Overblog
Suivre ce blog
Editer l'article Administration Créer mon blog
مدونة ام اماني للطبخ

قاطو الكادو رووووعة

8 Janvier 2016 , Rédigé par ام اماني Publié dans #حلويات

بسم الله الرحمان الرحيم

 

السلام عليكم اخواتي في الله

 

وصفة اليوم عبارة عن حلوى في مول السليكون وهذا المول متوفر بكثرة في الاسواق  لذلك اخترت لكن هذه الحلوى المناسبة لقهوة المساء وللضيوف ايضا من دون اطالة اترككم مع الوصفة

 

 

قاطو الكادو  رووووعة

المقادير

العجينة

مرقرين250غ

سكر رطب 150غ

بيض 2 وصفار 2 بيض

كأس مايزينة

زيت4م ك

م ك كاكاو

فاني

فرينة

الحشوالحشو

كاوكاو محمص ومرحي 100غ

لوز محمص ومرحي  100غ

بندق محمص ومرحي 50غ

حلوة الترك 50غ

نيسلي كرامليزي

التزيين 

سكر رطب

الطريقة:

 

بواسطة الخلاط الكهربائي نخلط المرقرين والسكر جيدا نضيف البيض والصفار ونخلط ثم الزيت والفاني والمايزينة ونجمع بالفرينة 

ناخذ كمية قليلة من العجينة نضيفلها الكاكاو 

والباقي نتركها بيضاء والعجينة يجب ان تكون طرية نوعا ما

 

ناخذ مول السليكون على شكل كادو

 

 

 

 

 

 

 

 

 

 

 

 

قاطو الكادو  رووووعة

نضع كمية من العجينة البنية في المول كما توضح الصورة

 

قاطو الكادو  رووووعة

نحضر الحشو بخلط كل المكسرات وحلوة الترك ونجمعها بالنيسلي كرامليزي

نوزن العجينة البيضاء 25غ ونضع فيها كمية من الحشو

قاطو الكادو  رووووعة

نغلقها ونحطها في المول فوق العجينة البنية ونضغط جيدا

قاطو الكادو  رووووعة

ندخلها للفرن مسخن مسبقا على 180درجة  نتركها تطهى دون ان يتغير لونها 

بعد ما تبرد نرش عليها كمية من السكر الرطب وتقدم بالصحة والعافية

قاطو الكادو  رووووعة

دائما بمقادير بسيطة يمكن تحضير حلويات سهلة والذوق اممممم

 

قاطو الكادو  رووووعة
قاطو الكادو  رووووعة

عن قرب

قاطو الكادو  رووووعة

ان شاء الله تنال الوصفة اعجابكم وتجربوها

 

ولا تنسوني انا وعائلتي من صالح الدعاء ولكن بالمثل

 

تم بحمد الله

Partager cet article

Commenter cet article

Selma 15/02/2016 17:46

السلام عليكم
بارك الله فيك اختي
حبيت نسالك النيسلي تطيبيه ولا تديريه مباشرة فالحشو اول مرة تستعملو في وصفة
وياريت تحاوبيني لاخاكر راح نديرو ضرك

ام اماني 16/02/2016 08:11

اهلا غاليتي
انا نستعمل نيسلي الطايب ينباع واجد يسمي نيسلي كرامليزي

Zineb 10/02/2016 22:36

يعطيك الصحة وربي يجازيك تعلمت منك العديد من الحلويات وصفاتك ناجحة ومزيد من التالق والنجاح انشاء الله

فريال 02/02/2016 15:01

دائما مميزة بابداعاتك بارك الله فيك وجزاك الله خيرا

ام سيف الدين 24/01/2016 21:27

الله يبارك بسيط وانيق ربي يرزقك من اوسع ابوابه ويحفظلك زوجك واولادك امين

ام اماني 24/01/2016 21:34

امين يارب ولك بالمثل

Amani Alhayat 20/01/2016 20:33

ربي يحفظك ويجازيك ويعطيك ماتتمناي وصفاتك روووووووعة نديرها بدون اي تردد اوخوف من عدم نجاحها نجربها وعارفة انها نفس مؤمنة ربي يخليلك أولادك

ياسمين 18/01/2016 11:10

حبيبتي ام اماني والله نموت عليك الوصفات تاعك كامل ناجحين تبارك الله
قوللي حبيت ندير عيد ميلاد لابني نعرض فيه المقربون فقط قولللي واش ندير والله راني حايره حبيت ندير عشاء منبعد حفله صغيرة

ام اماني 20/01/2016 08:33

حبيبتي ربي يحفظلك ابنك وعائلتك
اسمحلي حبيبتي ماتزعفيش مني لكن انا لا احتفل بعيد الميلاد لان الفتوى تقول انه لا يجوز لذلك اسمحلي على عدم الرد تحياتي غاليتي

Om marwa et dounia 17/01/2016 21:45

Slm om ammanie, merci infiniment pour votre recettes j'ai testé pas mal de ces recettes et hamdouallah le résultat est impeccable. Je suis sur que vous être une femme élégante et votre travail est un reflet de votre personnalité que Allah vous protège et aussi votre famille. Om marwa et dounia

ام اماني 20/01/2016 08:35

بارك الله فيك اختي ام مروى ودنيا
وشكرااا على الدعاء ربي يحفظك ويحفظلك كل غالي

noura 14/01/2016 21:59

السلام عليكم يا اخواتي اريد ان اسئلكم في الله انا من متتبعي ام اماني و اريد ان اتصل بها و هده اول مرة لي اقوم فيها بالمشاركة بالتعليقات فارجو منك المساعدة

ام اماني 14/01/2016 22:28

اهلا اختي نورة
انا هي ام اماني اي سؤال على اي وصفة ضعيه هنا في التغليقات وان شاء الله نجاوبك

ام رياض 14/01/2016 17:37

صديقتي مريم كيف الحال شفتي تعودنا جديد ام اماني دائما ما نقدروش نصبرو ربي يخلي ها لينا تنور لينا حياتنا لا اثق الا بوصفاتها و شكرا

ام اماني 14/01/2016 22:32

اهلا بالغالية ام رياض

كيفك انت والعائبلة الكريمة ان شاء الله بخير
سامحوني للتاخر في وضع الجديد لضيق الوقت وايضا كانت النت مقطوعة

ام اماني 14/01/2016 22:30

بارم الله فيك اختي مريم جزاك الله كل خير

Myriam 14/01/2016 21:11

الحمد لله ربي يخليها لينا و لأولادها و تبقى دائماً متألقة و نجمة في فن الطبخ

Myriam 14/01/2016 17:19

و أنا أوافق ام رياض الرأي راني في الإنتظار بفارغ الصبر
أتحفينا بالجديد
ربي يعينك و يجازيك بكل خير

ام اماني 14/01/2016 22:37

اهلا مريومة
بارك الله فيك اكيد كل مانلقى وقت نحط وصفات جديدة ولازم مرة على مرة نترك وقت للاخوات لتطبيق الوصفات

ام رياض 14/01/2016 13:24

حبيبتي ام اماني طولت علينا الغيبة نحن في انتضار الجديد بفارغ الصبر تعودنا على وصفاتك تنور بيوتنا صدقيني كلما فتحت الكمبيوتر اول اتجاه مباشرة هو المدونة الرائعة مدونتكي شكرا جزيلا على المجهودات التي تبدلينها معنا

ام اماني 14/01/2016 22:34

بارك الله فيك لكن اعذروني والله ان وقتي ضيق جدا وحتى التصوير ووضع الموضوع ياخذ مني وقت لذلك ارجو التفهم واكيد كل ما نلقى وقت نحطلكم وصفات جديدة

ام انس النمسا 14/01/2016 12:06

بارك الله فيك أختي أم أماني ربي يجزيك الجنة ان شاء الله ويصلح ذريتك ماتقظريش تتصوري شحال استفدت منك ونستيني في غربتي أنتظر دايما جديدك لأطبقها شكرا جزيلا .

ام اماني 14/01/2016 22:41

الحمد لله اختي انك استفدت واكيد مع النت اصبح العالم مفتوح على بعضه هذا ينسيك على الاقل الغربة نوعا ما

ام مارية 13/01/2016 20:42

حبيبتي انا نعمل الحلاويات في البيت واستفدت منك اكثير ادعيلي ربي وفقني

ام اماني 14/01/2016 22:38

بالتوفيق غاليتي ربي يعينك ويرزقك من ابوابه الواسعة

ام مارية 13/01/2016 20:40

ربي ايبارك فيك حبيبتي وصفاتك ولا اذوع

Ha.cuisine 13/01/2016 17:56

لي يبهرني فيك هو ان خدمتك دايما نقية ،وهذا مايجعلني أتلذذ لتجريب وصفاتك الرائعة

Om iyes 11/01/2016 18:55

?

Om iyes 25/01/2016 11:53

اسفة اختي الغالية خرجت بدون قصد ولم اعرف كيفية ازالتها..معذرة

ام اماني 13/01/2016 09:26

لم افهم لماذا علامة الاستفهام

ام اماني 13/01/2016 09:24

شكراااا غالياتي

Om iyes 12/01/2016 17:37

بارك الله فيك وجزاك خيرا على كل ما تقدمين

DDD.Hanene 11/01/2016 13:27

yaatik essaha :) yban ychahi

ام اماني 13/01/2016 09:27

يسلمك اختي

أم محمد 11/01/2016 12:42

السلام جميعا...أم أماني العزيزة ربي يرزقك الصحة أولا و العافية و الهناء و الستر و لكل عائلتك...ندعي ربي يشفيني لأسترد نشاطي و أطبق وصفاتك الناجحة ان شاء الله دمت سعيدة و مشرقة...وصفاتك كلها ظلها خفيف..

ام اماني 13/01/2016 09:27

بارك الله فيك على المرور والكلام الطيب

أم زكرياء 10/01/2016 11:12

شكرا على المجهود حلويات رائعة

ام رياض 10/01/2016 08:28

صباح الانوار لكل محبين مدونة ام اماني و لكل صديقات المدونة صباح الخير اختي ام اماني شكرا لكي على كل ما تقدمينه لنا من وصفات و ابداعات اتمنى لكي الصحة واطلب من الله تعالى ان يوفقكي انت و كل افراد عائلتكي وان ينجح دريتكي و المزيد من النجاح اكي و شكرا

ام عبد الرحمان 09/01/2016 23:15

السلام عليكم ممممم هذه الحلوى رائعة ربي يجازيك كل خير

ام شيماء 09/01/2016 22:58

ربي يحفظك ويحميك

ام شيماء 09/01/2016 22:57

وصفاتك" روعة وجربتهم خرجولي يهبلو القشدة هي كريمة الطازجة

lila 09/01/2016 22:39

و ياريت تكثري لنا من الاطباق الرئيسية و ربي يجعلها في مبزان حسناتك و يعطيك ما تتمناي انشالله

lila 09/01/2016 21:56

ya3tik saha hanounti ida tsokni fi blida kolili nji w njiblak cadeau

ام رياض 09/01/2016 21:42

لقد نسيت ان اقول لكي انني عضوة في المنتدى

ام رياض 09/01/2016 21:39

يعطيك الصحة و ربي يخليك راني لقيت الوصفة و ان شاء الله نجربها عجبتني بزاف لانني من محبين النوقة الواضح انها رائعة عندي ثقة في كل ما تقدمه ام اماني ربي يخليها لينا شكرا ليك اختي مريم و معرفة خير ان شاء الله

Myriam 09/01/2016 22:04

العفو أختي ام رياض أتشرف بمعرفتك أنا ثاني و الشكر كل الشكر للأخت ام اماني

ام رياض 09/01/2016 19:00

شكرا لكي اختي مريم على الاجابة انا ممتنة لكي و لاكنني بحث و لم اجد او بالاحرى لم اعرف الوصفة ادا كان ممكن اعطائىي المقادير او اين يمكن ان اجدها و الف شكر اسفة عزيزتي ام اماني على الالحاح وقيلة هبلتك

Myriam 09/01/2016 19:48

و هدا الرابط تاع الوصفة جربيها راهي هايلة
http://www.djelfa.info/vb/showthread.php?t=1773454

Myriam 09/01/2016 19:47

شوفي أختي ام رياض الوصفة اسمها تحلية بالنوقة
و باش تلقايها بسهولها في منتدى الجلفة لازم تكوني عضو
وتدخلي في املف الشخصي لام اماني و تحوسي في مواضيع ام اماني
http://www.djelfa.info/vb/showthread.php?t=1773454

Hamdi 09/01/2016 17:58

Bsr oum amani bonne année, bravo ma chère ton gâteau yhebel touhfa merci bcp et bonne continuation wahiba khenchela 40.

ام رياض 09/01/2016 09:05

صباح مبارك على كل محبين مدونة ام اماني عزيزتي شكرا لكي على كل ما تقدميه لمحبينكي وعلى كل المجهودات ال تي تيبدلينها من اجل ارضاء الجميع اريد ان اساءلكي من فضلك ادا كان بالامكانكي ان تعطينا وصفة التحلية التي تضعينها على صفحة المدونة فوق والمعدرة مني و شكرا

Myriam 09/01/2016 10:40

اسمحيلي نجاوبك في بلاصت الأخت ام اماني
هديك التحلية تلقايها في مواضيع ام اماني في منتدى الجلفة و راني جربتها و الله رائعة

ام مروان 09/01/2016 08:34

الله يعطيك ما تتمناي ويحفظك ويصلح اولادك و يجعل كل ما تقدميه فير ميزان حسناتك رووووووووووووعة بسيط وهايل

ام معاد و نور الهدى 08/01/2016 14:24

السلام عليكم و جمعة مباركة على الجميع و الصﻻة و السﻻم على اشرف المرسلين
كادو و هو كادو هههههه فعﻻ فكرة العجينة البنية رائعة و هايلة ماشاء الله عليك اختي ربي يباركلك في ايديداتك و يحفظك من كل شر انتي و الغوالي عليك
عندي المول و بادن الله نجربها
هلى فكرة راني درت تيراميسو الدانيت روووعة ندير و نعاود و البارح درتو جاني تووووب
تقبلي تحياتي ^_"

no name 08/01/2016 13:32

واو روعة يهبل وساهل وبسيط ننتظر جديدك دوما يا متألقة

Myriam 08/01/2016 12:56

ما شاء الله تبارك الله في غاية الروعة كيما العادة الله يحلي أيامك جاري التطيق ان شاء الله

ام اماني 08/01/2016 13:15

اهلا بالوفية مريم

بارك الله فيك على الرد الطيب وان شاء الله تعجبك في الذوق

ام رياض 08/01/2016 12:22

جمعة مباركة لكل المسلمين شكرا اختي ام اماني على هده الحلوة الرائعة سوف اجربها ان شاء الله اعدك عندي ثقة كبيرة فيك و في كل ما تقدميه شكرا لكي من اعماق قلبي الوفية للمدونة ام رياض

ام اماني 08/01/2016 13:16

اهلا حبيبتي ام رياض
شكراااا على الثقة هذه شهادة اعتز بها غاليتي ان شاء الله تجربي الوصفة وتعجبك تحياتي

فاطي سافي 08/01/2016 11:18

هايل يعطيك الصحة حنونة عجبتني فكرة العجين انا كنت نعمل بالشكولاطة السوداء حتى تنشف ونعاود بالبيضاء ونحط الحلوى نجرب طريقتك ان شاء الله

ام اماني 08/01/2016 13:17

اهلا بالغالية فاطي
فعلا فكرة العجينة جديدة حبيت نغير نوعا ما رغم اني من عشاق الشكوله خخخ

امال 08/01/2016 09:36

ممممم جيت قبل ما تبداي فيها ام اماني تعيشي حبيبتي عندي طلب و نتمنى تلبيه يااارب حابة منك طريقتك ف المسمن و المحاجب و البغرير ههه يعني التقليدية انا عندي ثقة 100/100 في وصفاتك و راني نستنى فيها بفارغ الصبر بارك الله فيك حبيبتي

ام اماني 30/04/2016 14:15

لا املك حساب على الفايس بوك

رحاب 24/04/2016 22:13

ممكن تعطيلي fb تاعك

ام اماني 08/01/2016 13:20

اهلا حبيبتي امال كيفك ياغالية

مايكون غير خاطرك لكن اصبرني شوية لان النت ثقيلة وانشغالاتي كثيرة
راني صورتلكم المطلوع من بعد ان شاء الله نحط موضوع اذا قدرت لان النت عندي اليوم تروح وترجع الله المستعان