Overblog
Suivre ce blog
Editer l'article Administration Créer mon blog
مدونة ام اماني للطبخ

قاطو خاتم حريم السلطان بعجينة الشكولة حصريا من مطبخي

22 Janvier 2016 , Rédigé par ام اماني Publié dans #حلويات

بسم الله  فاتحة كل خير وتمام كل نعمة والصلاة والسلام على حبيبنا محمد وعلى اله وصحبه

 

كيف حالكن غالياتي ان شاء الله الكل في تمام الصحة والعافية

 

 وصفة اليوم عبارة عن حلوى اقل مايقال عنها انها راااائعة شكلا وذوقا  والوصفة جديدة وحصرية من مطبخي وقد سميته بقاطو خاتم حريم السلطان نظرا للمول المستعمل في التزيين

 والحلوى عبارة عن قاطو بالشكولة وكريمة الزبدة لكن الجديد هو طريقة التزيين التي استعملت فيها عجينة الشكولة التي يمكن ااستخدامها في تزيين الحلويات والتورتات بدل من عجينة السكر لانها اقل منها حلاوة وذوقها رائع  

في الحقيقة تعبت كثيرا لايجاد الوصفة  فهي من اجتهادي الخاص وساضعها بين ايديكم باذن الله بكل الخطوات لذلك لا تبخلوا على بالدعاء لي  ولاولادي  بالصلاح والنجاح

ولكن بالمثل من دون اطالة اليكن الوصفة

 

 

قاطو خاتم حريم السلطان بعجينة الشكولة حصريا من مطبخي

اولا نقوم بتحضير عجينة الشكولة التزيين

ممكن نستخدم  شكولة بيضاء او سوداء  بنفس الطريقة فقط اختلاف صغير في المكونات

عجينة الشكولة السوداء

شكولة سوداء او بالحليب حسب الرغبة100غ

م ك ماء بارد

م ك غلكوكوز ويمكن استبداله بالعسل

سكر رطب 35غ 

الطريقة

نقوم باذابة الشكوله على حمام مائي

 

 

قاطو خاتم حريم السلطان بعجينة الشكولة حصريا من مطبخي

نضيف م ك ماء  وم ك غلوكوز والغلوكوز  يشبه  العسل لكن لونه شفاف ويكون متمااااسك يعني ثقيل وهذي صورته واذا لم يتوفر نستبدله بالعسل

قاطو خاتم حريم السلطان بعجينة الشكولة حصريا من مطبخي
قاطو خاتم حريم السلطان بعجينة الشكولة حصريا من مطبخي

 

بعد اضافة كمية الماء والغلوكوز نحرك الخليط وننزعها من النارراح يكون شكلها مثل ماهو في الصورة نتركها تبرد ونضيف كمية السكر ا

اكيد يكون مغربل

قاطو خاتم حريم السلطان بعجينة الشكولة حصريا من مطبخي

نمزج المكونات ونعجنها راح نتحصل على عجينة الشكولة جاهزة نغطيها ونحتفظ بها خارج الثلاجة  لان اذا احتفظنا بها داخل الثلاجة ستصبح قااااااسية ولا يمكن تشكيلها

قاطو خاتم حريم السلطان بعجينة الشكولة حصريا من مطبخي

عجينة الشكولاطة البيضاء

 

شكولة بيضاء 100غ

م ك ماء بارد

نصف م ك غلوكوز ويمكن استبدالها بالعسل

سكر رطب35غ

نفس الخطوات بالنسبة للعجينة السوداء والصور توضح

 

 

 

 

 

قاطو خاتم حريم السلطان بعجينة الشكولة حصريا من مطبخي
قاطو خاتم حريم السلطان بعجينة الشكولة حصريا من مطبخي
قاطو خاتم حريم السلطان بعجينة الشكولة حصريا من مطبخي

هذا شكلها 

قاطو خاتم حريم السلطان بعجينة الشكولة حصريا من مطبخيقاطو خاتم حريم السلطان بعجينة الشكولة حصريا من مطبخي

بعد تحضير عجينة الشكولة للتزيين  نقوم بتحضير الحلوى

انا استخدمت عجينة معتمدتها منذ سنوات رووووعة

مقادير العجينة

مرقرين250غ

نصف كأس سكر رطب

نصف كأس كاوكاو محمص جيدا ومرحي

صفار بيض 2بيض

مايزينة2م ك

م ص خميرة حلوى

م ك كاكاو

فاني

فرينة

مقادير الكريمة

 

زبدة انا استعملت زبدة ستار 100غ

سكر رطب 

حلوة الترك

الطريقة

نخلط المرقرين مع السكر جيدا ثم نضيف صفار البيض  ونخلط ثم بقية المكونات ونجمعها بالفرينة دون عجنها حتى الحصول على عجينة 

متماسكة نبسطها بالحلال ونقطعها بمول يكون على شكل معين

ندخل الحلوى للفرن  بعدما تطهى نتركها تبرد ثم نلصقها بالكريمة 

بالنسبة للكريمة نخلط الزبدة مع السكر والرطب وحلوة الترك على حسب الذوق  ونلصق بها الحلوى من الاحسن نحط كمية مليحة لانها تعطي ذوق راااائع للحلوى

 

 

 

 

 

 

 

 

 

قاطو خاتم حريم السلطان بعجينة الشكولة حصريا من مطبخي

نذوب الشكولة على حمام مائي باضافة قليل من الحليب ونقوم بطلاء الحلوى  بالشكولة ونضعها على مشبك حتى تجف تماما

بعدها ناخذ عجينة الشكولة سنجد انها اصبحت صلبة  نقوم بعجنها قليلا راح يسها تشكيلها نضعها في مول السليكون على شكل خاتم حريم السلطان 

قاطو خاتم حريم السلطان بعجينة الشكولة حصريا من مطبخي

بالبانسو نمسح عيه بالملمع انا هنا استخدمت اللون البرونز

قاطو خاتم حريم السلطان بعجينة الشكولة حصريا من مطبخي

نلصق عجينة الشكولة المشكلة على الحلوى بواسطة كمية قليلة من  الشكولة ونقدم الحلوى بالصحة والعافية

قاطو خاتم حريم السلطان بعجينة الشكولة حصريا من مطبخي

ذوقها راااائع تذوب في الفم والشكل اروووووع

قاطو خاتم حريم السلطان بعجينة الشكولة حصريا من مطبخي

شوفو شكلها ما احلاه

قاطو خاتم حريم السلطان بعجينة الشكولة حصريا من مطبخي

عن قرب

قاطو خاتم حريم السلطان بعجينة الشكولة حصريا من مطبخي

 نضعها في الحاويات وتقدم بالصحة والعافية

قاطو خاتم حريم السلطان بعجينة الشكولة حصريا من مطبخي

ان شاء الله تعجبكم الوصفة وتجربوها ولاتنسوني من صالح الدعاء ولكن بالمثل

 

 

تم بعون الله

 

Partager cet article

Commenter cet article

rofa 17/04/2016 15:07

شكرا ليك وربي يحفظك اختي ام اماني

zoudasoumia7@.gmail.com 02/04/2016 08:46

الشيكولة فيجيكاو ?

ام اماني 02/04/2016 10:00

نعم

zoudasoumia7@.gmail.com 02/04/2016 08:45

يعطيك الصحة ربي يخليك لينا

شنينة عبد اله 05/03/2016 22:40

سلام ماهي الشيكولة لي تستخدميها في الطلية؟

ام اماني 08/03/2016 08:40

فيجيكاو

farida abdelkader 21/02/2016 15:07

بارك الله فيك أختي أم أماني

ام جواد 16/02/2016 16:05

يعطيك كل الصحة

chef eslam 09/02/2016 02:45

تسلم ايديك تحفه
http://sha8af.blogspot.com/

Gâteaux Bladi 02/02/2016 11:21

ربي يحفظك ويحفظلك أبناءك باذنه تعالى.فقط عزيزتي ام اماني وصفتك لعجينة السكر ربي يخليك ،انا لي عندي فيها الجيلاتين ومانحبوش ،الله يسجيك مديهالي في أقرب وقت ممكن وشكرا ليك بزاف

mimistaifia 01/02/2016 22:20

الله يعطيك ماتتمناي ويعيشلك ولادك

امال 28/01/2016 10:29

مشاء الله توحشتك توحشت طلتك ربي يعطيك ما تتمتاي

ام رياض 27/01/2016 14:15

عجبتني بزاف فكرة عجينة الشكولاطة جربتها جات روعة احسن من عجينة السكر نقدرو نستعملوها لتزين الحلويات و حتى الطورطات يعطيك الصحة

ام رياض 27/01/2016 13:58

عزيزتي ام اماني كيف الحال طولت الغيبة نحن جميعنا في انتضار الجديد الحصري ارجو منكي ان لا تغضبي منا لانني دوما نطالبكي بالجديد هادا من حبنا و اخلاصنا للمدونة و شكرا

Myriam 26/01/2016 10:48

مرحباً جميعا أختي ام اماني راني جربت عجينة الشكولا البارح و خرجت تحفة ما شاء الله الجميل فيه انها ماشي حلوة بزاف و ماشي مكلفة أيضاً كلفتني فقط 20 الف 5 آلاف 200غ شيكولا تاع الميزان و 15 الف علبة غلوكوز فيها 500غ راني حطيتلك رد في منتدى المسلمة اسمي في المنتدى مريم المهندسة ربي يجازيك كل خير

ام رياض 26/01/2016 09:57

عزيزتي ام اماني يوم مبارك لكي و لكل امة نبينا محمد عليه افضل الصلوات و الله لم تشهد عيني اجمل و ابهى من هده الوصفات اتمنى لكي الفوز في كل المجالات وان يرزقكي الله اعلى درجات الفردوس و شكرا

فيفي 25/01/2016 21:18

اللهم ارزق ام اماني وابناءها فرح سيدنا يعقوب وفرج سيدنا يونس وصبر سيدنا ايوب وزهد سيدنا محمد صلى الله عليه وسلم"جزاك الله خيرا على مجهوداتك حقا استفدت كثيرا من وصفاتك وكلها ناجحة ومضمونة100/100"

soso imad 25/01/2016 15:41

الله يبارك اختي ام اماني انا نحب وصفاتك بزاف ومن متتبعيك عندي سنوات وانا ندون وصفاتك خاصة الحلويات ...حبيت نسقسيك اذا كان عندك صفحة فالفيسبوك

احلام عايشي 25/01/2016 10:52

ماشاء الله ربي يبارك اختي الفاضلة تعيشي من اي محل تشري لوزام الحلويات لي مول من فضلك بليييييييييز

ام عببد الله 25/01/2016 08:20

السلام عليكم الاخوات كيفاش نقدر نتصل بام اماني على الخاص

ميمة 25/01/2016 06:39

سيدتي الفاضلة أن وصفة تدل علي علي سمو أخلاق و اناقتك أحب وصفات كثير لا تخلي علينا بالمزيد اعملي نا اطباق بالرد انك أكثر من رائعة بأخلاق وصفاتك الله يحفظك أولادك و يحفظك الهم

لينا 24/01/2016 22:44

والله العظيم دايمن ندعيلك بالخير درتي فينا خير كبير ربي يجازيك باضعاف مضاعفة

لينا 24/01/2016 22:41

وصفات ولا اروع يعطيك الصحة ايتها الفنانة ربي يعطيك ما تتمناي انشاء الله
حبيبتي اريد وصفة قاطو على شكل خاتم عجبني بزاااف وملقيتش الوصفة شكرا

ام سيف الدين 24/01/2016 21:04

قد ما نشكروك قليل فانت فنانة باتم معنى الكلمة ان من متتبعي وصفاتك الناجحةوننتظرهادائماعلى احر من الجمر فارجوك متغبيش علينا ومتحرميناش من ابداعاتك كنتحابة نحطللك ردود في مواضيعك في منتدى الجلفة لكن معرفتش نسجل في المنتدى حفظك الله ورعاك احبك في الله

ام اماني 24/01/2016 21:35

بارك الله فيك ام سيف الدين نورتي المدونة وان شاء الله مانبخلش عليكم بالوصفات

ام رياض 24/01/2016 20:17

عزيزتي ام اماني انا راني مع مريم نشاطرها الراي ران كل شيىء نطيبوه من عند الغالية ام اماني اصبحنا نبدع و نزوق الوصفات غير من عند اختي ام اماني حنا وين تروح نتبعوها ربي يخليها لينا و يطول ليها عمرها و تبقى تنور لينا حياتنا مريم كل نبكو ماشي غير انت ههه

زهرة 24/01/2016 19:26

السلام عليكم الأخت ام اماني

مهما ما قلنا فيكون قليل مقارنة مع إبداعاتك ما شاء الله٠ كلها روعة و الشرح رائع ما شاء الله

ربي يباركلك في عائلتك و صحتك و يحفظ وليداتك و يجعلهم من الذرية الصالحة و يرزقك الجنة

Taiba nassouha 24/01/2016 19:08

ممكن اختي ام اماني تقوليلي قداة كمية السكر وحلوة الترك في كريمة الزبدة

Myriam 24/01/2016 18:15

سامحيني هبلتك بالأسئلة الشكولا البيضاء ممكن نحطلها ملون

Myriam 24/01/2016 17:48

حبيبتي ام اماني والله كون تروحي و تخلينا نشبع بكا و ندير إضراب ما نزيدش نطيب لعايلتي نظن ما يرضيكش يموتو بالجوع ههههههههه و الله نحبك في الله

ام اماني 24/01/2016 21:48

ههههه اسمحولي اخواتي ممكن كي مافهمتونيش انا هذاك النهار تقلقت بزااااف من النت والله يومين حتى اضع الموضوع حتى كرهت في بعض الاحيان نحضر الموضوع من بعد يضيع كل شي ونعاود من جديد لذلك تقلقت هذا ماكان
لكن اكيييد انا معاكم ولا ابخل عليكن اخواتي

أم محمد 24/01/2016 13:38

ربي يحفظك أنت و العائلة و ربي يمدلك على قد قلبك يا أم أماني... ربي يعينك و تزيد تبهى المدونة أكثر و أكثر

ام اماني 24/01/2016 21:53

بارك الله فيك اختي ام محمد

amina 24/01/2016 13:01

السلام عليكم ام اماني يعطيك الصحة على كل وصفاتك ماشاء الله الله يباركلك اعرفي بلي محبيك كثار وانا عاشقة طبخك نستنى جديدك بفارغ الصبر وكل مرة نطل على المدونة ونلقى جديد نموت بالفرحة ربي يعطيك ماتتنمناي ويحفظلك عايلتك ويفرحك باولادك
لو سمحت لوكان تقدري ديري حساب فايسبوك باه يسهل علينا كي تحطي جديد

ام اماني 24/01/2016 21:57

جزاك الله كل خير اختي امينة على الكلام الطيب
بالنسة للفايسبوك اختي افضل المدونة معكن لان الفيسبوك راح يكون عدد المشتركات كثير لا استطيع الاجابة والتواصل مع كل الاخوات لان وقتي ضيق للاسف

ام رياض 24/01/2016 11:18

السلام عليكم جميعا يا وجوه الخير عزيزتي مريم اداكان ممكن تعطيني رابط و صفة البريوش هادي لانني من محبين البريوش و انا اثق بكل وصفات ام اماني و مشكورة مسبقا

ام اماني 24/01/2016 22:00

اختي ام رياض هذا البريوش عملته هذي مدة وعند ما قمت بانشاء المدونة عدة مواضيع نسيت نحطها فكل الشكر للاخت مريم

ام اماني 24/01/2016 21:52

شكراااا على الرابط جزاك الله كل خير

Myriam 24/01/2016 14:31

http://www.mouslima-dz.com/ar/index.php?threads/بريوش-المشيمشات.10264/
هذا رابط البريوش أختي ام رياض بصحتك و استمتعي باحلى بريوش و راني معاك في كل كلمة قلتيها فيما يخص ام اماني

Myriam 24/01/2016 10:32

مازال ما كملتش كلامي راني جربت وحد البريوش تاعك قليتو في منتدى المسلمة اسمو بريوش المشيمشات و الله خرج تحفة تسلم ايديك وربي يجعلها في ميزان حسناتك و ثاني عملت كيكة الشيكولاطة هايلة مازالني ما نعرفش نحط صور في المنتدى انشاء الله نتعلم و نحطلك كل صور التطبيقات

ام اماني 24/01/2016 22:00

شكراااا على الثقة وبصحتكم

Myriam 24/01/2016 10:18

الله يرفع قدرك و يرضيك انشاء الله
ام اماني العزيزة انتي في القلب و الله و كل يوم ندعيلك من قلبي و الله لأن وصفاتك رائعة
و الفرحة و السعادة لي دخلتيها لعايلتي كبيرة و الله أرجو منك ان تواصلي نشر وصفاتك المميزة
و حتى ولو ما تلقايش ردود فتأكدي ان اللي يدعيولك بالمئات لأني أعرف صديقات ليا يشوفو مدونتك و ما يحطوش ردود لكن والله يدعيولك بالخير دائماً هدا الشيء شفتو بعيني
وصفت اليوم رائعة بكل المقاييس نجربها في هدا الويكان

ام اماني 24/01/2016 22:03

شكراااا

ام اماني 24/01/2016 22:03

اختي مريم تاكدي ولو ما نلقاش حتى رد راح نبقى باذن الله نحط الوصفات لاني اعشق الطبخ خاصة الحلويات وراني متاكدة ان الكثير من الاخوات راهم يدعولي في ظهر الغيب نقولهم بارك الله فيطن ولكن بالمثل

Siham 24/01/2016 09:21

hawlik le lien w rani daymen ntal ida kayen kach jdid t7aftina baraka allahou fik

http://www.djelfa.info/vb/showthread.php?t=1915838

ام اماني 24/01/2016 22:04

شكرااا

Siham 24/01/2016 09:15

allah ybarek macha'allah 3lik rabbi yhafdek w yahfed wladek w el 3aila kamel t7aftina koul marra jdid rani mdjarba kach 40 recettes men 3andek choufi fi 9ism les applications tal9ayni 7atta 10 applications w mazalou des photos ma 7attithoumch

ام اماني 24/01/2016 22:05

شكراااا اختي سخام على الثقة وبصحتكم يا الشاطرة

فريال 24/01/2016 09:12

جزاك الله خيرا وبارك الله فيك ربي يحققلك كل ما تتمنيه لك ولاولادك شكرا غاليتي وصفاتك كلها مضمونة ومجربة 100/100

ام اماني 24/01/2016 22:06

بارك الله فيك

Hamdi 24/01/2016 08:11

Bjr le cordon bleu,machalah alik vraiment superbe recette improvisé, je vous souhaite tout le bonheur du monde pour vous et votre famille,encore une fois million bravo et merci pour ta générosité bonne continuation wahiba khenchela.

ام اماني 24/01/2016 22:06

بارك الله فيك على المرور الطيب

ام عببد الله 23/01/2016 23:25

السلام عليكم اريد ان اراسلك على الخاص ممكن؟

ام اماني 24/01/2016 22:07

تفضلي اختي

Gâteaux Bladi 23/01/2016 22:52

السلام عليكم اختي انا من متتبعيك على مدونتك الآن ،ووالله وجدتك بالصدفة،لاني كنت اتابعك على المنتدى وصراحة جربت أختي جميع وصفاتك في منزلها وكانت النتيجة مذهلةماعساي الا ان اقول لك ربي يرزقك الصحة والله يفرحك بوليداتك وتفرحي باماني باذن الله

ام اماني 24/01/2016 22:08

بارك الله فيك اختي ربي يفرحك انت ايضا بوليداتك

ladmiya 23/01/2016 22:40

الي الغاليه علي قلبي ام اماني راكي امتعتينا بوصفاتك الرائعه و الناجحه 100 ب 100 شكراا لكي علي كل ما تقدمينه نتمني نشوفك في قناه سميره تي في

ام اماني 24/01/2016 22:11

بارك الله فيك اختي لكن افضل البقاء معكن في مدونتي ساكون اكثر ارتياح

Amani Alhayat 23/01/2016 21:11

سلام عليكم اختي ام اماني ربي يحفظك ويعطيك ماتتمناي والله ربي يجازيك على وصفاتك الرائعة والمميزة ربي يوفقك ويوفق أولادك ربي يجعلهم ذرية صالحة

ام اماني 24/01/2016 22:13

امين ولك بالمثل

roudacuisine 23/01/2016 21:01

Djazaki Allah koul khir

ام اماني 24/01/2016 22:13

امين ياااارب

ام وئام 23/01/2016 20:58

الله يبارط روعة! جعله الله في ميزان حسناتك

ام اماني 24/01/2016 22:14

شكراااا

ام معاذ 23/01/2016 19:59

جزاك الله خيرا وربي يبارك في رزقك وفي اهلك نتاع الصح تحف فنية راكي تقدمي فيها و تعبك ما راحش خسارة رانا كامل نستفادو منك و ندعيولك بالخير يا وجه الخير

ام اماني 24/01/2016 22:15

اكيييد اختي المجهود محسوب عند رب العالمين بارك الله فيك

هند 23/01/2016 19:16

جزاك الله خيرا على ماتقدمينه رزقك الله البركة في الوقت وامدك بالصحة والعافية فمثيلاتك قليل سلمت يداك ياغالية

ام اماني 24/01/2016 22:18

شكرااا

ام اماني 24/01/2016 22:17

بارك الله فيك على الرد الطيب

ayaasma 23/01/2016 19:08

يعطيك الصحة ام اماني روعة دائما متالقة بوصفاتك

ام اماني 24/01/2016 22:18

شكراااا

Ayaasma 23/01/2016 19:06

يعطيك الصحة ام اماني روعة دائما متالقة بوصفاتك

Om iyes 23/01/2016 18:38

صح لسانك اختي ام رياض والله يعجز اللسان عن وصف العواطف والمحبة التي نكنها لاختنا ام اماني
ويعلم الله ان خيرها وصدقها واخلاصها يطبع شخصيتها في زمن تقلبت فيه الوجوه والله المستعان
وخير ما نقدمه لها دعاااااءنا. لها ولعاءلتها ولاولادها بكل خير فجزاها عنا احسن الجزاء ورفع درجتها في الدنيا والاخرة
ولم لا علنا نلقاها يوما ونرد لها بعضا من جميلها

ام اماني 24/01/2016 22:19

بارك الله فيك اختي ام الياس نشكرك ونشكر كل الاخوات على الدعاء ولكن بالمثل

ام رياض 23/01/2016 17:17

نحن لا نستغني على مجهوداتكي الجبارة معنا نحن نحبكي في الله صدقيني لا مكان لوجود الخبت او النفاق في قلوبنا الحمد لله نحن اناس تخاف رب العالمين و نحسب الف حساب لليوم الدي نلقو فيه وجه الله تعالى ثقي بنا

ام اماني 24/01/2016 22:21

اختي ام رياض انا لم اقل عكس هذا الكلام اكيد انتن اخوات قلوبها طيبة وتتمنى الخير للغير ربي يجمعنا على الخير والطاعة

ام رياض 23/01/2016 14:27

نحن نعلم انكي تتعبين من اجلنا و نحن نغنيك عن كل الالبقية البركة فينا و لا ما عجبنلكش صدقيني انا و مريم و ام الياس و ام معاد و نور الهدى نكفو و نوفو و رانا مهبلينك واش رايك

ام معاد و نور الهدى 23/01/2016 13:40

السلام عليكم
ربي يوفقك لما يحبه و يرضاه و يصلحلك زوجك و اوﻻدك و يسعدكم يااا رب
بارك الله فيك على المجهود الدي تقدمينه فعﻻ انا مع ام رياض انت جوهرة نادرة صعب ايجاد اختك في هاد الزمن و انتي السبب لي كان باش سجلت في منتديات الجلفة و هدا قدم لي الكثير
حقا ام رياض نديرو نهار و نروحو نشربو قهوة عندك ام اماني حتى انا و الله متشوقة لروياك و معرفتك بصح نشربو القهوة و نروحو برك مانديرونجيةكش اكثر هههه

ام اماني 24/01/2016 22:22

اهلا وسهلا اختي ام معاذ
بارك الله ا فيك ونعم الاخوة انتن