Overblog
Suivre ce blog
Editer l'article Administration Créer mon blog
مدونة ام اماني للطبخ

طريقة تحضير اروووع حميس مع سر صغير

16 Décembre 2015 , Rédigé par ام اماني Publié dans #سلطات و مقبلات

بسم الله الرحمان الرحيم

 

السلام عليكم غالياتي ان شاء الله الكل في تمام الصحة والعافية

وصفة اليوم  هي سلطة مشوية المعروفة بالحميس اكيد معروفة عند الجميع وكل اخت لديها طريقتها الخاصة في تحضيرها

انا اليوم ساشارككم وصفتي لان عندها ذوق خاص  بشهادة كل من تذوقها والسر في ذلك ان بدل شويها في الفرن او او في الشواية العادية فوق الطابونة نشوي المكونات في طاجين الطين  من دون اطالة اترككم مع الوصفة

 

 

 

 

 

 

 

 

طريقة تحضير اروووع حميس مع سر صغير

المقادير

فلفل حلو 3حبات

فلفل حار حسب الرغبة  انا نعمله حااااار

حبة طماطم تكون متماسكة وماتكونش حمراء بزاف

زوج سنات ثوم

ملح

كروية

زيت الزيتون

الطريقة

نغسل الفلفل ونقيه من الزريعة ونحط يتشوى فوق طاجين الطين فوق الطابونة من الاحسن نستعمل طاجين قديم ونخليه فقط لشوي الخضار

نضيف الطماطم وسنينات الثوم

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

طريقة تحضير اروووع حميس مع سر صغير

نشوي  المكونات جيدا من كل الجهتين

 

طريقة تحضير اروووع حميس مع سر صغير

نضعهم في كيس ونغلق عليهم لتسهيل تقشيرهم

بعد ما نقشرهم

ناخذ حبة الطماطم نعصرها من الماء لي فيها ونرحيها ونحطها مع شوية زيت زيتون ونرجعها على النار مع سنينات الثوم لي نكون رحتيهم

 

من بعد نرحي الفلفل

 

طريقة تحضير اروووع حميس مع سر صغير

نضيف مع الطماطم نضيف الملح والكروية نحرك كل المكونات ثم نطفي عليه

 

ونقدمة مزين ببيض مغلي وتونة وزيتون واكيييد نحط فوقه زيت الزيتون

طريقة تحضير اروووع حميس مع سر صغير

الصراحة ان ذوقه راااائع خاصة مع المطلوع اممممم

 

طريقة تحضير اروووع حميس مع سر صغير

الاخوات لي مايحبوشس الحار يمكن ينقصه الكمية لكن البنة كامل كي يكون حاااار

طريقة تحضير اروووع حميس مع سر صغير

ان شاء الله تعجبكم طريقتي  ولاتنسوني من صالح الدعاء

 

تم بحمد الله

 

في امان الله

Partager cet article

Commenter cet article

اسية 29/04/2016 22:58

بارك الله فيك ام اماني و ربي يخليلك اولا
دك و يحفضهم و يصلحهم

imane seddiki 24/04/2016 11:54

مشكورة ام اماني

ام رؤوف 13/04/2016 18:02

بوركت على كل ما تقدميه
ختي ام اماني كي رحيتي الفلفل الحلو وين درتيخ هل خلطتيه مع الطماطم وخليتيه يغلي شوي وطفيتي عليه او خلطتيه فقط ونحيتي من النار ارجو الرد

ام اماني 14/04/2016 17:33

اختي بعد ماترحي الفلفل الحار مع الحلو نضيفه فوق الطماطم تخليه شوبية فقط تزيدي الكروية والملح والخل وطفي
من الاحسن كي ترحي الفلف اعصريه شوية من الماء

ام مروة 20/02/2016 14:45

الله يعطيك الصحة اختي أنا مناعرفوش صراحة اليوم دارتو من عندك واش انقلك يختي ندعلك بصحة وذريته الصلاحة يارب جا فن ماشاء الله بارك الله فيك

ام اماني 23/02/2016 08:39

بصحتكم اختي وشكرااا على الثقة

Taiba Nassouha 22/01/2016 07:10

ممكن تقوليلي فاه رحيتيه

Myriam 28/12/2015 07:05

شكرًا أختي ام اماني هااايل و الله ان شاء الله نجربو لأني نحب الحميس و بالخصوص كي يكون حار

فاطي سافي 22/12/2015 20:08

ممممممم نموت علي الحار يسلمووووو حبيبتي

loudjaine azizi 20/12/2015 20:07

بارك الله فيك وربي يعطيك صحتك

lila 17/12/2015 20:36

بارك الله فيك يا الغالية ربي يعطيك ما تتمناي اتشالله

ام معاذ 16/12/2015 22:48

ياويلي نموت علي حاجة حارة ياريت تقدمينا الحميص الي يندار بالحار فقط انا ديما نشريه يا احلي ام اماني ربي يهنيك

Hamdi 16/12/2015 13:49

Hummmmmmmmm yhebel et votre idée de tajine est superbe bravo chef et n'oublie pas que j'attends tjr tes recettes avec impatience bonne continuation wahiba khenchela.

سلمى 16/12/2015 09:55

صباح النور...طريقتك روعة الله يبارك أنا نشويه فوق الطابونة..الرجاء ممكن تعطيني وصفتك في الكسرة مطلوع تاعك لأن حوايجك ديما مميزين و ساهلين و يصلحولي و شكرا

ام معاد و نور الهدى 16/12/2015 09:42

اممممم راه حااار يشوي هههه يسلمو ام اماني و الله ﻻ يحرمنا منك و من ابداعاتك