقدري تنقصي منه لكن بنته كي يكون حار