Overblog
Suivre ce blog
Editer l'article Administration Créer mon blog
مدونة ام اماني للطبخ

حلوى قلوب الشكولة المنمرة رووووعة

5 Février 2016 , Rédigé par ام اماني Publié dans #حلويات

بسم الله الرحمان الرحيم

السلام عليكم اخواتي

كيف حالكن ان شاء الله الكل في تمام الصحة والعافية

للاسف جهازي كان معطل لذلك لم استطع التواصل معكن  والاجابة على استفسارتكن

اليوم الحمد لله عدت اليكن بوصفة جديدة رااائعة شكلا وذوقا والاروع اننا لانحتاج في تزيينها الى قوالب وادوات تزيين الحلوى هكذا يتسنى للجميع تطبيقها باذن الله من دون اطالة اليكن الوصفة

حلوى قلوب الشكولة المنمرة رووووعة

مقادير العجينة

مرقرين250غ

نصف كأس سكر رطب

نصف باكي قوفريط مرحي ذوق شكولة

صفار بيض 2

نصف كأس مايزينة

لافاني

كاكاو2م ك

نصف م ص خميرة كيميائية

فرينة لجمع العجينة

نحتاج ايضا الى كريمة الزبدة سبق وادرجتها قبل في مواضيع سابقة بعدة نكهات

نحتاج الى شكولة سوداء

نحتاج الى كمية من الطلية   المتكونة من

كيلة زيت كيلة حليب كيلة ماء والسكر الرطب انا استخدمت المرجان

نحتاج ايضا الى ملون بني ويمكن استبداله بالكاكاو

الطريقة

بواسطة الخلاط الكهربائي نخلط المرقرين والسكر جيدا نضيف صفار البيض ونستمر في الخلط ثم القوفريط والكاكاو والفاني والخميرة ونجمعها بالفرينة حتى نتحصل على عجينة متماسكة

نغطيها ونخليها ترتاح في الثلاجة لمدة نصف ساعة

بعدها نبسطها بالحلال ونقطعها باي  قطاعة  انا هنا استخدمت هذا القلب شكله هايل

حلوى قلوب الشكولة المنمرة رووووعة

نقطع الحلوى وندخلها للفرن على درجة 180درجة عندما تنضج نتركها تبرد تماما بعددها نلصقها بكريمة الزبدة

حلوى قلوب الشكولة المنمرة رووووعة

نذوب الشكولة السوداء مع كمية قليلة من الحليب فوق حمام مائي ونغطس فيها الحلوى من فوق ونتركها لتجف تماما

في هذا الوقت نحضر الطلية بخلط الزيت زالحليب والماء ثم نضيف السكر الرطب المغربل  حتى الحصول على طلية تكون ثقيلة

نقسمها الى 3 اقسام

قسم نتركه ابيض وقسم نضيفله كاكاو فاتح وقسم نضيفله كاكاو اسود وممكن نستبدل الكاكاو باللون البني انا استعملت هذا الملون

حلوى قلوب الشكولة المنمرة رووووعة

راح نتحصل على هذه الالوان نضعها في كيس حلواني كل على حدى

حلوى قلوب الشكولة المنمرة رووووعة

نرسم حيز باللون الابيض فوق الحلوى

حلوى قلوب الشكولة المنمرة رووووعة

نملأ الحيز باللون الابيض

حلوى قلوب الشكولة المنمرة رووووعة

نعمل دوائر عشوائية باللون البني القاتم

حلوى قلوب الشكولة المنمرة رووووعة

نضع الون البني الفاتح في الوسط

حلوى قلوب الشكولة المنمرة رووووعة

نترك الحلوى لتجف راح تمتزج الالوان   والنتيجة راح تكون رووووعة 

نضعها في حاويات وتقدم بالصحة والعافية

حلوى قلوب الشكولة المنمرة رووووعة

دائما بمقادير بسيطة نحضر حلويات فاخرة شوفو شكلها ما احلاه

حلوى قلوب الشكولة المنمرة رووووعة

حتى الاخوات اللواتي لايملكن ادوات تزيين الحلوى يمكن تحضير هذا النوع بكل سهولة

حلوى قلوب الشكولة المنمرة رووووعة

شكلها عن قرب

حلوى قلوب الشكولة المنمرة رووووعة

ان شاء الله تعجبكم الحلوى وتجربوها ولا تنسوني انا وعائلتي من صالح دعائكن

ملاحظة مهمة

يجب ان يكون قوام طلية متماسك يعني طلية ثقيييلة حتى تحافظ على شكلها فوق الحلوى

يجب استخدام شكولة سوداء لاننا وضعنا فوقها كمية من الطلية فتكون حلاوتها معتدلة

 

تم بحمد الله

في امان الله

Partager cet article

Commenter cet article

samia 02/04/2016 06:33

يا اختى ام اماني واش نقولك يعطيك الصحة

ام عبد الرحمان محسن 02/04/2016 00:56

شكرا ام اماني وصفاتك رائعة

ام عبد الرحمان محسن 02/04/2016 00:55

ماشاء الله

فيروز 20/03/2016 12:49

رووووعة يافنانة

om riham 17/03/2016 21:57

السلام عليكم نطلب منكم الانضمام اليكم وشكرا

نبيلة 14/03/2016 10:42

يعطيك الصحة على كل وصفاتك الرائعة عندي سؤال هو كيفاش نتحصلو على الون الذهبي للعرايش؟

nawel 24/02/2016 18:16

يعطيك الصحة واش نقولك بفضلك تعلمت كلشي الطبخ و الحلويات ربي يخليك لينا ان شاء الله و الله عايلتي كاملة تحبك و كامل يدعولك الله يعطيك الصحة و يحفظك لعايلتك دمتي متألقة امنيتي نشوفك في برامج الطبخ

ام داوود 23/02/2016 18:04

يعطيك الصحة انا من متابعاتك ربي يجازيك كل خير

أم زكرياء 15/02/2016 22:34

السﻻم عليكم لقد جربت الوصفة حقيقة تذوب في الفم ونالت إعجاب كل أفراد العئلة بارك الله فيك و المزيد من التألق إن شاء الله.

ام اماني 16/02/2016 08:20

وفيك بركة شكرااا على الثقة اختي وبصحتكم

أم زكرياء 15/02/2016 22:29

بارك الله فيك جربت الوصفة الحلوة حقيقة تذوب في الفم إن شاء الله المزيد من التألق لك أم أماني

ام اماني 16/02/2016 08:20

بصحتكم

ام الاطفال 14/02/2016 13:29

شكرااااا

ام اماني 16/02/2016 08:34

العفو غاليتي

ام الاطفال 14/02/2016 13:29

شكرااا على وصافاتكم

ام اماني 16/02/2016 08:35

العفو اختي شكرااا على مرورك الطيب

ام رؤوف 12/02/2016 08:51

ياختي ام اماني ربي يعطيك ويمنيك على جودك وكرمك ويحققلك امانيك في هذا اليوم ان شاء الله ختي ان ان امكن قاطوات تاع الطبقات كاش جديد نحبهم لي حطيتيهم جربتهم هايلين مثل قاطو ماجور وبساط اريح

ام اماني 16/02/2016 08:58

شكرااا اختي على الدعاء ولك بالمثل
ان شاء الله اختي نحط مثل هذا الوصفات

Amani Alhayat 10/02/2016 23:43

جزاك الله خيرا جربتها روووووووعة يذوب في الفم ربي يعطيك صحتك ويبارك في أولادك كل وصفاتك في القمة نجربهم بلا خوف

فيفي 09/02/2016 12:46

السلام عليكم ورحمة الله وبركاته ام اماني وكل المشاركات في المدونة ام اماني عندي طلب ان امكن وصفة مخبز بجوز الهند جازك الله خيرا على مجهوداتك وشكراً مسبقا

ام اماني 10/02/2016 15:54

اهلا غاليتي
انا عندي وصفة مخبز جوز الهند والكاوكاو يجي هاااايل ان شاء الله نحط الوصفة لان الكثير من الاخوات طلبوه اما اذا تقصدي مخبز جوز الهند فقط فاعتذر ماعنديش فكرة

ام عببد الله 09/02/2016 08:48

السلام عليكم من فضلك ام اماني جاوبيني حطيت اسئلة في هادي الصفحة

ام اماني 17/02/2016 14:52

بارك الله فيك

sou 17/02/2016 11:08

merci d avance,que dieu vous benisse

فيفي 11/02/2016 09:42

شكرا حبيبتي ام اماني سانتظر وصفتك بفارغ الصبر

ام اماني 10/02/2016 15:45

اعتذر اختي ساجيب على الاسئلة

فيفي 08/02/2016 14:34

بارك الله فيك ام اماني على المجهودات الجبارة اتمنى لك كل خير وننتظر منك كل يوم الجديد والمبهر كالمعتاد حفظك الله لعائلتك

hanan biba 08/02/2016 13:40

اختي عندي سؤال كيف تكون الشكولا السوداء لامعة هل باضافة الزيت احسن ام الزبدة واذا عندك اقتراح اخر قوليلنا

hanan biba 08/02/2016 13:38

انت دائما في القمة جزاكي الله كل خير وصفاتك دائما نجربها وتكون ناجحة بارك الله فيك

ام اماني 10/02/2016 15:52

وفيك بركة شكراااا

lila 07/02/2016 20:05

روعة ما شاء الله حبيبتي ممكن سؤال وشمن شوكولا تستعمليها

lila 10/02/2016 18:14

فيجيكاو اللي تجي تابلات كنت نحسب ما نقدرو نزيدولها والو تخسر بارك الله فيك حبيبتي نجربها ان شاء الله

ام اماني 10/02/2016 15:51

اهلا غاليتي
الشكولة فيجيكاو سوداء

Gâteaux Bladi 07/02/2016 14:10

واش نقولك يا حبيبة راكي رابحة دنيا وآخرة ،راكي أمتعتينا بصدق واش راكي تمدي،ربي يجازيك كل الخير في هذا النهار الممطر،صراحة ماشاء الله

ام اماني 10/02/2016 15:51

اللهم امين والله فرحتني بهذا الدعاء ولك بالمثل اختي جزاك الله كل خير

ام عببد الله 07/02/2016 09:40

السلام عليكم ارجو ان تكوني بخير وجميع الاخوات ممكن جاوبيني اختي ام اماني علاش مقروط العسل المقلي دائما يجيني يابس نستعمل سميد خشين 3كيلات بكيلة وما نعجنوش وما نكثرش الماء تاع الكوشة ناجح نعمل الوصفة تاعك واش هو السميد لمليح للبراج وكنت طلبت منك وصفة شربة فريك دائما جيني سامطة جربتها بمليار طريقة واحدة ماعجبتني وبارك الله فيك واهلك

ام اماني 10/02/2016 15:50

اهلا غاليتي
بالنسبة للمقروط لازم تستخدمي السميد المتوسط وليس الخشن بالنسبة للسميد استعملي سيم شريته هذا الايام روووعة وممكن ماما او سفينة المهم حجم متوسط انا نستعمل هذا الانواع ونفس الشي بالنسبة للبراج
الكيلة نتاع السمن نقصي منها اصبع وزيده زيت يجيك هايل ان شاء الله كي نعمله نصورلك الخطوات
اما الفريك وعد نحطلك الوصفة هذا الاسبوع لان كشثير من الاخوات طلبوها رغم بساطة الوصفة نحطهالكم غاليتي

lila z 08/02/2016 09:43

أم عبيد الله
اساسا تشيشة المقروط متوسطة ماشي الخشينة

Myriam 07/02/2016 08:54

صباح الخير على الجميع أرجو ان يكون الكل في تمام الصحة و العافية أختي ام اماني الغالية و الله قد ما نشكرك و ندعيلك قليل
الحلوة رااااائعة والله لا بل في قمة الروعة نابعة من نفس مؤمنة و قلب طيب أدامك الله لنا لتتحفينا بأطباق رائعة و حفظ لك أولادك و جعلهم قرة عين لك و حفظ لك زوجك و سخره لك و رزقك مرتبة في الجنة آمين يا رب العالمين
إذا أمكن حبيبتي اطباق تقليدية من يديك لعزاز و انتي و الله مشكورة في كل الاحوال

nadjat 06/02/2016 16:33

أختي ام اماني الله يسترك ويعطيك ما تتمناي ويحفظلك وليداتك ...عندي فقط سءال قداه كمية قوفريط لأنوا القوفريط انواع والوزن كاين انواع إلا تقدري تحطيلي وزن ولا إسم قوفريط اللي إستعملتي باه نهز القياس قد قد وشكرا ربي يجازيك كل خير

ام اماني 06/02/2016 21:52

اهلا غاليتي
اختي استخدمي قوفريط بيمو ذوق الشكولة استخدمي نصف العلبة

ام تسنيم 06/02/2016 15:28

ما شاء الله
سبحان الله لما نشوف القاطو للوهلة الاولى نقول مكلف لكن لنا نشوف المقادير فهي بسيطة جدا
الله يحفظك بما يحفظ عباده الصالحين

ام اماني 06/02/2016 21:52

امين ياااارب ويحفظك اختي ويحفظلك كل غالي

ام عببد الله 06/02/2016 09:30

السلام عليكم الله يبارك ام اماني تعطينا واحد الافكار للعيد البساطة كامل الناس تحبها راني بعثتلك شحال من رسالة ولا رد ههههههه عندي مشكل مع مقروط لعسل دائما يابس نعمل 3كيلات بكيلة ونستعمل سميد خشين ومانعجنوش وما نكترش الماء ودائما فشل ذريع نجحت في تاع الكوشة الوصفة تاعك

ام اماني 06/02/2016 21:56

اهلا اختي ام عبيد
هل ارسلتي الرسائل هنا ؟ يا اختي راني نجاوب قدر المستطاع ممكن تعاودي تطرحي اسئلتك هنا واعتذر لان اكيد لم انتبه لاسئلتك

أم زكرياء 05/02/2016 22:45

ما شاء الله دائما متألقة ربي يحفظك و المزيد من النجاحات

ام اماني 06/02/2016 21:58

بارك الله فيك اختي

ام اماني 06/02/2016 21:50

بارك الله فيك على المرور الطيب

lila 05/02/2016 21:22

ربي يحفظك انشالله ويعطيك ماتتمناي دايما في القمة و يا ريت تكتريلنا من الاطباق الرئيسية و التقليدية يا اروع شاف في الوجود

ام اماني 06/02/2016 21:59

امين يارب ويحفظك ويحفظلك كل غالي
ان شاء الله

Om iyes 05/02/2016 21:15

ماشاء الله تبارك الله قمة الابداع والاتقان والتالق.
باارك الله فيك غاليتي وبارك لك في عمرك ورزقك واهلك
سلامي اليك

ام اماني 06/02/2016 22:00

اهلا بالغالية على قلبي
شكراااا حبيبتي بارك الله فيك على المرور الطيب

زهرة 05/02/2016 20:55

السلام عليكم و رحمة الله

ما شاء الله دائما الجديد من عندك
ربي يبارك فيكي

فقط طلب٠ هل ممكن تكتبي مع الوصفات كمية الحبات لتخرجلك بالمقادير لأعرف هل يجب مضاعفة او تنقيص في المقادير و جزاكي الله خيرا

ام اماني 06/02/2016 22:02

اهلا اختي زهرة
بارك الله فيك على المرور الطيب
ان شاء الله نكتبلكم الكمية
تقريبا كل انواع الصابلي وماشابه 250غ مرقرين تقطع من 30الى 35حبة واكيد على حسب حجم المول والسمك

Om marwa et dounia 05/02/2016 19:27

Slm walikom ma soeur ma cha Allah super gâteaux promet des que je te trouve le temps je le test.que allah vous protège et votre famille aussi
Om marwa et dounia

ام اماني 06/02/2016 22:03

بارك الله فيك اختي ربي يحفظك ويحفظلك كل عزيز وغالي
ان شاء الله تجربيها وتنال اعجابك تحياتي

moslihe29 05/02/2016 19:11

بارك الله فيك اريد ان امكن حلويات فى السنيوة حفضك الله من كل سوء

ام اماني 06/02/2016 22:05

اهلا غاليتي
ان شاء الله راني محضرة موضوع قطايف السنيوة ان شاء الله نحطلك الوصفة في القريب

Basma 05/02/2016 17:28

حلوى جد رائعة الله يعطيك من نعيمه وخيراته نحن دائما نتظر منك الجديد على فكرة اعطينا بعض وصفات المقبلات السهلة وجزاك الله كل خير واصلح امورك واولادك لك الفضل الكثير لانك انت السبب في حبي للطبخ

ام اماني 06/02/2016 22:49

بارك الله فيك ان شاء الله ساضع في الايام القادمة مقبلات سهلة

ام سيف الدين 05/02/2016 17:09

يعطيك الصحة يا فنانة على هذا الابداع جعله الله في ميزان حسناتك

ام سيف الدين 05/02/2016 17:08

يعطيك الصحة يا فنانة على هذا الابداع جعله الله في ميزان حسناتك

ام رياض 05/02/2016 16:41

تسلم يداك واتمنى لكي الوصول الى قمة النجاح دعتي والله تستحقين جائزة نوبل سوف يكون لكي شان عضيم و كبير انشاء الله عند رب العالمين

ام اماني 06/02/2016 22:58

اخجلني كلامك الرائع اختي ام رياض ربي يعطيك على قد طيبتك ياغالية تحياتي

om mohamed 05/02/2016 16:27

hamdoulah la slamtek habouba...gateau présentable macha allah njaraebha nchallah . allah yahfdak amine

ام اماني 06/02/2016 22:55

شكراااا على المرور الطيب

ام معاد و نور الهدى 05/02/2016 14:35

السلام عليكم و جمعة مباركة على الجميع
اهﻻ بعودتك ام اماني كل يوم نضرب حوالي 10 طﻻت على المدونة لعلي اجد الجديد هههه و اليوم قلت الجمعة و اكيد ان شاء الله تتحفيننا
وصفة رائعة و خاصة انها سهلة و بريزونتابل
بارك الله فيك على الافكار التي تقدمينها هكدا خليتينا دوما نجدد في حلوياتنا و خاصة الصابلي
تحياتي اليك
^_"

ام رياض 05/02/2016 14:01

شكرا لكي اعجبتني كثيرا اعدكي انني سوف اجربها و لو انني اعرف انها رائعة بارك الله فيك

ام اماني 06/02/2016 22:54

ان شاء الله تجربيها اختي ام رياض وتجحي فيها

ام رياض 05/02/2016 13:56

عزيزتي ام اماني جمعة مباركة اضن انني اول متصلة بارك الله فيك يعطيك الصحة العفو و العافية والله ادهلتينا وصفات راقية و في غاية الروعة

ام اماني 10/02/2016 15:52

اطلبي اختي الوصفة وانا اعطيك الطريقة

سمسومة 08/02/2016 17:19

ام اماني ربي يخليك وطولاك في عمرك وزهيلك دارك وينجحلك اولادك نعتيلي اللطبخ للراكي تنعتي الصور اومادريش طريقة الشرح

ام اماني 06/02/2016 22:53

فعلا انت اول متصلة في هذا الموضوعو الله شرفتني بردودك الرائعة ادامك الله اختا في الله وحفظك من كل سوء