التشاراك المورق

السلام عليكم
كيف حالكم اخواتي ان شاء الله راكم كامل بخير
التشاراك المورق فكرة جديدة باستعمال العجينة المورقة راح نعملوه كيما نعمل التشاراك العريان ،مناسب جدا لسهرات رمضان وراه سهل التحضير خاصة اذا حضرنا العجينة المورقة قبل واحتفظنا بها في المجمد.
المقادير
نحتاج الى عجينة مورقة انا عملتها بطريقة الشيف فلة تجي هايلة جزاها الله كل خير.
الحشو:
3كيلات لوز مرحي
كيلة ناقصة شوية سكر
فاني
قطعة زبدة
ونلم بماء الزهر
بيضة
لوز مدشش
الطريقة:
نرش شوية فرينة على طاولة العمل ونبسط العجينة المورقة لازم تكون رقيقة
وبواسطة الطابع لي نعمل به التشاراك العربان نقطع مثلثات

http://

نحط كمية من الحشو في كل مثلث كما توضح الصورة

http://

ناخذ صينية الفرن نمسحها بالماء ونحط فوقها ورق الزبدة

ندهن التشاراك من فوق بالبيض ونحط فوقه شوية لوز ونحط الحلوى في الصينية

http://

وندخلها في فرن يكون مسخن مسبقا ولازم يكون سخووووون على200د
بعد مانحط الحلوى في الفرن ونشوفها بدات تنتفخ نقص للفرن حتى تطيب من الاسفل ونعاود نشعل عليها من فوق حتى تاخذ لون ذهبي
نخليها تبرد تماما ونحطها في عسل ثقييييل ودافيء مايكونش سخون باه تبقى مقرمشة ونخليها تقطر ويمكن نعسل غير الكمية لي نستهلكها والباقي نحتفظ به في الثلاجة كي نحب نعسلها
وهذا شكلها النهائي

http://

عن قرب

http://

وهذا شكلها من الداخل تكون مورقة وفي وسطها اللوز اممممم

http://

نتمنى تعجبكم الحلوى وتجربوها
في انتظار ردودكم المشجعة
في امان الله

Comments

[Basma]

مساء الخير ام اماني وبارك الله لك في اولادك وحفظهم و نور دربهم من فضلك اني رايت الكثير من الصور لوصفاتك على النات لكن دون الوصفات اقصد من دون المقادير اذا كان ممكن تنشري لنا هذه الوصفات قريبا خاصة وصفة الحنيفيات والمقلوبة والكوكا وغيرها وشكرا جزيلا في انتظار ردكم على المدونة

[ام اماني]

اهلا غاليتي
والله يا اختي من كثرة الوصفات لا اتذكر ممكن تحطلي الصورة وانا نعطيك الوصفة