Overblog
Suivre ce blog
Editer l'article Administration Créer mon blog
مدونة ام اماني للطبخ

البراج بالخطوات من مطبخي

6 Avril 2016 , Rédigé par ام اماني Publié dans #حلويات

بسم الله الرحمان الرحيم

 

السلام عليكم اخواتي الغاليات

كيف حالكن اخواتي ان شاء الله الكل في تمام الصحة والعافية

وصفة اليوم عبارة البراج في مناطق اخرى تسمى المبرجة هي وصفة تقليدية نعملوها خاصة مع دخول فصل الربيع  الكثير من الاخوات طلبوها مني تفضلوا طريقتي الخاصة ان شاء الله تنال اعجابكم واعتذر على التأخير

البراج بالخطوات من مطبخي

بالنسبة للطريقة انا نستعمل نفس طريقتي للمقروط هذا الوصفة اقل مايقال عنها انها راااائعة فقط نعوض ماء الزهر بالحليب الذي يعطي لون راااائع عند طهي البراج

المقادير

كيلات سميد3 متوسط من انوع الممتاز انا استعملت سفينة ممكن نستعمل سميد ماما رااائع

كيلة ونصف فرينة

كيلة سمن معمرة ذائب وبارد

نصف كيلة زيت

ملح

حليب 

الحشو

غرس منقي ومرحي

قرفة مرحية

كمية من المرقرين

ماء الزهر

الطريقة

نخلط السميد والفرينة والملح ونضيف السمن والزيت

البراج بالخطوات من مطبخي

 

نخلط المكونات راح جارية عادي

نجمعها بالحليب حوالي ثلاثة ارباع الكيلة هنا على حسب نوعية السميد من دون عجنها فقط نلمها  نغطيها  

 

من جهة نعجن الغرس مع الزبدة والقرفة وماء الزهر نبسطه فوق كيس بلاستيكي

ناخذ العجينة نقسمها على2

ونبسطها ايضا على كيس بلاستيكي بنفس قطر الغرس 

البراج بالخطوات من مطبخي

 نضع الغرس فوق العجينة  ثم العجينة الثانية 

البراج بالخطوات من مطبخيالبراج بالخطوات من مطبخي

 نبسطها بالحلال بسمك متوسط ثم نقطعها مقروطات

البراج بالخطوات من مطبخيالبراج بالخطوات من مطبخي

نحط طاجين الطين فوق الطابونة ونحط فوقة طاجين الشخشوخة والنار تكون قاوية بعد مايسخن الطاجين نبدأ نطيب في البراج

البراج بالخطوات من مطبخي

 بعد ماتتحمر نقلبها من الجهة الثانية 

البراج بالخطوات من مطبخي

بعد ماتتحمر من الجهتين ننزعها نتركها تبرد ونقدمها بالصحة والعافية

البراج بالخطوات من مطبخي

بهذا الطريقة راح نتحصل على براج يذوووووب في الفم  رووووعة

البراج بالخطوات من مطبخي

ان شاء الله تجربوها  وتعجبكم ولاتنسوني من صالح الدعاء ولكن بالمثل

 

في امان الله

Partager cet article

Commenter cet article

ء 07/05/2016 15:36

سيتهم هايلين صحتئ

سهام 02/05/2016 11:22

راني درتهم و جاوني الله يبارك رووووووووووووووووعة واش نقولك بارك الله فيك ربي يعطيك واش تتمناي جاو هايلين و بعتهم هدية ما تقدريش تتصوري شحال فرحو بيهم و حمرولي وجهي

ام اماني 03/05/2016 20:46

بصحتكم اختي والله نفرح من قلبي كي تنجلكم الوصفة بارك الله فيك وشكراااا على الثقة

souma vet 26/04/2016 13:56

رووووووووووعةة

سوسو 03/05/2016 16:27

روعة

ام عبد الله 25/04/2016 09:17

بارك الله فيك وربي يجازيك كل خيرِ..جربتو جاني هاااايل الله يبارك...يعطيك الصحة راني نستفاد منك بزاف

ام اماني 30/04/2016 14:16

بصحتكم اختي وشكراااا على الثقة

فضيلة امل 20/04/2016 10:32

شكرا عزيرتي ام اماني اضفت لنا الكثير و تعلمنا منك اكثر واتمنى ان تواصلي معناو ربي يجازيك

oum malak 19/04/2016 20:51

راااائعة

oum malak 19/04/2016 20:50

بارك الله فيك وفي اهلك يعطيك الصحة راني جربتها ليوم جات هااااايلة تذوب فالفم ربي يحفظك ويخلييييك أختي

فطيييييمة 18/04/2016 13:28

ربي ينورلك وجهك يا أم أماني يوم تسود وجوه
ربي يثبتك عند السؤال ويجعل الجنة مثواك
تذكري هناك دائما من يدعو لك بظهر الغيب
ربي يفتح عليك كيما فتحت علينا

فطيمة ادب 15/04/2016 15:39

حبيبتي أم أماني دائما أراسلك هنا في المدونه ولكن لا أدري ان كانت تصلك رسائلي
والله والله ثم والله أحبك من أعماق قلبي وربي يشهد على ذلك
أدعو لك كل ما تذكرتك أطلب من المولى عز وجل أن يجعل وجهك قطعة من نور القمر ويزيدك نورا على نورك لآنك لاتدرين كم رفعت راسي وحمرتيلي وجهي بوصفاتك الناجحة والاهم من ذلك الصادقة لآنك تضعينها هنا بقلبك لا بيديك
أم أماني بالله عليك قوليلي انت وين ربما شاءت الأقدار ذات يوم أن آتي اليك وأضع قبلة على جبينك كأم حنون
أحبك في الله
أدعو لك بالصحة والثمرة الناجحة في أولادك
تذكري هناك دائما من يدعو لك بظهر الغيب
أختك في الله فطيمة

ام اماني 20/04/2016 08:39

اهلا باختي فطيمة
والله اني فرحت كثيرااا برسالتك
احبك الذي احببتنني فيه
بارك الله فيك اختي انا ايضا احبكم في الله ادام الله الاخوة والمحبة بيننا وجمعنا في الجنة

ام عبد الله 14/04/2016 04:07

ربي يجازيك خير..نقدر نطيبو في المقلة تاع التيفال؟؟ ماعنديش الطوجن وماعنديش كيفاش نشريهم

ام اماني 14/04/2016 16:31

ممكن تستعملي مقلة تيفال وتنقصي النار

ام عبد الله 14/04/2016 04:02

ربي يجازيك خير..نقدر نطيبو في المقلة تاع التيفال؟؟ ماعنديش الطوجن وماعنديش كيفاش نشريهم

Amani Alhayat 11/04/2016 13:14

ربي يسترك دنيا واخرة اختي ام اماني من فضلك طريقتك في صنع الخفاف ربي يجازيك

ام مــــــلاك 10/04/2016 13:14

يعطيك الصحة حطيت سؤال و مالقيتوش هنا المهم جربت المبرجة بطريقة اخرى الا اني جمعت بالماء بالصح لميت العجينة برك ولات كي نحلها تتقطعلي و التمر يبان هل نلمها كما الرخساس و نحلها و لا مالزمش تولي عجينة متماسكة؟؟؟

ام اماني 12/04/2016 10:03

اختي تولي عجينة كما المقروط ولازم الغرس تعجنيه بماء الزهر والزبدة مالازمش يكون يابس

أم مرام 10/04/2016 08:48

يعطيك الصحه وجعلها الله في ميزان حسناتك الف الف شكر

ام معاذ 10/04/2016 02:42

روعة يعطيك صحتك ويرزقك واش في بالك لبراج راح ينطو راح نجربهم في اقرب فرصة

amina 09/04/2016 22:44

ممممم يعطيك الصحة ام اماني الله يعطيك ما تتمناي انشاء الله

oum malak 09/04/2016 10:53

يعطيك الصحة حنا نقولولها لمبرجة فالبرج حبيت نسألك ان امكن نقدر نطيبها مباشرة فطاجين الشخشوخة دون استعمال طاجين الطين وشكرا

ام اماني 09/04/2016 11:03

اهلا غاليتي
نعم تقدري لكن هنا نقصي للنار وعسيها لاتتحرق

ام آدم nafnaf 09/04/2016 07:38

بارك الله فيك عزيزتي أم أماني و جزاك الله خيرا و جزاك الله الفردوس الأعلى يا رب, شكرااااااا لك لقد قدمت لنا الكثير و إستفدت منك الكثير جعلها الله في ميزان حسناتك

GAFOUR ROFAIDA 09/04/2016 02:03

روعة ماشاء الله

GAFOUR ROFAIDA 09/04/2016 01:40

فعلا وصفة رائعة

GAFOUR ROFAIDA 09/04/2016 01:39

روعة نموت عليك

GAFOUR ROFAIDA 09/04/2016 01:36

السلام عليكم فرحت كتير باشراقك بالنسبة للوصفة في غاية الروعة مزيد من التالق ان شاء الله

GAFOUR ROFAIDA 09/04/2016 01:32

عودة ميمونة يااعز وحدة عل قلبي مووووووووووووووووووووووووووح

GAFOUR ROFAIDA 09/04/2016 01:19

السلام ياول وحدة نحبها عودة ميمونة ان شاء الله بلا بيك مانديرو والو

GAFOUR ROFAIDA 09/04/2016 01:17

ياعمري وليتي بلا بيك ماكانش طبخ الله يحفظك ويخليك لينا مووووووووووووووووووووووح

أم دَاوٌد 09/04/2016 01:09

يعطيك الصحة جاوو روعة

ام اولادي 08/04/2016 23:43

بارك للله فيك اختي ام اماني دائما مبدعة ومتالقة حبيت نعرف اذا تعطي دروس في الطبخ و الحلويات ارجو الاجابة من فضلك

ام اماني 09/04/2016 10:07

لا اختي

Om acil 08/04/2016 22:37

ربي يحفظك حبوووبة

جزاكي الله كل خير يا اروع معلمة

ربي يفرحك في اهلك يا غالية

احبك في الله

ام آدم, nafnaf 08/04/2016 19:12

رائع أم أماني شاطرة ربي يحفضك انشالله و يجعل كل شيء في ميزان حسناتك

lila 08/04/2016 18:53

بارك الله فيك

ام نبال 08/04/2016 17:30

يعطيك الصحة طريقة مليحة اكيد نجربو و نردلك لخبر ربي يبارك غي اولادك

Oum kamilia 08/04/2016 16:17

ma chaa allah

Oum kamilia 08/04/2016 16:16

allah yebarek

Oum kamilia 08/04/2016 16:12

rawaaaa oum amani baraka allah fik, c'st la 1 er fois nekder ndhkol jazaki allah khir

Gâteaux Bladi 08/04/2016 13:32

ماشاء الله عليكي حبيبتي ،ربي يعطيلك صحتك قبل كل شيء ويحققلك ماتتمناي ،براجك راهم يشهو صراحة وكل مل نشوف الجديد لابد ونجربو من يديك الحلوين..ربي يبارك أختي

ام احمد 08/04/2016 02:20

السلام عليكم يا اختي انني احبك في الله واقل ما يقال عن وصفاتك انها رااااىعه وربي يعطيك قد نيتك الي دايرتها معانا والله وصفاتك بدراهم ومانلقاوهاش والله راني كل يوم ندعيلك عن ظهر غيب ربييعطيك ماتتمناي ويجعلها في ميزان حسناتك

ام مروان 08/04/2016 00:50

سلام اختي ام اماني يعطيك الصحة نسالك سؤال نبسسسوه ولا غير نخلطوه

ام اماني 09/04/2016 10:10

اهلا اختي
خلطيه فقط لان فيه الزيت والفؤينة الزيت يخليه مبسس والفرينة تتشرب بسرعه

ام ايمن 06/04/2016 16:02

السلام عليكم ورحمة الله تعالى وبركاته
بارك الله فيك غاليتنا ام اماني وجزاك الله عنا كل خيروحفظ لك اهلك وكل غال عليك وبقدر ماتفرحيننا بطبخاتك التي اقل ما يقال عنها انها في قمة الروعة افرحك الله في الدنيا والآخرة

ام اماني 30/04/2016 14:13

اختي سميد متوسط

امينه 26/04/2016 12:31

ام اماني حبيت نسقسيك سميد لستعملتيه لنخدمو بيه المقروط اي تشيشه ولا سميد لعادي لنخدو بيه الرخساس

رحاب 06/04/2016 14:47

السلام اختي:من الصورة يبان عمل متقن و ناجح انا عملت المقروط من قبل وجاني روعة اكيد هذي المبرجة تاني روعة شكراً جزيلاً لك الله يعطيك ما تتمنيه

ام عبد الله 06/04/2016 14:45

بارك الله فيك وربي يعطيك ماتتمناي راني ديييييما ندعيلك..ماحبيتش ندير لبراج كنت نستنى فيك انت تحطيه ونديرو

zora 06/04/2016 14:40

رووووووعة ام اماني

zora 06/04/2016 14:33

يا سلام يا ام اماني روووووعة هاذوك البراج سخفوني
قوليلي يعني نقدرو نديرو الحليب فالمقروض المقلي تاني

ام اماني 06/04/2016 17:31

شكرااا اختي على المرور
لا يمكن استعمال الحليب في مقروط المقلة لان راح يتحمر بسرعة من الخارج ومن الداخل يبقى غير ناضج

ام معاد و نور الهدى 06/04/2016 14:10

ما شاء الله يا ام اماني راح يخرجو فيا غير البارح درتهم و ا ما في قلبي و الله قلت شفتي لوكان دارتهم ام اماني لو كان درتهم و عينيا مغمضين هههه و درك كي شفتهم دبري راسك بدليلي نعطيك تاوعي و اعطيني هادو
بوركتي اخيتي و بصحتكم
●_~

Om iyes 06/04/2016 13:36

مممممم ولا ارررروع حبيبتي الغالية
لك خاااااالص دعاااءنا اكيييييد بلااا ما توصي
باذن الله نديرها وكلي ثقة
باارك الله فيك وجزااك عنا كل خير

Myriam 06/04/2016 13:25

يشهي يعطيك الصحة و ربي يعطيك ما تتمناي و الله انتي رائعة و انسانة نادرة في هدا الزمن ربي يوفقك و يوفق اولادك

خديجة 06/04/2016 13:07

روووعة جا هايل يعطيك الصحة مبدعة كالعادة

ام جنة 06/04/2016 12:34

الله يعطيك الف صحة اختى ام امانى اناو عائلتى من محبى لبراج و نحن فى الغرب نسميه المبسس

ام اماني 06/04/2016 17:34

اهلا غاليتي
يعطيك الصحة على المعلومة اكيد التسميات مختلفة والوصفات متشابهة

ام مروة 06/04/2016 11:50

الله يعطيك الصحة اختي الغالية بارك الله فيك أنا منعرفهمش غير شاتهم فى الانترنت ويقولوا راهم شابين بزاف جربتها خطر باصح مخ جوليش الله يعطيك الصحة ان شاء الله انجرب توعك يبركتي اختي

ام رياض 06/04/2016 11:28

عزيزتي لو سمحتي اريد وصفات حلويات اليومية اي نتاع الدار

ام اماني 06/04/2016 17:36

اهلا بالغالية ام رياض
اكيييد راكي في البال والوصفات عملتهم ان شاء نحطهم في القريب اعذرني لمشاغلي الكثيرة

ام عبيد الله 06/04/2016 11:07

السلام عليكم بارك الله فيك ام اماني لعزيزة شكلهم متقون الفنانة تاعنا ربي يحفظك ياك يدوبو في الفم ما تعودناش تعملينا حاجة يابسة ههههه