الكيكة العجيبة

بسم الله الرحمان الرحيم

السلام عليكم اخواتي

ان شاء الله يكون الجميع في تمام الصحة والعافية

اولا  اريد ان اشكر كل الاخوات  على تشجيعن ودعمهن لي واريد ان اوضح لهن انه في فترة غيابي حضرت الكثير والكثير من الوصفات الجديدة  والحصرية لكن في اغلب الاحيان لم اقم بتصوريها فقط بعض الحلويات صورتها لكن للاسف لم اصور مراحل التحضير

لذلك انا بصدد اعادة تحضيرها من جديد وساضعها ان شاء الله بالخطوات المصورة

بقي لدي فقط بعض الوصفات المصورة بالخطوات كنت صورتها قبل ان اغيب على المدونة يعني اكثر من سنة  ان شاء الله ساضعها   وان شاء الله تنال اعجابكم

بالنسبة لوصفة اليوم     هي وصفة اقتصادية سهلة وسريعة والنتيجة رااااااائعة

هي عبارة عن كيكة من دون بيض ومن دون اواني فقط نحتاج الى قلب لطهي الكيكة وملعقة

اشكر كثيرا صاحبة الوصفة الاصلية  للامانة انا غيرت في المقادير لكن الفكرة اخذتها من النت

المقادير

انا استعملت كأس سعته مل250

كأس فرينة

كأس حليب

5 م ك سكر

5م ك زيت

3 م ك كاكاو

كيس ونصف خميرة كيميائية

للتزيين

علبة شكولة امباسادور انا استخدمت مزيج بين شكولة سوداء وشكولة بالحليب

علبة دانيت ذوق شكولة

الطريقة

ناأخذ قالب متوسط الحجم   بدون دهنه بالزبدة

نضع فيه الفرينة  والسكر والكاكاو والخميرة

نخلط هده المقادير بالملعقة داخل القالب

ثم نضيف الزيت والحليب ونخلط بالملعقة

نمسح اطراف القلب وندخلها للفرن مسخن مسبقا على 180 درجة

هذا شكلها بعد الطهي

نتركها تبرد تماما

بعدها نذوب الشكولة على حمام مائي ونضيف لها علبة الدانيت

نضعها فوق الكيكة وتزين حسب الرغبة انا وضعت شعيرات الشكولة يعني تزيين بسيط جدا بساطة الوصفة

نقطعها ونقدها بالصحة والعافية

هذا شكلها من الداخل صدقوني هشة وتذوب في الفم

ان شاء الله تجربوها لا نها تستحق التجربة

في امان الله

Comments

[oum arse]

sahal et benine choukrane laki okhti oum amani

[Sihem tlm]

مشكورة اختي بالتوفيق

[ام زيد]

السلام عليكم حبيبتنا
مانسيناكش كنا دايما ندعيولك
والحمد لله كي رجعتيلنا بخير
عندي اقتراح اذا كان ممكن تعملي قناة على اليوتيوب

[ام اماني]

مشكورة اختي

[Myriam]

صباح الخير اختي أم اماني كيف حالك. و كيف حال والدك الكريم نتمنى يكون في تحسن ان شاء الله
و انا في انتظار ما لذ و طاب ما وصفاتك

[ام اماني]

اهلا بالغالية مريم
الحمد للله الوالد في تحسن شكرااا على السؤال
اعتذر على التأخير نسيت نقولكم اني فتحت حساب على الفايسوك مطبخ ام اماني

[Fatiha]

بارك الله فيك اختي انا مسرورة علي هده الوصفة انشاء الله تكون في ميزان حسناتك

[ام اماني]

اختي مريم مطبخ ام اماني تلقايه

[Myriam]

حبيبتي ام اماني ما لقيتش الحساب تاعك على الفايس بوك

[ام اماني]

مشكورة غاليتي على المرور

[Lila]

ربي يجازيك ختي والله نحبك بزاف

[ام اماني]

احبك الذي احببتني فيه
ربي يخليك ويسعدك ياااارب

[nadjwa]

صباح الخير على احلى واروع شاف في الجزائر

[ام اماني]

اهلا غاليتي نجوى
هذا من ذوقك عزيزتي ربي يخليك

[nadjwa]

مساء الخير اختي ام اماني من فضلك حطينا تحليات وكريمات مناسبة لحفلات الخطوبة والجريات وشكرا لك مسبقا وتقبلي تحيات كل افراد العائلة

[ام اماني]

ان شاء الله اختي كل الطلبات سوف ادونها عندي واحاول جاهدة وضع الوصفات تباعا

[Myriam]

مساء الخير اختي أم اماني والاه فرحت كي لقيتك قلت فالردود انك رايحة تبداي تحطي الوصفات هدا الأسبوع ربي يقدرك ان شاء الله

[ام اماني]

امين ياااارب انتظروني

[كنزة]

ام اماني الغالية ربي يجازيك بكل خير دنيا واخرة راني حابة نشكرك من قلبي على وقتك اللي راكي تخصيصيه لينا لنشر الوصفات وخاصة على الردود انتاعك على تعليقاتنا بالوحدة وهذا كله لازم لو وقت كبير بارك الله لك في اولادك وربي يرزقك الصحة والعافية لك وكل عزيز عليك......ر

[ام اماني]

امين ياااارب والله دعوة خير تكفيني لي ولعائلتي
واعتذر منكن على التقصير في بعض الاحيان ارجو التفهم لان الاولاد على ابواب الامتحانات لكن باذن الله ساكون عند وعدي

[omsalah]

الف شكر والف تقدير

[ام اماني]

العفو يا غالية

[أم سليم]

سلام اختي الغالية أم اماني أي شيء من يديك بنين حبيبتي وانا من محبينك كنت نتبعك في منتدى جلفة و وصفاتك طبقتها تقريبا كلها و ندعيلك دائما في ظهر الغيب ربي يحفظك ويسترك من كل شر يارب

[ام اماني]

مشكووورة غاليتي ولك بالمثل

[Myriam]

مساء الخير اختي أم اماني شكرا على كل ما تقدمينه لنا

[ام اماني]

صباح الانوار مريومة شكراااا على دعمك وتشجيعك دمت وفية للصفحة

[أحلامي البريئة]

الله يعطيك صحتك ويفرحك كما فرحتينا بوصفاتك

جزاك الله خيرا وبارك لك في صحتك ومالك وأصلح لك ذريتك آمين يارب العالمين

جربت الكيكة والحمد لله اعجبتنا
بارك الله فيك

[ام اماني]

امين يااااارب بصحتكم اختي وشكراااا على الثقة

[Samira CHAHINEZ]

شكرا اختي ام أماني الله يعطيك الصحة

[ام اماني]

بارك الله فيك اختي سميرة على المرور الطيب

[كنزة]

ام اماني الغالية ربي يعيشك دريلنا طريقتك في الاطباق اليومية ..العدس اللوليا الحمص وخاصة العجائن مادمنا في فصل الشتا ء وربي يحفضلك كل غالي في حياتك اسمحيلي رانا كثرنا عليك بطلباتناء

[ام اماني]

ان شاء الله اختي وعد مني وراني نسجل كل الطلبات ونحاول جاهدة باذن الله نحطلكم الوصفات

[omsalah]

اختى الغالية ام امانى رجاءا احتاج وصفة تارتولات بكريمة الليمون مع كل التقدير والامتنان

[ام اماني]

ان شاء الله اختي ام صلاح نحطلك الوصفة في القريب

[ام روضة]

شكرا شكرا اختي ام اماني نحن في انتضار المزيد والمزيد من الحلويات و ربي يوفقك انشاء الله

[ام اماني]

مشكورة اختي روضة ان شاء الله هذا الاسبوع سأبدأ في وضع الوصفات

[ام روضة]

شكرا شكرا نحنو في انتضار المزيد و مزيد من الحلويات وربي يوفقك انشاء الله

[ام روضة]

شكرا شكرا يا اختي ام اماني انا في انتضار مزيدمن وصفات حلويات وربي يوفقك ان شاء الله

[كنزة]

راني جربتها راهي جات تذوب في الفم رغم البساطة انتاعها لكنها فرحت اولادي ربي يفرحك ان شاء الله

[ام اماني]

الحمد لله اختي انها نالت اعجابك شكراااا على الثقة

[Houaria Nourine]

بارك الله فيك اختي ام امانى و عودة ميمونة و ان شاء
الله دايما متألقة و من نجاح لنجاح

[ام اماني]

مشكورة عزيزتي على المرور الطيب بوركت

[omsalah]

يكفى ان الوصفة من يدبك تسلمى ياغالية

[ام اماني]

شكرا اختي حنان على المرور الطيب ان شاء الله تكون اخر الغيابات

[حنان]

شكرا جزيلا حبيبة الكل رائعة روعتك ما فارقتش مدونتك طيلة غيابك دائما نطل و نطمع نصيبك وليتي لينا ما فقدتش الامل ههههههه.ماتزيديش تغيبي علينا جزاك الله خيرا.حنان

[ام اماني]

اهلا بالغالية ام صلاح
شكراااا على مرورك الطيب

[mimi ميمي]

بارك الله فيك ام اماتي صدقيني وليت ندخل للمدونة كل دقيقة ربي يجازيك على كل حاجة لان فعلا تعلمنا منك الكثثثيييييير الكثيييير

[ام اماني]

مرحبا بك اختي ميمي نورت المدونة

[Myriam]

راني غير نشوف و نعاود ههههههههه كيكة تهبل

[ام اماني]

صدقيني راهي هايلة ننصحك تحضريها

[Myriam]

من فضلك حبيبتي محتاجة الاطباق التقليدية كيما الشخشوخة تاع الظفر و تاع لفطير و تاني وصفة الفارميسال المفور تاعك يهبل قلبي راح يخرج عليه حطيتيه عدة مرات في منتدى الجلفة و انتي مشكورة في كل الأحوال

[ام اماني]

ان شاء الله اختي مريم

[nadjwa]

مساء الانوار كنت غائبة مند قليل دخلت للمدونة ووجدت وصفتكي شكرا لك وساجربها انشاء الله بركتي

[ام اماني]

منورة اختي نجوى شكرااا على المرور الطيب

[Myriam]

والله انا اول مرة نسمع بهدي الكيكة حبيبتي أم اماني بالنسبة لي انتي صاحبة الوصفة لأنو فعلا لمستك تزيد النص في اي وصفة شكرا شكرا شكرا الوصفة هائلة و دمتى لنا مرجع لكل ماهو جديد و احترافي

[ام اماني]

مشكورة اختي مريم هذا من ذوقك

[mimi ميمي]

ممممم بعطيك الصحة هايل ان شاء الله نجربوه ما تتصوريش فرحتنا بعودتك وبوصفاتك ربي يفرحك بالولادك وبشفيلك الوالد ويجاويك كل خير ررر يا رب اني درت البقلاوة تاعك روعععة بصح حمارتلي شوي الفرن تاعي قاوي يعطبك الصحة مرة اخرى تعلمنا منك بزززززاف حوايج

[ام اماني]

بصحتك اختي ميمي
الفرن نقصيله وممكن كي تطيب من الاسفل اعملي سنيوة في الرف السفلي وهبطي البقلاوة ونقصي للفرن خلاص ومرة على مرة دوري السنيوة حتى تطيب من كل الاتجاهات

[ام معاذ و نور الهدى]

ماشاء الله روووعة سمعت بيها و لكن من ايديك اكيد غييير
ربي يعينك و يقدرك و بلعقل نعلم جيدا انكي لن تبخلي علينا بشيء
دمتي متالقة
تحياتي "_"

[ام اماني]

تسلمي ياغالية

[أحلامي البريئة]

أستاذة يكفينا الصورة النهائية للوصفة مع الشرح
قتلنا الشوق لجديدك
والله ندخل للمدونة ثلاث إلى أربع مرات في الساعة
شغفي كبير لجديدك وثقتي أكبر من نجاح وصفاتك

ربي يهني قلبك وما يحرمنا من طيبتك وكرمك

الله يحقق لك كل خير تتمنيه

شكري واحترامي لك ولجهودك

[ام اماني]

امين ياااارب ؤلك بالمثل تسلمي ياغالية

[أحلامي البريئة]

وأناقتها في بساطتها تسلم يديك
ربي يحفظك ويعطيك صحتك
شكرا على الوصفة اللذيذة
جزاك الله خيرا

[ام اماني]

بوركت

[Siham]

الله يبارك على صنعة يديك فنانة يعطيك الصحة و العافية نجربها في القريب العاجل ان شاء الله

[ام اماني]

ان شاء الله جربيها واكييييد راح تنال اعجابك