Overblog
Suivre ce blog
Editer l'article Administration Créer mon blog
مدونة ام اماني للطبخ

المطلوع بالخطوات من مطبخي

14 Janvier 2016 , Rédigé par ام اماني Publié dans #معجنات

بسم الله الرحمان الرحيم

 

السلام عليكم اخواتي

 

كيف حالكن اتمنى ان يكون الجميع في تمام الصحة والعافية

 نزولا عند طلب الكثير من الاخوات ساضع بين ايديكم طريقتي في تحضير  المطلوع  الذي يعتبر سيد المائدة الجزائرية خاصة  في شهر  رمضان  الكريم

وقد صورت كل الحطوات  للمبتدئات وان شاء الله ينجحن في تحضيره

 

 

المطلوع بالخطوات من مطبخي

 

المقادير

  الكيلة المستعملة علبة مرقرين صغيرة بالنسبة للسميد اذا كان من النوع الممتاز نضع 4 كيلات واذا كان نوعيته ليست ممتازة نضع 3 كيلات 

 

 

 السميد3 كيلات من النوع الجيد

كيلة فرينة

خميرة الخبز م ص لكل قرصة في فصل الشتاء اما في الصيف نعمل نصف الكمية

م ك سكر

زيت بمقدار م ك لكل قرصة

بيضة

ملح

ماء دافيء

سينوج

الطريقة

نضع كل المكونات  على التوالي ماعدا الماء

 

المطلوع بالخطوات من مطبخي

نضيف الماء الدافيء حتى الحصول على عجينة متماسكة نغطيها ونخليها تختمر

المطلوع بالخطوات من مطبخي

بعدما تختمر نعجنها جيدا من دون اضافة الماء ثم نستمر في العجن ونضيف الماء الدافيء تدريجيا حتى نتحصل على عجينة تكون طرية

المطلوع بالخطوات من مطبخي

نقسمها الى كويرات ونغطيها ونخليها ترتاح من 5 الى 10دقائق

المطلوع بالخطوات من مطبخي

 نبسط العجينة  ثم نغطيها  ونتركها تختمر للمرة الثانية

المطلوع بالخطوات من مطبخي

عندما تبدأ في الاختمار نضع الطاجين يسخن فوق الطابونة وعلى نار قوية في الوقت الذي يسخن فيه الطاجين المطلوع يكمل يختمر

هذا شكلها بعد الاختمار

المطلوع بالخطوات من مطبخي

نضع القرصة الاولى من المطلوع فوق الطاجين

المطلوع بالخطوات من مطبخي

راح تبدأ بالانتفاخ

المطلوع بالخطوات من مطبخي

بالكوردون نثقب الانتفاخ ونهبطها بالشوية باليد ونقلبها

المطلوع بالخطوات من مطبخي

 نطيبها ونحمرها بعد ما نثقبها ونعاود نقلبها من الجهة الاخرى ونحمرها  بعدها نحمر الاطراف 

المطلوع بالخطوات من مطبخي

نقطعها بواسطة سكين مسنن ونقدمها بالصحة والهناء

المطلوع بالخطوات من مطبخي

وراح نستمتع باروووع مطلوع خفيف وهشوش

المطلوع بالخطوات من مطبخي

ان شاء الله تعجبكم طريقتي وتجربوها 

 

ولا تنسوني من صالح الدعاء ولكن بالمثل

في امان الله

Partager cet article

Commenter cet article

ام سارة واكرام 01/05/2016 01:31

Merci beaucoup pour les recettes rabbi ydakhlak jantou m3a hbabak

ام مرام 25/02/2016 21:39

يعطيك الصحة جربتو وجا روووعة ربي يهنيك ويفرحك. اطباقك دائما هايلين

...amel 21/02/2016 19:02

مساء الخير استادتي و يعطيك الصحة على الوصفة

...amel 21/02/2016 19:01

مساء الخير استاذتي ... ان شاء الله راكي مليحة و الصحة بخير
يعطيك الصحة علىالوصفة ... جربته و الحمد لله نجحتلي ربي يجعلهافي ميزان حسناتك لكن بقالي استفسار صغير كي كنت نعجن فالمطلوع معرفتش لازم نعجن و نقطع العجين و لا نعجن برك بلا نقطع العجين
يا ريت تجاوبيني باه المرة الجاية يجي يسخف كيما نتاعك
سلام استاذتي

ام اماني 23/02/2016 08:34

اهلا بالغالية امال بصحتك اختي
انا صراحة نعمله بالعجانة لكن باليد ماتقطعيش اعجنيه كما نعجن المسمن

oum arse 27/01/2016 15:13

svp Mme oum amani j'ai fait pas mal de commentaires sur vos recettes et j'ai jamais eu de réponses SVP cette fois ci répondez, si vous pouvez donnez moi la marque de la semoule que vous utilisez. merci
j'ai essayé pas mal de vos recette c'était un délice : les madeleines, le dessert au nougat, tajine de merguez, la tarte au flan à base de génoise......
alah yahfadlak wlidatak

Om marwa et dounia 27/01/2016 22:08

Slm je peut me permettre de vous dire que om ammnie elle a cite le semoule de mami.j'espere que j'ai t'aidé mais il faut la confirmation. Slm

Om marwa et dounia 26/01/2016 14:39

Slm ma soeur om ammanie, j"ai testé cette recette matloua et le résultat est parfait merci beaucoup, je veux me permettre de vous demander votre recette de kesra semoule, huile et levure chimique si possible et jazaki Allah keir.om marwa et dounia de lyon

ام سيف الدين 24/01/2016 20:51

ما شاء الله ربي يباركلك في صحتك وفي اولادك جزاك الله خيرا الف شكر لك

ام اماني 24/01/2016 21:36

شكرااا على الرد الطيب

Amani Alhayat 23/01/2016 21:18

في ميزان حسناتك وجزاك الله خيرا على هذا المجهود الكبير والله يوميا نزور المدونة نتاعك جربت كل وصفاتك ربي يرزقك الجنة يارب

ام اماني 24/01/2016 22:12

اميييين ياااارب اجمعنا في الجنة مع احباب واخواتي في الله

Amani Alhayat 23/01/2016 21:16

في ميزان حسناتك وجزاك الله خيرا على هذا المجهود الكبير والله يوميا نزور المدونة نتاعك جربت كل وصفاتك ربي يرزقك الجنة يارب

ام عببد الله 21/01/2016 08:02

السلام عليكم اختي ام اماني علميني ندير شربةة فريك درتها بالف طريقة وما جينيش بنينة انشاء الله تردي علي

ام رياض 20/01/2016 17:48

السلام عليكم عزيزتي ام اماني كيف الحال صديقاتي المدونة كيف احوالكن اتمنى ان يكون الجميع بصحة و عافية اختي ام اماني الرجاء عندي طلب من فضلك اءدا كان ممكن اريد وصفة بزبدة الفول السوداني عندي علبة و لا اعرف اين استعملها و شكرا لكي مسبقا

Myriam 20/01/2016 12:43

في انتظار الجديد و ربي يقويك

ام رياض 19/01/2016 15:28

شكرا لكي و ربي يدوم المحبة بيننا و جزاها الله كل خير و الى الملتقى يمكن يوما ما نلتقي و نجتمع بمشيئة الله تعالى ام اياس بفضل ام اماني تعلمنا الوصفات الرائعة و الجديدة و الصداقة بين عضوات المدونة و المحبة في الله

ام اماني 20/01/2016 08:22

بارك الله فيك اختي ام رياض اللهم ادم الاخوة في الله واجعل اعمالنا خالصة لوجهه

Om iyes 19/01/2016 13:33

ahlan oum riad w bsahtkom lmatlou3
w rabi yahfadh om amani wyjaziha khir
mobdi3atna in chaaalah matolich lriba rasltk flmontada w antadiro radaki...chokran mosbakan

ام اماني 20/01/2016 08:23

بارك الله فيك على المرور والرد الطيب

ام اماني 20/01/2016 08:22

ادام الله الاخوة في الله وجمعنا على حبه وطاعته

Om iyes 19/01/2016 15:44

baraka laho fik okhti oum riadh 3ala kalamiki tayb....amine rabi yahfdhk wyajma3na fi hobi w ta3atih

ام رياض 19/01/2016 12:56

عزيزتي ام اماني نحن باءنتضار الجديد ما سر هاد الغيبة تعودنا منكي الجديد دوما

ام اماني 20/01/2016 08:25

اهلا غاليتي ام رياض
الله غالب انشغالاتي كثيرة لكن الجديد والحصري قريبا باذن الله

ام رياض 18/01/2016 20:42

مرحبا بالجميع كيف الحال عزيزتي ام اماني راني جربت المطلوع و خرج رائع راني داخلتها غير مطلوع يعطيك الصحة و ربي يخليك لينا لقد بعث المطلوع لوالدتي و لحماتي و قد اعجبهم قالت لي امي هادا وين راكي تعرفي تصنعي لقد قلت لها الفضل يعود لعزيزتي ام اماني شكرا لكي و جزاكي الله الف خير

ام اماني 20/01/2016 08:26

بصحتكم اختي وشكرااا على الثقة

oum 17/01/2016 15:55

merci Mme men fadlak le nom du semoul a utilisé.merci

ام اماني 20/01/2016 08:35

اهلا غاليتي
انا استعملت سميد ماما

ام اماني 20/01/2016 08:34

اهلا غاليتي ام نوران متشرفين نورتي المدونة

Bouzidiomnoran 17/01/2016 22:15

الله يبارك ام اماني المعجبة بك ام نوران

oum 17/01/2016 15:55

merci Mme men fadlak le nom du semoul a utilisé.merci

ام محمد 17/01/2016 10:58

ما شاء الله ربي يخليك ديما صحيحة و هانية أم أماني..طلبت منك الوصفة من قبل و الحمد لله كي حطيتيها جربت وحدة تشبهلها من واحد المنتدى جاتني كسرة خميرة كيما نقولو عندنا مليحة و درك نشا الله نطبق وصفتك...اشتريت مستلزمات الكيكة الباردة و ناوية نطبقها ...وصفاتك كل مضمونة دمت عزيزتي

ام اماني 20/01/2016 08:38

شكرااا اختي على الثقة وبصحتكم مسبقا

Om iyes 17/01/2016 10:20

رووووووعة رووووعة اختي ام اماني باذن الله حنجربها وعينيا مغمضين لاني كلي ثقة في وصفاتك المميزة وحكايتي مع المطلوع طوييييلة وما حبتش تخلاص ان شاء الله كي ندير تاعك تنتهي الحكاية ونعتمدهاياااااارب يباركلك في صحتك واولادك وزوجك ويحققلك كل امانيك ياااارب

ام اماني 20/01/2016 08:37

ان شاء الله تنجحي فيه المهم تتعلميه ومع الوقت تولي باااارعة فيه باذن الله

DDD.Hanene 16/01/2016 21:39

yaatik essaha khti <3 kol sba3 b sen3a mchaa allah

ام اماني 16/01/2016 21:40

يسلمك اختي بارك الله فيك على المرور الطيب

Myriam 16/01/2016 18:17

و المطلوع تاعك حمرلي وجهي قدام حماتي
و البارح عملت الكيكة الباردة بالفلان و البسكويت و عملتها كيما قلتي بالفلان كرميل و الله ذوق ولا اروع ربي يبارك لك أختي ام اماني شكرًا شكرًا شكرًا على كل المجهودات

ام اماني 16/01/2016 21:42

اهلا بالغالية مريم
يعطيك الف عافية يا الشاطرة على التطبيقات والحمد لله انها نالت اعجابك شكرااا على الثقة

Myriam 16/01/2016 18:17

و المطلوع تاعك حمرلي وجهي قدام حماتي
و البارح عملت الكيكة الباردة بالفلان و البسكويت و عملتها كيما قلتي بالفلان كرميل و الله ذوق ولا اروع ربي يبارك لك أختي ام اماني شكرًا شكرًا شكرًا على كل المجهودات

Myriam 16/01/2016 18:14

الله يبارك ربي يفتحها في وجهك والله الوصفة رائعة
و أنا كنت لقيت وصفة تاعك في منتدى اللمة و اعتمدتها ً
و الله بدون مجاملة ناجحة 100 في 100

ام اماني 16/01/2016 21:44

اهلا مريومة على فكرة اسمك جمييييل على اسم ابنتي الصغيرة حبيبة قلبي ميمي
كل مرة نبدل في الوصفة لكن باضافة حبة البيض والفرينة تجي اخف والحمد لله انها نالت اعجابك

الزوجةالمخلصة 15/01/2016 18:56

سلام عليكم هذه أول مشاركة معاكم نقولك بارك الله فيك يا أم أماني الغالية ربي يجازيك على الخير ديالك وويوفقك ويخليلك عائلتك .سلام

ام اماني 16/01/2016 21:51

اهلا غاليتي شكرااا على الرد الطيب جزاك الله كل خير

ام معاذ 15/01/2016 18:13

الله يبارك تسلم الايادي حنونة قبل مانعجنوها شحال نخلوها تخمر ،جامي درت المطلوع و هاذ المرة راني حابة نجربو لخاطر عندي تقة فيك و فوصفاتك قوليلي نطيبوه علي نار قليلة ولا قاوية انا ندير بزاف خبز في الفرن و هاذ المرة لازم نجيبها مع االمطلوع

ام اماني 16/01/2016 21:59

اهلا غاليتي

المدة على حساب الجو تقريبا نصف ساعة في كل مرة مالازمش يفوتها الطلوع يعني غير تشوفيها بدات تطلع ديري الطاجين يسخن لان اذا فاتها الطلوع اي طلعت بزااااااف كي تحطيها في الطاجين تعاود تهبط

leila 15/01/2016 08:31

ممممممم ما شاء الله يا ام اماني صح سؤال ههه قلتي لكل قرصة شحال تجينا من قرصة الباطة تع المرغرين؟
ربي يعطيك الصحة ان شاء الله و يحفظك حبيبتي

ام اماني 16/01/2016 21:49

اهلا اختي ليلى
اذا عملتي 4 كيلات سميد راح تعطيك 4 قرصات متوسطة الحجم اما اذا عملتي 3 كيلات سميد راح تعطيك 3 قرصات متوسطة الحجم

Hamdi 14/01/2016 23:09

Bsr oum amani hummmmmm thebel ta recette merci bcp, bonne continuation wahiba khenchela.

ام اماني 16/01/2016 21:52

merci ma soeur

زهرة 14/01/2016 22:58

السلام عليكم

بارك الله فيكي أم أماني كالعادة شكل الوصفة رائع ما شاء الله و الشرح أيضا و لكن آسفة فلدي بعض الأسئلة
هل في المرة الأولى عند إضافة الماء لا نقوم بالجن صح؟ و ايضا كمية الخميرة بارك الله فيكي. هل مع هذه المقادير وضعتي 4 ملاعق صغار؟

و جزاكي الله كل خير

ام اماني 16/01/2016 21:55

اهلا اختي زهرة اسئلي براحتك
اختي كل انواع المعجنات نعجنها في البداية باليبوسة يعني العجينة يابسة ونعجنها مليح ثم نضيف الماء بالشوية ونستمر في العجن يعني لازم تعجني بوالماء ضفي بالشوية مانضيفوش مرة واحدة
اما الخميرة نعمل م ص نتاع السكر تكون صغيييرة لكل قرصة

ام رياض 14/01/2016 22:52

اسمحي لي اسئلكي مادا تعنين ب ملعقة صغيرة لكل قرصة لم افهم ارجوكي ان توضحي و شكرا

ام اماني 16/01/2016 21:56

اهلا بالغابية ام رياض
ملعقة صغيرة نتاع السكر الصغيييرة لكل قرصة

ام رياض 14/01/2016 22:46

عزيزتي ام اماني كيف الحال اشتقنا لكي و لوصفاتكي شكرا على المطلوع شهيتيني يعطيك الصحة و العافية واتمنى لكي من اعماق قلبي كل خير و التوفيق في حياتكي الشخصية و المهنية يعطيك الصحة و ربي يخليك لكل محبيك الوفية للمدونة ام رياض

ام معاد و نور الهدى 14/01/2016 22:41

السلام عليكم
اممممم الله الله ريحت المطلوع وصلتني هنا بارك الله فيك و ان شاء الله في ميزان حسناتك
في انتظار جديدك دوما و ماطوليش علينا خخخخخخ^_"

roki 14/01/2016 21:43

يا اختي العزيزة راكي ديتي دعوااااااات خير مني ومن كل افراد عائلتي ربي يهنيك ام اماني ويرزقك من ابوابه الواسعة

ام اماني 14/01/2016 22:29

اهلا غاليتي
بارك الله فيك وفي العائلة الكريمة ولك بالمثل

roki 14/01/2016 21:42

ماشاء الله