حلوى راااائعة بالكاوكاو والنواد كوكو

بسم الله الرحمان الرحيم

السلام عليكم اخواتي

وصفة اليوم عبارة عن حلوى من ارشيفي  هشة وتذوب في الفم انا فقط ضفتلها لمسة بورود الشكولة  لاعطائها شكل جميل من دون اطالة اترككم مع الوصفة

المقادير

مقادير العجينة

مرقرين500غ

كاكاو350غ محمص ومرحي رقيق

كاس سكر رطب

مايزينة500غ

فاني

باكي خميرة 

فرينة

مقادير الكريمة

زبدة250غ 

زوج ملاعق كبار معجون

زوج ملاعق كبار سكر رطب

حلوة الترك حسب الذوق

للتزيين

معجون،كاكاو، نوادكوكو، سكر رطب

الطريقة

بواسطة الخلاط الكهربائي نخلط المرقرين مع السكر جيدا نضيف الكاوكاو والفاني ونحرك ثم نضيف الخميرة والمايزينة ونجمع بالفرينة حتى الحصول على عجينة متماسكة نغطيها وندخلها للثلاجة ترتاح لمدة نصف ساعة

بعدها نبسطها بالحلال ونقطع دوائر ندخلهم للفرن 

بعدها نلصق كل حبتين مع بعض بالكريمة التي نقوم بتحضيرها بمزج المكونات السابقة

بواسطة البانسو ندهنا الحلوى من كل  الجوانب ونحطها في خليط النواد كوكو المرحي والسكر الرطب والكاكاو وهنا نضيف هذا المكونات حسب الرغبة

نقوم باذابة كمية من الشكولة السوداء  في حمام مائي ونحطها في قوالب الشكولة على شكل ورود 

 نحط الشكولة في الثلاجة حتى تبرد وتتماسك بعدها نمسحها من فوق  بالملمع الذهبي  ونلصقها بكمية من الشكولة الذائبة فوق الحلوى وتقدم بالصحة والراحة

انا هنا زينتها بوردود الشكولة يمكن تزييها حسب الرغبة  

ايضا يمكن استبدال الشكولة السوداء بالبيضاء

ملاحظة

يمكن الاستغناء على الكريمة واستبدالها بالمعجون

كما يمكن الاستغناء عن الكاكاو والسكر الرطب ونرمدها فقط في النواد كوكو المرحي

ان شاء اله تعجبكم الوصفة ولاتنسوني من صالح دعائكن

في امان الله

Comments

[imanou]

VOUS etes sans doute LA MEILLEURE blogueuse sur le web,merci beaucoup!! et bonne continuation !

[أم لؤي]

يعطيك الصحه يا ام اماني حلويات راءعه شكل و مضمون

[oum chihab]

السلام عليكم ام اماني ارجو انك متغلقيش المدونة نتاعك لانو ناس بزاف ومنهم انا وحدة استفدنا بزاف من افكارك ووصفاتك وفدتينا نتمني انك ترجعي في قرارك وتشوفي للناس الي يحبوك و يدعيولك دائما

[Zina]

أرجوك الأخت اماني لا تغلق المدونة لقد استفدت منها كثيرا

[Zinebaicha0@gmail.com]

السلام عليكم اختي ام اماني دائما متالقة تعلمنا عليك العديد من الحلويات وصفاتك ناجحة ربي يجعلها في ميزان حسناتك

[ام اماني]

شكرااا على المرور الطيب

[Zinebaicha0@gmail.com]

السلام عليكم اختي ام اماني دائما متالقة تعلمنا عليك العديد من الحلويات وصفاتك ناجحة ربي يجعلها في ميزان حسناتك

[wafa]

هايل يعطيك الصحة

[ام معز]

الله يبارك عليك

[ام نبال]

يعطيك الصحة دايما في القمة ربي يحفظلك اسرتك و كل عزيز امين

[ام انس الجزائري]

الله ايبارك عليك اعمالك تحفة راني من اشد المعجبين بوصفاتك

[هاجر]

سلام عليكم يعطيك الصحة ام اماني نسقسيك الحلوى هدي مافيهاش البيض

[هاجر]

سلام عليكم يعطيك الصحة ام اماني نسقسيك الحلوى هدي مافيهاش البيض

[ام اماني]

ايه بدون بيض وتجي هشيشة رووووعة

[ام احمد]

يعطيك الصحة يا ام اماني في منتهى الروعة كاش قاطو اخر وشكل جديد و ربي يعطيك ماتتمنياي

[ام اماني]

بارك الله فيك على المرور الطيب

[loudjaine azizi]

روعة كروعتك ورقتك هذا ماالمسه من ردودك جزاك الله خيرا عن كل ماتقدمينه

[فاطي سافي]

مساء النور يا احلى ام اماني حبيبتي كنت وعدتينا بوصفة البان كيك بالسميد ومقبلة نتاع العجينة المورقة والفلفل نتمنى تحطيلنا الوصفات لانهم فعلا رووووعة كروعتك غاليتي

[Hamdi]

Bsr svp je veux recette bien expliquer du rekhsis et ktayef merci bcp a bientôt wahiba khenchela

[ام اماني]

ان شاء الله نكتبلك وصفة الرخسيس اما القطايف غير نعملهم نصورلك بالخطوات

[Hamdi]

Bsr oum amani yehebel ton gâteau machallah alik, vous méritez une place a Samira t.v franchement vous avez du talent, bonne continuation wahiba khenchela.

[ام اماني]

بارك الله فيك اختي اهيبة

هذي شهادة اعتز بها دمت وفية

[ام معاد]

نسيت نسقسيك برك بكم شريت لي مول تاع شوكولا

[ام اماني]

شريتهم ب25 الف من العاصمة

[ام معاد]

ماشاء الله تحفة حاجة سامبل لكن راااقية ربي يحفظلكيدياتك و يباركلك فيهم و احييك على روح المشاركة بكل ماهو جديد

[ام اماني]

بارك الله فيك اختي ام معاذ على ردودك الرائعة دمت وفية للصفحة

[Myriam]

شكراااا حبيبتي على الوصفة راااائعة كروعتك ربي يسترك و يفرحك كيما راكي تفرحي فينا

[ام اماني]

اهلا حبيبتي مريم

ولك بالمثل ياطيوبة بارك الله فيك على التشجيع

[فاطي سافي]

بسم الله ماشاء كالعادة تتحفينا بوصفاتك بكل تفاصيلها دون لخل ربي يسترك اختي شكرا

[ام اماني]

كالعادة ردودك راااائعة ومحفزة جزاك الله كل خير

[ام معاذ]

رائعة انت و حلوياتك ان شاء الله يحقق امانيك علي تعبك و مجهودك ويزيدك نور علي نور