البراج بالخطوات من مطبخي

بسم الله الرحمان الرحيم

السلام عليكم اخواتي الغاليات

كيف حالكن اخواتي ان شاء الله الكل في تمام الصحة والعافية

وصفة اليوم عبارة البراج في مناطق اخرى تسمى المبرجة هي وصفة تقليدية نعملوها خاصة مع دخول فصل الربيع  الكثير من الاخوات طلبوها مني تفضلوا طريقتي الخاصة ان شاء الله تنال اعجابكم واعتذر على التأخير

بالنسبة للطريقة انا نستعمل نفس طريقتي للمقروط هذا الوصفة اقل مايقال عنها انها راااائعة فقط نعوض ماء الزهر بالحليب الذي يعطي لون راااائع عند طهي البراج

المقادير

كيلات سميد3 متوسط من انوع الممتاز انا استعملت سفينة ممكن نستعمل سميد ماما رااائع

كيلة ونصف فرينة

كيلة سمن معمرة ذائب وبارد

نصف كيلة زيت

ملح

حليب 

الحشو

غرس منقي ومرحي

قرفة مرحية

كمية من المرقرين

ماء الزهر

الطريقة

نخلط السميد والفرينة والملح ونضيف السمن والزيت

نخلط المكونات راح جارية عادي

نجمعها بالحليب حوالي ثلاثة ارباع الكيلة هنا على حسب نوعية السميد من دون عجنها فقط نلمها  نغطيها  

من جهة نعجن الغرس مع الزبدة والقرفة وماء الزهر نبسطه فوق كيس بلاستيكي

ناخذ العجينة نقسمها على2

ونبسطها ايضا على كيس بلاستيكي بنفس قطر الغرس 

 نضع الغرس فوق العجينة  ثم العجينة الثانية 

 نبسطها بالحلال بسمك متوسط ثم نقطعها مقروطات

نحط طاجين الطين فوق الطابونة ونحط فوقة طاجين الشخشوخة والنار تكون قاوية بعد مايسخن الطاجين نبدأ نطيب في البراج

 بعد ماتتحمر نقلبها من الجهة الثانية 

بعد ماتتحمر من الجهتين ننزعها نتركها تبرد ونقدمها بالصحة والعافية

بهذا الطريقة راح نتحصل على براج يذوووووب في الفم  رووووعة

ان شاء الله تجربوها  وتعجبكم ولاتنسوني من صالح الدعاء ولكن بالمثل

في امان الله

Comments

[أم يونس]

ماشاء االه

[أم يونس]

بارك الله فيك
هل ممكن نستبدل السمن بالزبدة??

[جيجي يماهم]

ماشاأااااأااااء الله عليك كلشي روووعة عندي سؤال فقط حطونا فالفايس بوك انكي انتقلتي الى رحمة اذا ممكن احد يجاوبنا هل الخبر صحيح بارك الله فيكم ان كان غير صحيح اطاطال الله عمركي وحفظكي لاهلك

[nadia]

السلام عليكم و رحمة الله
وينك يا اخت ام اماني والله العظيم ليك وحشة كبيرة طولتي علينا والفنا وصفاتك لحد الادمان ... عاشقة وصفاتك شاوية من باتنة

[Zineb]

بارك الله فيك حبيبتي

[دد]

يعطيك صحتك أختي بصراحة هذا أحسن براج فات عليا احنا شاوية ونديروه حتى بغير الربيع ولكن عملك نقي ومتقون والفينيسيو finition هايله

[دد]

والله العظيم أحسن براج شفتهم عمل نقي ومتقون وفينيسون اروع صراحة يعطيك الف صحة

[ء]

سيتهم هايلين صحتئ

[سهام]

راني درتهم و جاوني الله يبارك رووووووووووووووووعة واش نقولك بارك الله فيك ربي يعطيك واش تتمناي جاو هايلين و بعتهم هدية ما تقدريش تتصوري شحال فرحو بيهم و حمرولي وجهي

[ام اماني]

بصحتكم اختي والله نفرح من قلبي كي تنجلكم الوصفة بارك الله فيك وشكراااا على الثقة

[souma vet]

رووووووووووعةة

[سوسو]

روعة

[ام عبد الله]

بارك الله فيك وربي يجازيك كل خيرِ..جربتو جاني هاااايل الله يبارك...يعطيك الصحة راني نستفاد منك بزاف

[ام اماني]

بصحتكم اختي وشكراااا على الثقة

[فضيلة امل]

شكرا عزيرتي ام اماني اضفت لنا الكثير و تعلمنا منك اكثر واتمنى ان تواصلي معناو ربي يجازيك

[oum malak]

راااائعة

[oum malak]

بارك الله فيك وفي اهلك يعطيك الصحة راني جربتها ليوم جات هااااايلة تذوب فالفم ربي يحفظك ويخلييييك أختي

[فطيييييمة]

ربي ينورلك وجهك يا أم أماني يوم تسود وجوه
ربي يثبتك عند السؤال ويجعل الجنة مثواك
تذكري هناك دائما من يدعو لك بظهر الغيب
ربي يفتح عليك كيما فتحت علينا

[فطيمة ادب]

حبيبتي أم أماني دائما أراسلك هنا في المدونه ولكن لا أدري ان كانت تصلك رسائلي
والله والله ثم والله أحبك من أعماق قلبي وربي يشهد على ذلك
أدعو لك كل ما تذكرتك أطلب من المولى عز وجل أن يجعل وجهك قطعة من نور القمر ويزيدك نورا على نورك لآنك لاتدرين كم رفعت راسي وحمرتيلي وجهي بوصفاتك الناجحة والاهم من ذلك الصادقة لآنك تضعينها هنا بقلبك لا بيديك
أم أماني بالله عليك قوليلي انت وين ربما شاءت الأقدار ذات يوم أن آتي اليك وأضع قبلة على جبينك كأم حنون
أحبك في الله
أدعو لك بالصحة والثمرة الناجحة في أولادك
تذكري هناك دائما من يدعو لك بظهر الغيب
أختك في الله فطيمة

[ام اماني]

اهلا باختي فطيمة
والله اني فرحت كثيرااا برسالتك
احبك الذي احببتنني فيه
بارك الله فيك اختي انا ايضا احبكم في الله ادام الله الاخوة والمحبة بيننا وجمعنا في الجنة

[ام عبد الله]

ربي يجازيك خير..نقدر نطيبو في المقلة تاع التيفال؟؟ ماعنديش الطوجن وماعنديش كيفاش نشريهم

[ام اماني]

ممكن تستعملي مقلة تيفال وتنقصي النار

[ام عبد الله]

ربي يجازيك خير..نقدر نطيبو في المقلة تاع التيفال؟؟ ماعنديش الطوجن وماعنديش كيفاش نشريهم

[Amani Alhayat]

ربي يسترك دنيا واخرة اختي ام اماني من فضلك طريقتك في صنع الخفاف ربي يجازيك

[ام مــــــلاك]

يعطيك الصحة حطيت سؤال و مالقيتوش هنا المهم جربت المبرجة بطريقة اخرى الا اني جمعت بالماء بالصح لميت العجينة برك ولات كي نحلها تتقطعلي و التمر يبان هل نلمها كما الرخساس و نحلها و لا مالزمش تولي عجينة متماسكة؟؟؟

[ام اماني]

اختي تولي عجينة كما المقروط ولازم الغرس تعجنيه بماء الزهر والزبدة مالازمش يكون يابس

[أم مرام]

يعطيك الصحه وجعلها الله في ميزان حسناتك الف الف شكر

[ام معاذ]

روعة يعطيك صحتك ويرزقك واش في بالك لبراج راح ينطو راح نجربهم في اقرب فرصة

[amina]

ممممم يعطيك الصحة ام اماني الله يعطيك ما تتمناي انشاء الله

[oum malak]

يعطيك الصحة حنا نقولولها لمبرجة فالبرج حبيت نسألك ان امكن نقدر نطيبها مباشرة فطاجين الشخشوخة دون استعمال طاجين الطين وشكرا

[ام اماني]

اهلا غاليتي
نعم تقدري لكن هنا نقصي للنار وعسيها لاتتحرق

[ام آدم nafnaf]

بارك الله فيك عزيزتي أم أماني و جزاك الله خيرا و جزاك الله الفردوس الأعلى يا رب, شكرااااااا لك لقد قدمت لنا الكثير و إستفدت منك الكثير جعلها الله في ميزان حسناتك

[GAFOUR ROFAIDA]

روعة ماشاء الله

[GAFOUR ROFAIDA]

فعلا وصفة رائعة

[GAFOUR ROFAIDA]

روعة نموت عليك

[GAFOUR ROFAIDA]

السلام عليكم فرحت كتير باشراقك بالنسبة للوصفة في غاية الروعة مزيد من التالق ان شاء الله

[GAFOUR ROFAIDA]

عودة ميمونة يااعز وحدة عل قلبي مووووووووووووووووووووووووووح

[GAFOUR ROFAIDA]

السلام ياول وحدة نحبها عودة ميمونة ان شاء الله بلا بيك مانديرو والو

[GAFOUR ROFAIDA]

ياعمري وليتي بلا بيك ماكانش طبخ الله يحفظك ويخليك لينا مووووووووووووووووووووووح

[أم دَاوٌد]

يعطيك الصحة جاوو روعة

[ام اولادي]

بارك للله فيك اختي ام اماني دائما مبدعة ومتالقة حبيت نعرف اذا تعطي دروس في الطبخ و الحلويات ارجو الاجابة من فضلك

[ام اماني]

لا اختي

[Om acil]

ربي يحفظك حبوووبة

جزاكي الله كل خير يا اروع معلمة

ربي يفرحك في اهلك يا غالية

احبك في الله

[ام آدم, nafnaf]

رائع أم أماني شاطرة ربي يحفضك انشالله و يجعل كل شيء في ميزان حسناتك

[lila]

بارك الله فيك

[ام نبال]

يعطيك الصحة طريقة مليحة اكيد نجربو و نردلك لخبر ربي يبارك غي اولادك

[Oum kamilia]

ma chaa allah

[Oum kamilia]

allah yebarek

[Oum kamilia]

rawaaaa oum amani baraka allah fik, c'st la 1 er fois nekder ndhkol jazaki allah khir

[Gâteaux Bladi]

ماشاء الله عليكي حبيبتي ،ربي يعطيلك صحتك قبل كل شيء ويحققلك ماتتمناي ،براجك راهم يشهو صراحة وكل مل نشوف الجديد لابد ونجربو من يديك الحلوين..ربي يبارك أختي

[ام احمد]

السلام عليكم يا اختي انني احبك في الله واقل ما يقال عن وصفاتك انها رااااىعه وربي يعطيك قد نيتك الي دايرتها معانا والله وصفاتك بدراهم ومانلقاوهاش والله راني كل يوم ندعيلك عن ظهر غيب ربييعطيك ماتتمناي ويجعلها في ميزان حسناتك

[ام مروان]

سلام اختي ام اماني يعطيك الصحة نسالك سؤال نبسسسوه ولا غير نخلطوه

[ام اماني]

اهلا اختي
خلطيه فقط لان فيه الزيت والفؤينة الزيت يخليه مبسس والفرينة تتشرب بسرعه

[ام ايمن]

السلام عليكم ورحمة الله تعالى وبركاته
بارك الله فيك غاليتنا ام اماني وجزاك الله عنا كل خيروحفظ لك اهلك وكل غال عليك وبقدر ماتفرحيننا بطبخاتك التي اقل ما يقال عنها انها في قمة الروعة افرحك الله في الدنيا والآخرة

[ام اماني]

اختي سميد متوسط

[امينه]

ام اماني حبيت نسقسيك سميد لستعملتيه لنخدمو بيه المقروط اي تشيشه ولا سميد لعادي لنخدو بيه الرخساس

[رحاب]

السلام اختي:من الصورة يبان عمل متقن و ناجح انا عملت المقروط من قبل وجاني روعة اكيد هذي المبرجة تاني روعة شكراً جزيلاً لك الله يعطيك ما تتمنيه

[ام عبد الله]

بارك الله فيك وربي يعطيك ماتتمناي راني ديييييما ندعيلك..ماحبيتش ندير لبراج كنت نستنى فيك انت تحطيه ونديرو

[zora]

رووووووعة ام اماني

[zora]

يا سلام يا ام اماني روووووعة هاذوك البراج سخفوني
قوليلي يعني نقدرو نديرو الحليب فالمقروض المقلي تاني

[ام اماني]

شكرااا اختي على المرور
لا يمكن استعمال الحليب في مقروط المقلة لان راح يتحمر بسرعة من الخارج ومن الداخل يبقى غير ناضج

[ام معاد و نور الهدى]

ما شاء الله يا ام اماني راح يخرجو فيا غير البارح درتهم و ا ما في قلبي و الله قلت شفتي لوكان دارتهم ام اماني لو كان درتهم و عينيا مغمضين هههه و درك كي شفتهم دبري راسك بدليلي نعطيك تاوعي و اعطيني هادو
بوركتي اخيتي و بصحتكم
●_~