Overblog
Suivre ce blog
Editer l'article Administration Créer mon blog
مدونة ام اماني للطبخ

صابلي بالبرالين بشكل جديد

20 Avril 2016 , Rédigé par ام اماني Publié dans #حلويات

بسم الله الرحمان الرحيم

السلام عليكم اخواتي

كيف حالكن ان شاء الله الجميع في تمام الصحة والعافية

نظرا لطلب الاخوات  خاصة الاخت ام مروة لوصفة حلوى تكون سهلة وراقية   اخترت لكن اليوم  صابلي  بنكهة البرالين بشكل جديد  ورائع

البرالين عبارة عن كراميل مع اللوز  وممكن تعويضه  بالبندق او الكاوكاو

في هذا الوصفة لا نحتاج الا لمول الورقة وسنتحصل على صابلي اكثر من راااائع من دون اطالة تفضلن الوصفة

صابلي بالبرالين بشكل جديد

المقادير

مرقرين250غ

سكر 100غ وممكن نعمل 120غ حسب الذوق

صفار 2بيض

برالين 2م ك

نصف م ص خميرة حلوى

فرينة

البرالين باللوز

لوز بالقشور 100غ

سكر 100

للتزيين شكولة بيضاء

عجينة السكر

ملون اصفر

معجون

الطريقة

اولا نقوم بتحضير البرالين

نقوم بوضع السكر على النار حتى الحصول على اللون المناسب دون حرقه

نضيف كمية اللوز  ونتركه فوق النار لمدة 2 الى 3د

نقوم بوضعه على ورق الطهي حتى يبرد تماما

 

صابلي بالبرالين بشكل جديدصابلي بالبرالين بشكل جديد

نقوم بطحنه ونحتفظ يه في علبة محمكة الغلق داخل الثلاجة

الان نقوم بتحضير الصابلي

نخلط المرقرين والسكر جيدا نضيف صفار البيض تم البرالين

صابلي بالبرالين بشكل جديد

نضيف الخميرة ونجمع بالفرينة

نغطي العجينة ونتركها ترتاح في التلاجة لمدة نصف ساعة

بعدها نبسطها ونقطعها بمول على شكل ورقة

 

صابلي بالبرالين بشكل جديد

ندخلها للفرن تطهى بعد ذلك نلصق كل 2 حبات  بالمعجون بشكل مائل راح نتحصل على شكل زهرة كماتوضح الصورة

 

صابلي بالبرالين بشكل جديد

نقوم باذابة الشكولة البيضاء على حمام مائي  وونغطس  النصف السفلي فقط في الشكولة

 

صابلي بالبرالين بشكل جديد

نضعها فوق مشبك لتجف

بعدها نزينها بورود من عجينة السكر    وتقدم بالصحة والعافية

صابلي بالبرالين بشكل جديد

دائما بمقادير بسيطة يمكن تحضير حلويات راقية  للمناسبات السعيدة ادامها الله على الجميع

صابلي بالبرالين بشكل جديد

بالنسبة للورود ممكن نستعمل اي شكل متوفر المهم يكن حجمه صغير بعد تشكيلهم نتركهم لمدة حتى تنشف عجينة السكر وبواسطة بانسو ناخذ ملون غبرة اصفر ونلونها من الوسط

صابلي بالبرالين بشكل جديدصابلي بالبرالين بشكل جديد

ان شاء الله تعجبكم الوصفة وطريقة التزيين وتجربوها في افراحكم ومناسباتكم السعيدة  

دعوة خير لي ولعائلتي تكفيني ولكن بالمثل

في امان الله

Partager cet article

Commenter cet article

ام رياض 29/04/2016 11:58

الغالية على الروح ام اماني كيف الصحة اتمنى ان تكون بخير و عافية نحن بانتضار الجديد طولت الغيبة علينا ما الامر

Gâteaux Bladi 26/04/2016 11:14

سلام أم أماني والله هادي غيبة ،توحشناك نطلو عليك ،ربي يبارك في خدمتك ويعطيك ماتتمناي ،فقط يا أختي نطلبك على حاجة وحدة ،انا بصدد البحث عنها،يسجيك حنونة ،وصفة قلب اللوز ولكن ماشي تاع اللبن ،جربت شحال من وحدة وماخرجليش شباب مرة خرج يابس ومرة جا ناشف بعد ما سقيتو بضعف الكيل ومرة جربت تاع صليحة بسكري ولكن خرج يابس لان المقادير غير مضبوطة..
نتيا ختي شوفيلي وصفة يخرجلي كيما تاع برا والله مليت من تجربتو وخسارة مصروفو فالباطل وشكرا لك مقدما لانني صراحة اثق بوصفاتك الممتازة

ام اماني 30/04/2016 14:14

ان شاء الله نحطلك الوصفة في القريب غاليتي

Khaoua mourad 26/04/2016 01:24

يعطيك الصحة على كل ما قدمتي راني حابة من فضلك تحطيلنا حلويات جديدة للاعراس عندي عرس خويا و حابة ندير حاجة جديدة وشكرا

ام اماني 30/04/2016 14:20

الف مبروك ربي يدوم الافراح ان شاء الله نحطلكم بعض الوصفات

Khaoua mourad 26/04/2016 01:18

يعطيك الصحة نتمنى تقدميلنا حلويات جديدة للاعراس

ام اماني 30/04/2016 14:19

ان شاء الله

ام رياض 25/04/2016 21:57

افكار رائعة كروعة قلبكي بارك الله فيك و شكرا لكي علئ هادا التعب من اجلنا و ساميحينا

ام رياض 25/04/2016 21:54

عزيزتي ام اماني توحشتك بزاف بزاف اسفة النت كانت مقطوعة شكرا لكي على هده الوصفات الرائعة يعطيك الصحة و ربي يخليك لينا و لكل محبيك و ربي يجازيك

ام اماني 30/04/2016 14:18

اهلا بالغالية ام رياض نورتي المدونة وراني شفت طلبك فيما يخص الايس كريم نفس الوصفة لي حطيتها في الفوغي نواغ قلاصي لي يجي بالفلان فقط غيرت النكهات ان شاء الله نحطلكم وصفة اخرى في القريب

بن سالم مريم 25/04/2016 14:18

الجميلة ام اماني دعواتي لك لن ولن تتوقف فبضلك تعلمت الكثير فقط اسال هل يمكن ان اغطس كل حبة على حده ثم الصقهما مع بعض. وشكرا تليق بك

ام اماني 30/04/2016 14:16

لا اختي اغطسيهم بعد ماتلصقهم راح تكملي بالخف ويجوك على حبة

ام ماريا 24/04/2016 05:05

وصفات اكتر من رائعة وعودة ميمونة فرحتينا برجوعك الله افرحك انشاء الله ممكن طلب انا عندي بودرة الجلاتين ماعرفتش واش ندير بيها ممكن اقتراح او كيفية لاستعمالها

ام اماني 30/04/2016 14:27

اهلا اختي
بالنسبة للجيلاتين عنده استعمالات كثيرة خاصة في الحلويات
راني سالت عليه مليح وعرفت ان لي يتباع عندنا حلاااال ومصدره من الابقار يعني يمكن استعماله
عندي عدة وصفات به

imane 23/04/2016 15:22

شكرا على وصفاتك كامل نجحتلي طبقت منها الكثير ونطلب منك ديرينا اطباق رمضانية و مسمن ومحاجب اذا امكن

ام اماني 30/04/2016 14:22

اختي وقتي ضيق بعد رمضان ان شاء الله نحطلكم طريقتي

soso imad 23/04/2016 13:52

شكرا أم أماني دائما متألقة ودائما أطباقك فالقمة بارك الله فيك

ام عماد الدين 23/04/2016 09:00

ماشاء الله عليك غاليتي تسلم الايادي بسيط و راقي ربي يحفظك من كل مكروه و يحفظلك عائلتك يااااااارب

ام آدم, nafnaf 21/04/2016 16:41

روووووووعة يعطيك الصحة دائما متألقة برافو

ام مايا 21/04/2016 15:18

بارك الله فيك شكرااا على ابداعات المتواصلة

ام محمد 21/04/2016 14:49

هايلة وبسيطة لكن راقيةبوركت حبيبتى وزادك الله من فضله

oum chihab 21/04/2016 09:32

دائما في للقمة و مبدعة يعطيك الف عافية و يجعلها في ميزان حسناتك

Myriam 21/04/2016 04:24

مبروك أختي ام اماني المدونة وصلت الى 100 موضوع و كلها ناجحة و اة الحمد لله شكرًا أختي و مزيد من التألق و النجاح و جزاكي الله الف خير

ام اماني 21/04/2016 18:09

شكراااا اختي مريم لم انتيه لعدد المواضيع

Basma 20/04/2016 22:58

انت كريمة جدا يارب يزيدك من فضله و نعيمه ويفرحك باولادك ويعطيك الف صحة وعافية وحفظك الرحمان من العين والحسد وبارك لك في مالك ورزقك وصحتك
من فضلك يا ام اماني اي نوع من الشكولاطة سواء السوداء او البيضاء تستعملين
وشكرا يا سيدتي الراقية

ام اماني 21/04/2016 18:10

شكرااا اختي على الاطراء
انا نستعمل شكولة فيجيكاو سواءا كانت بيضاء او سوداء

ام فادي 20/04/2016 21:36

السلام عليك اتمنالك كل خير وصحة ليك ولي ولادك مثلك قليل في وقتنا هذا بغيت تقوليلي من اين تشتري لمول تاع حريم سلطان وشكرااااااااا

ام اماني 21/04/2016 18:11

اشتريته من القبة

Myriam 20/04/2016 21:23

أسفة أختي ام اماني اذا كنت ثقلت عليك بالطلبات علا بالي ما تبخلي علينا بوالو و علا بالي بللي وقتك ضيق و مسؤولياتك كثيرة
و جزاكي الله الف خير في كل الأحوال

Myriam 20/04/2016 21:20

حبيت نطلب منك طلب اذا فالامكان كي تعملي معكرونة صوص حمرا تعيشي صوري لي المراحل لأني والله ما نتجحش معايا خلاص ساعات تجيني حامضة و ساعات تجيني ماشي جمرا بزاف و الله حابة نتعلمها من عندك اذا امكن

ام اماني 21/04/2016 18:19

تفضلي اختي مريم الوصفة مع السر
اولا لازم تختاري نوعية طماطم جيدة انا نستعمل زهرة هايلة
السر انكها تجيك حمراء وماتجيش حامضة هو انك تعملي كمية مليحة من الطماطم اتناء ماتكوني تقلي لاصوص تضيفها مع الزيت وتخليها لعدة دقائق وانت تحركي فيها من بعد امرقي بالماء الساخن
بالنسبة للصلصة
اعملي 3سنينات ثوم ونصف حبة بصل متوسطة
في طنجرة حطي كمية من الزيت تم حطي قطع الدجاج وخليها تتقلى حتى تتحمر ضيفي البصل والثوم بعد ماتدبل نضيف طماطم مصبرة حوالي م ونصف حتى الى 2 م ك وقليها مليح من بعد ضيفي التوابل فلفل اسود فلفل احمر توابل خاصة بالمعكرونة انا نستعمل نتاع تونس وتابل وملح وامرقي بكمية قليلة من الماء بعد مايطيب الجاج نضيف المعكرونة نقصلها ونتركها تتجمر على نار هادئة حتى تتشرب الصلصة تجيك حمراااا وبنيييينة

Myriam 20/04/2016 21:17

حلوة رائعة أختي ام اماني والله من يدك الشيء البسيط يصبح راقي جدا ما عندي ما نقلك غير ربي يحفظك و يحفظ لك اولادك و زوجك بما حفظ به الذكر الحكيم آميييييين يا رب العالمين

lila 20/04/2016 21:16

بارك الله فيك ربي يعطيك ماتتمناي

ام الاطفال 20/04/2016 17:50

برك الله فك

ام الاطفال 20/04/2016 17:46

ماشالله يام اماني حلوة را ئعة ربي يحفظك ويسعدك احبك فى الله

ام آدم, nafnaf 20/04/2016 17:13

روووووووعة يعطيك الصحة يا فنانة جزاك الله خيرا و جعله في ميزان حسناتك, دائما متألقة برافو وووو

amina 20/04/2016 16:23

مبدعة دائما والله راني نحوس على وصفات لحلويات تكون سهلة وفي نفس الوقت جميلة لامي راهي رايحة دير عملية انشالله تقوم بالسلامة يعطيك الخير

ام اماني 21/04/2016 18:20

ربي يشفيها ويعافيها يااااارب

Kika 20/04/2016 15:33

Rabi bark haylin ya3tik sa7a

رحاب 20/04/2016 15:15

اختي ام اماني :مبدعة كالعادة الله يعطيك ما تتمنيه انت وعائلتك جزاك الله الف خير شكراً جزيلاً لك

أمل 20/04/2016 14:10

روعة روعة روعة ماشاء الله تبارك الله
حبيبتي ام اماني طلبتك ف البقلاوة الجزائرية بالتفصيل و البغرير حابتهم على طريقتك اللي اكيد راح تكون غير بارك الله فيك

ام اماني 21/04/2016 18:25

اختي راني سجلت الطلبات وان شاء الله نحطلكم الوصفات فقط اصبروني شوية كل مرة نحط حاجة

Rymo 20/04/2016 13:43

Bravooooo

Rymo 20/04/2016 13:42

روعةةةةةةة كالعادة يا أحلى شاف
الله يبارك فيك و في العائلة الكريمة و جعل مجهوداتك في ميزان حسناتك
مشكووووورررررة

ام مروة 20/04/2016 13:38

واش انقولك بارك الله فيك حنونة الله يعطيك واش تاتمني أنت والعائلة الكريمة كي شات اسمى وبالي تفكرتني واش انقولك ملقية واش انقولك مع البرنامج درات خبزة ديل التونة جاتني روعة شكرا شكرا جزيلا ،صاح حنونة مقروط السنوة ايجي شباب بكوكو ولا بتمر مليح ولا مقلي يجى شباب بتمر نكون سعيد ة إلى جوبتني

Om iyes 20/04/2016 12:21

يااااسلاااام على الابداااااع
رووووعة رووووعة بارك الله فيك وجزاك احسن الجزاء

soso 20/04/2016 12:19

السلام عليكم ورحمة الله و بركاته اختي الكريمة ام اماني ما شاء الله كالعادة متالقة دوما و مبدعة صابلي روووووووووووووووعة في قمة الابداع ربي يحفظلك اولادك و زوجك و يباركلك فيهم و يعطيك صحتك امييييييييييييييييييييييييييييين يا رب

ام فادي 20/04/2016 11:56

يعطيك الف صحة حلويتك في القمة

ام معاد و نور الهدى 20/04/2016 11:55

السﻻم عليكم
روووعة روووعة روووعة يهبل شحال عجبني دوما تاتي بالبسيط و الراقي
يسلمووو حبيبتي تحياتي ^_"

Siham 20/04/2016 11:31

oum amani men fadlak 3andi talab ida ta9adri dirina samsa la recette traditionnel t3ichi :*

ام اماني 20/04/2016 12:25

ان شاء الله نحطها مع قائمة الطلبات

Siham 20/04/2016 11:25

يعطيك الصحة الوصفة بزااااف هايلة و تحمر الوجه في المناسبات ربي يحفظك ان شاء الله و يفرحك في ولادك و يحفظلك العائلة الكريمة
راني درت البارح الكروكي و جا بزاف هااااااايل بارك الله فيك