قطايف السنيوة

بسم الله الرحمان الرحيم

السلام عليكم اخواتي

كيف حالكن ان شاء الله  الجميع في تمام الصحة والعافية

وصفة اليوم عبارة عن قطايف  السنيوة  من حلوياتنا التقليدية  سهلة التحضير وذوقها راااائع خاصة مع الشاي

ويمكن تحضيرها  بطبقة من القطايف ثم الحشو ثم طبقة اخرى من القطايف او نحضرها بعجينة البقلاوة من الاسفل ثم الحشو ثم طبقة من القطايف  كما عملت انا

  من دون اطالة اترككم مع الوصفة

مقادير العجينة:

فرينة 4 كيلات

كيلة ناقصة اصبع سمن ذايب وبارد

قرصة ملح

م ص فاني

ونطمها بماء الزهر

الحشو

لوز بالقشور مدشش 3كيلات وممكن نحضرها بخليط من الجوز واللوز كما عملت انا

نصف كيلة سكر

فاني

ماء الزهر

نحتاج ايضا الى

سمن ذائب

قطايف سورية

عسل

بيستاش للتزيين

الطريقة

نحضر العجينة بخلط المقادير السابقة ونطمها بماء الزهر نغطيها ونخليها ترتاح

نأخذ السنيوة وندهنها بالسمن

نرش  طاولة العمل بالمايزينة  ونبسط العجينة بالحلال من بعد نمررها في  الماشينة 

الطبقة الاولى  نرققها حتى الرقم 7 لازم تكون خشينة نوعا ما من بعد ندهنها بالسمن  ونعمل الطبقة الثانية نرققها حتى الرقم 8 ونفس  العملية نكررها حتى نتحصل على 5 طبقات وفي كل مرة ندهن بالسمن بعدها نثقبها بالكوردون

نحضر الحشو نخلط السكر مع المكسرات والفاني ونرش فوقه ماء الزهر مالازمش يكون مشمخ لازم يكون كما الكسكس

نضع الحشو فوق العجينة

نأخذ القطايف نقطعها بالمقص الى قطع صغيرة نضيفلها حوالي زوج م ك سكر  يخليها تاخذ لون ذهبي نخلط القطايف مع السكر ونحطها فوق الحشو

نسقيها بالسمن

ناخذ صينية اخرى ونضغط جيدا على القطايف  من بعد ندخلها  للفرن يكون مسخن مسبقا على 150درجة حتى تأخذ اللون الذهبي

بعد مانخرجها من الفرن  اذا كان سمن زائد نتخلص منه ونعسلها بعسيلة تكون ثقيلة نضيفلها كمية قليلة فقط من ماء الزهر حتى تبقى الحلوى مقرمشة

 نغطيها بورق الالمنيوم ونحط فوقها حاجة ثقيلة حتى القطايف تتعسل جيدا   ونخليها تبات ليلة كاملة من بعد نقطعها   ونقدمها في حاويات مزينة بالبيستاش

تقدم بالصحة والراحة

شكلها عن قرب

ان شاء الله تعجبكم الوصفة

ولاتنسوني من صالح دعائكن

في امان الله

Comments

[nina]

السلام عليكم
بارك الله فيكي ام اماني جازاكي الله. كل خير حبيت نعرف شحال ترفد الكيلة لي درتي بيها وقياس الصينية لو سمحتي
وايضا حبيت نعرف الكيلة لي كيلتي بيها فلمخبز شحال ترفد ربي. يفرحك بولادك وربي يرزقك ماتتمناي

[امينة]

يعطيك الصحة والعافية توووب

[عفاف]

بارك الله فيك

[عفاف]

حبيبة قلبي أم اماني شوق كبير ليك الحمد لله انك بخير

[sodobasma]

بارك الله فيك

[أم أروى جزائري]

بارك الله فيك وفتح عليك وصفاتك دائما تنجح معي احتسبي في ذلك

[ام سراج]

السلام عليكم
يعطيك الصحة اختي ام اماني و ربي يفرحك بوليدلتك .كما راكي تفرحي فينا بوصفات هايلين يحمرو لوجه
راني من درك نخير من وصفلتك وش ندير كي نزيد ان شا الله

[ام اماني]

وعليكم السلام اختي ام سراج
الله يسلمك اختي شكرااا على الدعاء ولك بالمثل

[lamino]

يعطيك الصحة باذن الله نجربها

[أم زكرياء]

السﻻم عليكم أم أماني إن شاء الله تكوني بخير ممكن من فضلك وصفة للدزيريات بالكاوكاو و جوز الهند مشكورة مسبقا.

[ام اماني]

اختي اصبري عليا تجوز فترة الاختبارات ونحطلكم وصفة الدزيريات بالخطوات ان شاء الله

[ميمة]

ربي يحفظك و يحفظك أبنائك كل وصفاتك رائعة ربي يجزيك يا بنت الاصول

[ام نور]

ماشاء الله دائما رائعة في وصفاتك ربي يجازيك و يحفظك و يجعلها في ميزان حسناتك شكرااااا

[Kika]

Site ta3 mouslima ma7bch yamchi lazm l inscription wala

[ام اماني]

نعم اختي لازم التسجيل

[ام عماد الدين]

ماشاء الله عليك غاليتي في كل مرة تزدادين تالقا و رقيا حفظك الله من اعين الحاسدين و كيد الكائدين

[عاؤشة]

Ya3tik essaha...koulchi fort

[ام صلاح]

رائعة ومميزة دائما

[ام رياض]

جمعة مباركة عليكي اختي و على كل صديقات المدونة كيف الحال اتمنى ان يكون الجميع في تمام الصحة و العافية لي عضيم الشرف ان اكون اخت لكي عزيزتي ام اماني يشهد عليا الله انني احبكي في الله حتى دون ان اراكي و لكنني احس انني اعرفكي مند زمن شكرا لكي سيدتي الفاضلة

[جمانة]

ما شاء الله ما شاء الله عليك ربي يبارك في صحتك واولادك

[ام تسنيم]

السلام عليكم
ما شاء الله
خرجو روعة
اذا سمحت اختي اطلب منك وصفة سوفليه الشكولاطة

[Myriam]

أختي ام اماني مساء الخير سامحيني اليوم كثرت من الأسئلة شفت اطباق في منتدى الجلفة في موضوع واش طيبتي اليوم و حابة اذا أمكن تعطيني الوصفات
كاين طبق لوبيا خضرا بالجاج و الزيتون الأسود و كاين طبق اسمو تغميسة الخضار الحارة و البطاطا كوشة تاعك هايلة تشهي كل ما تلقاي وقت حطيلي وحدة ما تزربيش روحك و جزاك الله الف خير و تصبحين على الف خير

[ام اماني]

اهلا اختي مريم
اذا ممكن حطي الصور حتى نتذكر الاطباق وشكراااا

[Om iyes]

وعليكم السلام حبيبتي واختي في الله
ان شاء الله تكوني في تمام العافية انت واهلك
والبنية ربحت شوية
ماشاء الله تبارك سلمت يداك ودمت متالقة وحفظك الرحمن من كل مكروه

[ام اماني]

بارك الله فيك اختي
الحمد لله ابنتي تماثلت للشفاء وهذا بفضل الله وبفضل دعائكن

[Om iyes]

وعليكم السلام حبيبتي واختي في الله
ان شاء الله تكوني في تمام العافية انت واهلك
والبنية ربحت شوية
ماشاء الله تبارك سلمت يداك ودمت متالقة وحفظك الرحمن من كل مكروه

[ام نبال و هارون]

الله عليك يا فحلة ربي يعطيك صحتك باه تقعدي تمتعينا هكا انا من الوفيات لمدونتك ربي يحفظلك و يباركلك في اولادك

[ام اماني]

شكراااا غاليتي دمت وفية للمدونة

[Myriam]

أختي ام اماني ادا حبيت نعمل الطبقة السفلية بالقطايف نعملها بنفس الطريقة العلوية و شحال نحطلها عسل
وحبيت نلفت انتباهك لحاجة في منتدى المسلمة ما لقيت حتى موضوع من مواضيعك لا القديمة و لا الجديدة ما الامر؟
و جزاك الله الف خير و عدتي و وفيتي الله يعطيك دنيا
و آخرة

[ام اماني]

شكرااا اختي على التنبيه
هذاك المنتدى كان مؤقت فقط ومنتدى المسلمة رجع من جديد وفيه وصفاتي
تفضلي الرابط
http://www.mouslima-dz.com/ar/index.php
اما القطايف ننصحك تعملي هم بهذا الطريقة رووووعة لكن اذا حبني تعملي الطريقة الاخرى قطعيهم واعملي طبقة ثم الحشو ثم طبقة وكملي بنفس الخطوات
والعسيلة على حسب الصنية وكمية الحشو حنا عادة في البقلاوة نوزن الحشو ونعمل نفس المقدار عسل لكن القطايف يحبه العسل اكثر

[فيفي]

بوركت ام اماني ربي يجعلها في ميزان حسناتك وجزاك الله خيرا على مجهوداتك وادام الله عليك الصحة والعافية شكراااااااااااا

[ام اماني]

امين ياااارب بارك الله فيك

[فيفي]

بوركت ام اماني ربي يجعلها في ميزان حسناتك وجزاك الله خيرا ويديم عليك الصحة والعافية على مجهوداتك وشكراً

[فيفي]

بوركت ام اماني ادام الله عليك الصحة و العافية شكرا على الوصفات اﻷكثر من رائعة

[Myriam]

و جزاكي الله الف خير

[ام اماني]

بوركت غاليتي

[Myriam]

أختي ام اماني عملتي عين العقل و نقلك فقط ان الشجرة المثمرة هي التي ترمى بالحجارة و الانسان الناجح هو اللي دائماً عندو ناس مرضى للأسف يغيروا من نجاحو و لكن استمري و لا تبالي بهؤلاء المرضى و تذكري كل ربات البيوت اللواتي ينتظرن وصفاتك بفارغ الصبر من اجل إسعاد اسرهن

[ام اماني]

بارك الله فيك اختي مريم

[ام رياض]

الغالية ام اماني نحن معكي و نقف الى جانبكي و سوف نكون بحول الواحد الاحد اخوات وفيات و مخلصات لكي و للمدونة نحن نحتاج اليك و الى توعيتكي لنا و توجيهاتكي في عالم الطبخ و الحلويات نقول لك ربي يعينك و يقويك و ينصرك

[ام اماني]

بارك الله فيك اختي ام رياض

[Gâteaux Bladi]

الله يلعن كل واحدة تشمت فيك حبيبتي ،كلنا نتعرض لهاته الانفعالات وسببها الغيرة التي لاحدود لها..
ماعليش ماتديهاش كامل فيهم لذتهن في غلقك مدونتك لكن كوني امرأة صامدة لان هناك بعضهن محتاجينك
اما بالنسبة للقاطو هاااااايل ويديك يتلفو في حرير ،خدمتك دايما نقية وربي يجازيك كل خير باذنه تعالى

[ام اماني]

شكرااا على الكلام الطيب اختي جزاك الله كل خير
اسمحلي نجاوبك هنا على سؤالك
للامانة ماجربتش نعوض عجينة السكر بعجينة الشكولة لكن نظن انها ناجحة فقط اتبعي الخطوات ومن الاحسن اعمليها بالعسل لان بالغلوكوز تكون قاسية من بعد راح تعبك معاها ولي جربت هذا الفكرة ونجحت فيها تنورنا

[Gâteaux Bladi]

ياو راكي رابحة دنيا وآخرة أختي الغالية أم أماني يديك يتلفو فالحرير والله مش مجاملة وراكي عارفة وحدة من قراينك حبيبتي ،بسيف يغيرو منها الكثير من النساء اللي مايقدروش يوصلو للي وصلتيلو نتيا،كلنا نتشابه في ذلك وحدة تدعيلك بالخير وعشرة يموتو بالغيرة..
أما نتيا نقولك كملي مشوارك ،راكي تكسبي من وراؤو الأجر وراح تنجحي بالذرية الصالحةان شاء الله..
وبالنسبة للقطايف جاوك رووووعة ونقولك لك بالمزيد من التألق والنجاح

[ام اماني]

بارك الله فيك

[ام عببد الله]

السلام عليكم شكرا كثيرااااااااااعلى كل ما تقدمينه لنا وكل ما نستطيع فعله هو دعوة الخير في الدنيا والاخرة فقط احتسبي الاجر

[ام اماني]

وعليكم السلام
بارك الله فيك

[Basma]

يا رب يطعمك من الجنة كيما راكي تفرحي فينا لكن حبيت نسقسيك انا من قبل جربت بقلاوة فيلو واتبعت كل الخطوات لكن النتيجة غير مرضية شو تنصحيني وجزاك الله على كل اعمالك وعوضك خيرا في الجنة

[Myriam]

يوجد مشكل ما التعليق ما يفوتش

[ام اماني]

اهلا اختي مريم اسمحولي في الايام السابقة كانت الردود تفوت مباشرة قبل مانشوفها لكن كاين ناس مع الاسف مريضة تدخل وتكتب تعليقات جااارحة لا ادري ما الهدف من ورائها فكرت اني نغلق المدونة لكن تراجعت من اجلكن وقررت نكمل ولذلك الردود لي تكتبوها لا تظهر حتى نقراها انا لذلك حبيت نوصل رسالة لهؤلاء الناس المريضة نقولهم ربي يهديكم ووصل بهم يبعولي رسائل يسيتياليو المدونة الهدف من كل هذا غلق المدونة حسبي الله ونعم الوكيل

[رحاب]

شكراً جزيلاً لك الله يعينك على شغل بيتك وعلى ماتقدميه لنا

[ام اماني]

امين ياااارب مشكورة غاليتي

[oum arse]

salam alikoum

[oum arse]

salam alikoum

[ام اماني]

وعليكم السلام

[Hamdi]

Bjr chef oum amani hummmmmmmmmmmmm thebel rien a dire chef yatik essaha bonne continuation et n'oublie pas la recette de bradj merci.

[ام اماني]

ان شاء الله اختي واذا راكي مزروبة نكتبلك الوصفة

[oum arse]

salam alikoum, wa3adti et wafiti

[ام اماني]

فعلا رغم اني متاخرة لكن الله غالب وقتي ضيق

[oum arse]

salam alikoum, wa3adti et wafiti

[oum arse]

salam oum amani jazaki allah kheir wa3adti labiti fi mizan hassanatik
je vous demande la préparation du thé
que dieux vous protège ainsi que vos enfants

[oum arse]

allah ibarak et yahafdak oum amani wa3ati et wafayti bi wa3diri
oum amani li talab 3inaki min fadliki préparation du thé
antiya bezaf ford

[ام اماني]

مشكؤرة اختي للاسف مانيش شاطرة في تحضيره لكن عندي صديقتي شااااطرة فيه نسالها ونجاوبك

[نهال]

ربي بجازيك مدابيك اطباق رئيسية واكلات

[ام اماني]

ان شاء الله نحط شربة فريك وطاجين الزيتون في هذا اليومين

[ام اماني]

ان شاء الله

[نهال]

ربي يرزقك كل خير مدابيك اطباق رئيسية جزاك الله كل خير

[sou]

vous etes unique une veritable artiste, que dieu vous benisse,je suis l une de vos miliers de fans
je vous admire
que dieu vous garde

[ام اماني]

بارك الله فيك على المرور الطيب

[ام عببد الله]

السلام عليكم الله يبارك ام اماني ماشاء الله فعلا خجلتينا بوفاءك لوعودك ربي يبعد عليك كل بلاء انت واهلك صراحة مالقيت مانقول

[ام اماني]

وعليكم السلام
امين يااارب ولك بالمثل

[ام عببد الله]

الله يبارك ام اماني ماشاء الله ربي يبعد عليك كل بلاء انت واهلك فعلا خحلتينا بوفاءك لوعودك ما لقيت ما نزيد نقول....

[ام عببد الله]

السلام عليكم الله يبارك ماشاء الله ربي يحفظك من كل بلاء خجلتينا بوفاءك لوعودك فغلا ما لقيت ما نقول ..........

[ام اماني]

اهلا بالغالية ام عبيد
اكيييد انتن طيبات وتستاهلو كل خير
راني عملت شربة فريك وصورتلك كل المراحل باذن الله نحطلك الوصفة في القريب

[Myriam]

هايلين

[ام رياض]

غيرتيني تبارك الله عليك ربي يجازيك يا غالية على الروح

[Myriam]

سؤال فقط اذا حبيت نعمل الطبقة السفلية بالقطايف نعملها بنفس الطريقة مثل الطبقة العلوية
فقط حبيت نلفت انتباهك لشيء لاحظت في منتدى المسلمة في الأيام الاخيرة لا يوجد اي موضوع من مواضيعك حتى القديمة غير موجودة إطلاقا ربما يكون لديك تفسير و شكرا