Overblog
Suivre ce blog
Editer l'article Administration Créer mon blog
مدونة ام اماني للطبخ

شباح السفرة

1 Mai 2015 , Rédigé par ام اماني Publié dans #اطباق رئيسية

السلام عليكن اخواتي
اليوم عملت كمية من الشباح وحطيتها في المجمد وراح نحاول نشرح كل الخطوات لان بعض الاخوات كي يحطوها في الصوص او السيرو تتفتح وتفقد الشكل نخليكم مع الوصفة.
المقادير:
3كيلات لوز مرحي ميكونش غبرة .
كيلة سكر خشن
بيض الصفار نبلو بيه العجينة والبياض نقلي بيه الشباح.
شوية قرفة،القليل من ماء الزهر وماء الورد.
http://

]

نخلط اللوز مع السكر والقرفة ونضيف الصفار والقليل من ماء الورد وماء الزهر حتى نتحصل على عجينة متجانسة .

بالنسبة للشكل تقدري ديري اشكال مختلفة نجمة،وردة،.....ان نفضل شكل المثلث ونعملو بطابع المقروظ وكل حبة نقسمها على اثنان هذي الطريقة عملية خاصة في الاعراس كتكون كميات كبيرة وبالنسبة للنقشة الموجودة في الطابع كطيب الشباح ماتظهرش.
نشكل حربوش كما في الصورة

http://



نحط طابع المقروظ من فوقه ونضغط نقطع مقروظات وكل واحدة نقسمها على اثنان

http://



نحط الحبات على ورق الزبدة باه تحافظ على الشكل واذا كانت كمية كبيرة نزيد نحط ورق الزبدة ونحط طبقة ثانية
http://



نحط الحبات في بياض البيض طبعا بدون ما نحرك البياض بالشوكة ونقليهم في الزيت على نار متوسطة ونقلبهم بالخف لابد يكون اللون فاتح.


http://


ونحطهم يقطرو في كسكاس ولما يبردو نمسحهم ونعاود نقليهم بنفس الطريقة ونخليهم يقطرو للمرة الثانية ونمسحهم ولما يبردو تماما نحطهم في علبة ونحطهم في المجمد راهم يبقاو كيما راهم لوقت الحاجة.
ممكن نعملهم وحدهم ولا نعمل الطاجين الحلو ونزين من فوق في هذه الحالة اذا كانت كمية صغيرة نحط الشباح في الصوص نتاع الطاجين غير شوية وننزعه ونزين بيه اما اذا كانت الكمية كبيرة كيما في الاعراس والمناسبات نعمل سيرو بالماء والسكر والليمون وكطيب نضيف كمية من عسل سان فرانسيسكو وماء الورد ونرمي الشباح .


http://



هنا عملت الطاجين الحلو وزينت بالشباح وبقى محافظ على الشكل.
نتمنى تكون طريقتي واضحة
في امان الله

شباح السفرةشباح السفرة
شباح السفرة
شباح السفرةشباح السفرة

Partager cet article

Commenter cet article

ام سراج 07/03/2016 15:13

يعطيك الصحة حبيبتي
طلب صغيزون من فضلك ادا سمحتي لي
تحطيلنا طريقة في المرقة لحلوة كيفاش تنصبيها و هكدا
و ربي يحفظك انتي و عايلتكي و كل عزيز و غالي علا قلبك

ام اماني 08/03/2016 08:15

ان شاء الله اختي في القريب