Overblog
Suivre ce blog
Editer l'article Administration Créer mon blog
مدونة ام اماني للطبخ

جينواز بكريمة الليمون

1 Mai 2016 , Rédigé par ام اماني Publié dans #حلويات

بسم الله الرحمان الرحيم

 

السلام عليكم اخواتي ان شاء الله الكل في تمام الصحة والعافية

نظرا لطلب الكثير من الاخوات في تحضير الجينواز  اخترت لكن  جينواز بكريمة الليمون    تارت منعشة خاصة لعشاق الحامض

جينواز بكريمة الليمون

الجينواز

لتحضير الجينواز نتبع القاعدة التالية

 لكل بيضة 25غ سكر عادي و25غ فرينة فاني ولا نستعمل خميرة الحلويات فقط الهواء الناتج عن خلط السكر والبيض هو الذي يضاعف حجمها اتناء الطهي

انا عملت جينواز ب6 بيضات

اذن للجينواز 

بيضات6 بحرارة المطبخ

سكر عادي150غ

فرينة150غ

فاني

الطريقة

اولا نقوم بتسخين الفرن على 180درجة

بواسطة الخلاط الكهربائي او البيتخا نخلط السكر مع البيض على اقصى سرعةلمدة 10 حتى يبياض الخليط ويتضاعف حجمه

من جهة ننخل الفرينة مع الفاني  مرتين ونضيفها الى الخليط على 3 دفعات ونخلط من فوق لتحت بواسطة السباتولا او ملعقة خشبية من دون اخراج الهواء

ندهن المول بالزبدة ونرشه بالفرينة هنا استعملت مول بقطر 20سم  ونحط فيه الخليط وندخل للفرن  ينضج دون فتح الفرن

من نصف ساعة اى 45د حسب نوعية الفرن لنتأكد من نضجها  ندخل راس سكين اذا كان ناشف يعني انها ناضجة 

 

جينواز بكريمة الليمون

بعد ماتنضج الجينواز نتركها حوالي 5د في الفرن  بعداطفائه حتى تحافظ على سمكها

بعدها نخرجها ونتركها تبرد قليلا تم ننزعها من المول ونضعها على مشبك ونتركها تبرد تماما

بعد ماتبرد نقطعها بواسطة سكين مسنن الى 3 طبقات

جينواز بكريمة الليمون

نحتاج ايضا الى سيرو وكريمة الحامض من الاحسن نحضرهم مسبقا

تحضير السيرو

نصف لتر ماء

سكر 350غ 

 

ممكن نعمل نصف الكمية 

نحطهم فوق نار متوسطة بعد الغليان نحسب  10  ممكن نضيفلها شريحة ليمون

نتركها تبرد تماما

 

كريمة الليمون

عصير ليمون120مل

قشور نصف ليمونة

120غ سكر

بيض3

زبدة170غ

في كسرونة نضع عصير الليمون والزيت والسكر نخلط بالفووي جيدا

من بعد ممكن نحطها على حمام مائي ونستمر في الخلط حتى تعقد راح تاخذ شوية وقت

او نعملها على النار مباشرة تكون ناقصة ونحرك بالباتور دون توقف في عدة داقائق تكون جاهزة

جينواز بكريمة الليمون

نحط الكريمة في مصفاة حتى نتاكد ان مافيهاش كتل   ونضيفلها كمية الزبدة ونخلط حتى تذوب الزبدة وتتجانس الكريمة

جينواز بكريمة الليمون

نحتفظ بها في الثلاجة حتى تتماسك

الان نقوم بتحضير كريمة الشانتي

نعمل غبرة الشانتي مع نفس كمية الحليب البارد او الماء

200غ غبرة الشانتي

200مل حليب بارد

ونطلعهم بالباتور

المونتاج

نضع الطبقة الاولى من الجنواز ونسقيها بكمية من السيرو دائما الطبقة السفلية نسقيها بشكل خفيف حتى كي نقطعها تبقى محافظة على شكلها

من بعد نحط طبقة من الشانتي تم كمية من كريمة الليمون

جينواز بكريمة الليمونجينواز بكريمة الليمون

نضع الطبقة التانية ونضغط نوعا ما نشربها بالشاربات ونكرر العملية تم نحط الطبقة الاخيرة نسقيها بككمية من السيرو ونغطيها بكريمة الشانتيي ونضع فوقها كمية من كريمة الحامض  تزين حسب الرغبة

ندخلها للثلاجة حتى تبرد جيدا وتقدم بالصحة والعافية

جينواز بكريمة الليمونجينواز بكريمة الليمون

هذا شكلها بعد ماقطعتها

جينواز بكريمة الليمون

خفيفة وذوقها راااائع اممممم

 

جينواز بكريمة الليمون

ملاحظة

كريمة الليمون  من الاحسن نحضر قبل بيوم ونتركها تبرد في الثلاجة

وايضا الجينواز نحضرها يوم قبل ونغطيها راح يسهل تقطيعها

  ان شاء الله تنال اعجابكم في انتظار ردودكن المشجعة ودعواتكن

في امان الله

 

 

Partager cet article

Commenter cet article

جيادا 05/05/2016 21:30

نسيت نقولك الجنواز روعة
تسلم الأيادي غاليتي

جيادا 05/05/2016 21:28

مساء الأنوار حبيبتي أم أماني فرحت بزاف بعودتك ربي يخليك لينا و ربي يعطيك ما تتمناي ويفرحك باولادك و يجعلك و أهلك من أهل الجنة
أحبك في الله

sbmwhadz 04/05/2016 22:01

ما شاء الله عليك و ربي يحفظك من كل سوء وصفات من أروع ما يكون من شدة تلهفي لوصفاتك تتبعتك من منتدى الجلفة أين تشرفت بمعرفتك إفتراضيا إلى هنا و الله الذي لا إله غيره أنني أحببتك من كل قلبي الله يجمعنا بك إن في الدنيا أو في الآخرة في جنات النعيم أختك في الله

ام اماني 05/05/2016 09:49

احبك الذي احببتني فيه
بلرك الله فيك ومرحبا بك في مدونتي المتواضعة

assia 04/05/2016 18:55

التارت تشهي بارك الله فيك

soso 04/05/2016 16:23

اسمحيلي اختي ام اماني راني خجلانة منك لاني كثرت عليك الاسئلة في قاطو القوقعة كيعملتيلو الشيكولا ذوبتي شيكولة فيجيكاو مع قليل من الحليب ثم درتيها في ليمول و حطيتي حبة القاطو وادخلتيه الثلاجة .هل هذه هي الطريقة الصحيحة و عذراا على الازعااااااااااااااااااااااااااااااااااااااااااااج مرة اخرى

ام اماني 05/05/2016 09:51

اختي اسالي براحتك
لا اختي الشكولة نذوبها من اي اضافات حتى تتماسك وتشد بعد مانذوبها نحطها في المول بالبانسنو ندهن المول مليح ونحط فوقها الحلوى مباشرة وندخلها للمجد 10 راح نلقاها تماسكت ننزع الحلوى من المول بكل سهولة

Siham 04/05/2016 11:04

أم أماني كنت بعتلك رسالة عندها ممكن يومين في الليل فيها اقتراح ما علاباليش إذا لحقاتك أو لا ؟ كنت اقترحت عليك تعمل أختي معاك روبورتاج عنك و عن وصفاتك و عن المدونة ربي يوفقك في قناة النهار في الأخبار ، والله راني حابة نتعرف عليك و راني متأكدة مئة بالمئة من متتبعينك راهم حابين يشوفوك و يتعرفو عليك نتمنى تقبلي الإقتراح والله ما نروحش نخدم و نجي مع اختي غير باش نتعرف عليك و نحضر المقابلة على المباشر ان شاء الله توافقي و الأهم تكوني تقدري يعني زوجك يقبل أيضا ؟ كنت بعتلك المايل تاعي و رقمي درك نبعتلك تطبيقاتي أنا سرين 5 في منتدى الجلفة تحبي تراسليني تما راسليني
موفقة أستاذتنا أم أماني نحبوك نموتو عليك

ام اماني 05/05/2016 09:55

اهلا اختي سهام
نعم قرات رسالتك لكن ماعرفتش وين نجاوبك وملم اترك الرد يظهر لان فيه رقم هاتفك
شكرااا اختي على الاقتراح بارك الله فيك
لكن اعتذر منك نفضل نبقى في الظل احسن واكيد راح نراسلك في الجلفة
تحياتي لك ولاختك وربي يجازيكم خير الجزاء

سيرين 5 04/05/2016 10:57

صباح الخير أستاذة أم أماني ، الله يفتحها عليك من كل جهة كيما راكي تساعدينا بوصفاتك ، راني مقلبتها بالتطبيقات لوصفاتك الهايلة كل يوم نعمل حاجة جديدة
طبقت البارح تيراميسو ممممم جا هايل و كنت من قبل عملت قطايف السنيوة عملتهم هدية و جاو هايلين و عملت الكروكي مرتين ليا و لدارنا و عملت البراج هدية أيضا فرحو بيهم و البارح حضرت الصلصة الحارة باش اليوم نطبق الخبز الجديد لي حطيتيه راح نبعتلك روابط التطبيقات في منتدى الجلفة باش كي يكون عندك الوقت شوفيهم فرحوني الله يفرحك ربي ينجحلك أولادك

ام اماني 05/05/2016 09:57

شكراااا على الدعاء في هذا الصباح يالله فرحت من قلبي
ان شاء الله ربي يفتحها علينا وعليك ياااارب
اكيد كي ندخل للمنتدى نحطلك رد في مواضيع الف شكر على الثقة

soso 03/05/2016 20:19

مساء الخير اختي ام اماني نشا الله تكوني بخير و العائلة الكريمة شكرا و الف شكر لك على ابداعاتك المذهلة استفدنا منك بزاف اسمحيلي بغيت نسقسيك على الشيكولا كيف تذوبيها و ماهي النوعية التي تستخدميها من فضلك جاوبيني راني مزروبة و اسمحيلي على الازعاج

ام اماني 03/05/2016 20:41

اهلا اختي
يسقسي عليك بخير الحمد لله نتمنى تكوني انت ايضا بخير
استخدمت شكولة امباسادور ذوبتها مع القليل فقط من الحليب وزينت بها وممكن تستغناي عالشكولة التزيين على حسب رغبتك

ام فادي 03/05/2016 20:02

ربي يعطيك صحتك وينور ايامك. اتمنىللك دوام الصحة روووووعة راكي فحلة.

loudjaine azizi 03/05/2016 19:31

بارك الله فيك وجعلها في ميزان حسناتك روعة روعة

أم مرام 03/05/2016 08:52

ربي يبارك فيك ويعطيك الصحة روعة

ام سراج 02/05/2016 22:43

ماشاء الله تحفة
من فضلك ام اماني كريمة الليمون نخلطو كلش ما بعض و تعقد فوق النار؟ و نخليو شوي من الزبدة نضيفوها في اللخير؟؟؟

ام اماني 03/05/2016 20:42

اهلا اختي
نخلط عصير الليمون مع الزاست والسكر والبيض على النار كي تعقد نضنزعها من فوق النار ونرمي الزبدة

Sirine 02/05/2016 10:59

ممممممممممممممم راهي تشهي يعطيك الصحة ربي يجازيك

ام عماد الدين 02/05/2016 10:37

ماشاء الله عليك غاليتي تقول مشرية من باتيسري فاخر تسلم الايادي و الف شكر على الوصفة جعلها الله في ميزان حسناتك

ام آدم nafnaf 02/05/2016 06:09

واووووو روووووووعة يعطيك الصحة يا الشاطرة, بارك الله فيك و جزاك الله خيرا

Basma 02/05/2016 00:08

تسلم ايديك امتعتينا والله امتعك الله بنظرك وفرحتينا كثيرا فرحك الله باولادك
عندي فقط سؤال لايهم حجم البيضة صغيرة كانت او كبيرة لنتبع الخطوات
وضحيلي من فضلك وبارك الله فيك

ام اماني 03/05/2016 20:43

اهلا اختي
حجم البيض متوسط او كبير اذا صغير بزاف اضيفي بيضة

رحاب 01/05/2016 23:45

تسلم ايدك مبدعة كالعادة بارك الله فيك والله يعطيك ما تتمنيه

Kika 01/05/2016 22:28

Allah allah raw3aa jazaki allaho khayran

ام جنة 01/05/2016 22:14

القلب الطيب اكيد اديه يقدم كلش طيب الله يعطيك الصحة رررررررررررررروعة

Gâteaux Bladi 01/05/2016 20:36

تسلميلي يا أحلى حبوبة بهادي الدنيا والله شحال نفرح كي نشوف طريقة التقديم لي تشهي من القلب،بارك الله فيك يا أختي الغالية ،والله راني حاساتك وحدة ملي نعرفهم منذ امد بعيد ،جيبيها من موسوعتك الأولى الى غاية هذا اليوم،ربي يوفقك ويزيدك نجاح على نجاح باذن الله تعالى

ام اماني 03/05/2016 20:45

كل كلمات الشكر والحب لا توفيك حقك انت وكل الاخوات هذا اكيد بفضل تشجيعاتكم ودعائكن بارك الله فيك وفي كل الاخوات

ياسمين ام حسان 01/05/2016 20:24

يعطيك الصحة ربي يحفظك ويطول في عمرك ام اماني انا احبك من كل اعمق قالبي واشكورك جزيل الشكر

ام مروة 01/05/2016 20:12

الله يعطيك الصحة اختي خرجلك روعة ماشاء الله
هيلا تسلم ايدك رانا ضل هنآ فى مدونة انقرعو لجديد أو كي نشوفه افراحة لا تصدق سبحان الله يعطيك الصحة اختي

soso 01/05/2016 20:09

ما شاء الله عليك اختي ام اماني مبدعة والله غير سخفتيني ليها ربي يعطيك صحتك و يهنيك في حياتك اختي الكريمة من فضلك قوليلي كيفاش تذوبي الشيكولا باش دجي لماعة

Coeur Fondu 01/05/2016 19:23

ماشاء الله تبارك الرحمن غاليتي .. يسلموو الايادي

ام اماني 01/05/2016 19:43

الله يسلمك غاليتي

lila z 01/05/2016 18:27

ممممممم روعة راني وليت بعدما قريتها
حبيبتي ام اماني ما فهمتش هاد النقطة
نصفي الكريمة ونضيفلها كمية الزبدة ونخلط حتى تذوب الزبدة وتتجانس الكريمة

كيفاش نصفيها؟؟

ام اماني 01/05/2016 19:42

اهلا بالغالية ليلى
يعني نحطها في مصفاة حتى نتاكد ان ماكانش كتل وايضا قشور الليمون ان شاء الله نكون فهمتك

lila z 01/05/2016 18:23

بارك الله فيك غاليتي ام اماني
تعرفي كي ندخل و نشوف الجديد نطير من الفرحة
خاطر وصفاتك نحتفظ بيها و عينيا مغمضين خاطر علبالي ناجحين
ربي يحفظك حبيبتي و يخليييك
نروح نضرب طلة ع الوصفة جيت نكتب رد برك هههه
ربي يحفظك

ام اماني 01/05/2016 19:43

ربي يخليك ويفرحك ياغالية

Myriam 01/05/2016 18:15

راااااااااائعة رااااااااائعة رااااااااائعة أختي ام اماني والله تحفة و تشهي ما شاء الله ربي يخليك و يعطيك و يصلح اولادك و يبارك لك في رزقك فقط ملاحظة اذا سمحتي ذكرتي الزيت في كريمة الليمون و لم تذكريه في المقادير أظن تقصدين الزبدة

ام اماني 01/05/2016 19:44

اكيد خطأ مطبعي الزبدة وليس الزيت

ام رياض 01/05/2016 18:14

وين راه حقي يا سلام لو كان جيتي قريبة

ام اماني 01/05/2016 19:45

مش خسارة فيك التارت كامل لك

ام رياض 01/05/2016 18:13

يعطيك الصحة و ربي يجازيك كل خير اكيد رائعة راهي تشهي

ام رياض 01/05/2016 18:09

عزيزتي الغالية شكرا ليك و يعطيك الف عافية رائعة انا من محبين الليمون انا اثق بكي و بكل ما تقدميه لنا ربي يحفضك و يخليك لينا و يبارك لك في يديك