Overblog
Suivre ce blog
Editer l'article Administration Créer mon blog
مدونة ام اماني للطبخ

كيكة باردة بالفلان والبسكويت

5 Janvier 2016 , Rédigé par ام اماني Publié dans #عصائر و تحليات

بسم الله الرحمان الرحيم

 

السلام عليكم اخواتي

اعتذر عن غيابي القصير واتمنى ان يكون الجميع في تمام الصحة والعافية

وصفة اليوم عبارة عن فلان بالبسكويت  وصفة سهلة وذوقها راااائع كنوع من التغيير خاصة لعشاق الفلان مثلي من دون اطالة اترككم مع الوصفة

كيكة باردة بالفلان والبسكويت

مقادير الكيكة

بيضات2

سكر6م ك

زيت6م ك

حليب6م ك

فرينة6م ك

كاكاو2م ك

نصف باكي خميرة كيمائية

فاني

مقادير الفلان

نصف لتر حليب

فلان 2علب

سكر2 م ك

علبة قشطة مايعادل 200غ

12حبة بيسكويت اي نوع 

م ك نيسكافيه

مقادير الطبقة الاخيرة

شكولة150غ

علبة دانيت

الطريقة

اولا نقوم بتحضير الكيكة

نخلط البيض مع السكروالفاني نضيف الزيت والحليب ونستمر في الخلط ثم الفرينة والكاكاو والخميرة

نخلط كل المقادير ونفرغها في مول هنا يجب استعمال المول الذي يفتح من الجانب 

ندخلها الفرن يكون مسخن مسبقا على 180درجة

 

 

كيكة باردة بالفلان والبسكويت

بعدما تنضج نتركها جانبا لتبرد

من جهة اخرى نحضر الطبقة الثانية 

كيكة باردة بالفلان والبسكويت

من الاحسن هنا استعمال فلان بذوق الكراميل انا لم يتوفر عندي استعملت فلان ذوق الفانيلا 

نخلط 2 علبة فلان مع الحليب والسكر ونضعها على النار مع التحريك حتى الغاليان

بعدها نضع هذا الخليط وهو ساخن  في الميكسور ونضيف علبة القشطة انا استعملت بوك ممكن استعمال اي نوع وم ك نيسكافيه وكمية البيسكويت المطحون ونخلط حتى تتجانس كل المكونات نفرغها على الكيكة

 

كيكة باردة بالفلان والبسكويت

ندخلها الثلاجة حتى تبرد تماما

الان نقوم بتحضير الطبقة الاخيرة

 

نقوم باذابة الشكولة على حمام مائي لما تذوب تماما نضيف علبة دانيت  ونخلط 

 

نفرغها فوق الفلان

كيكة باردة بالفلان والبسكويت

ندخلها للثلاجة حتى تبرد تماما وتقدم بالصحة والعافية

كيكة باردة بالفلان والبسكويت

في هذا الوصفة يجب استعمال المول المتحرك حتى يسهل اخراج الكيكة والمحافظة على شكلها

كيكة باردة بالفلان والبسكويت

لاحظوا الطبقات روووووعة

كيكة باردة بالفلان والبسكويت

 بعد تقطيعها

كيكة باردة بالفلان والبسكويت

عن قرب

كيكة باردة بالفلان والبسكويت

ان شاء الله تعجبكم الوصفة وانتظروني في وصفات جديدة باذن الله

 

في امان الله

Partager cet article

Commenter cet article

تقوى الله 30/04/2016 19:27

يعطيك الصحة والله يجازيك كل خير جربت كل وصفاتك والحمد لله كلها ناجحة ومضمونة والله ندعيلك من كل قلبي اطلب منك وصفات جديدة مع العلم اني من متتبعينك دائما الله يحفظك لينا اختي الكريمو

Om ismail 24/04/2016 20:45

Tre bon travail

GAFOUR ROFAIDA 23/04/2016 21:25

روعة

oum malak 18/04/2016 14:40

بااارك الله فيك

oum malak 18/04/2016 14:40

يعطيك الصحة وربي يبارك فيك وفي اهلك ما شاء الله ذوق وشكل وصفة رائعة جربتها هايلة ماعندي مانقول غير ربي يرزقك على قد نيتك الصافييية ويخليك لينا

oum malak 15/04/2016 16:31

بارك الله فيك وفي اهلك وربي يعطيك على قد نيتك الصافييية جربت الوصفة باهية وبنية ماعندي منقول مشكورة على كل مجهوداتك ونزيد نطلب حاجة برك اسمحيلنا تعبك ختي

ام اماني 20/04/2016 08:42

تفضلي اختي

ام آدم, nafnaf 13/04/2016 04:43

يعطيك الصحة شاطرة و جربتها جات روووووووعة فقط الطبقة الأولى جات ناشفة لوكان نشربوها بسيرو, جزاك الله خيرا

ام اماني 14/04/2016 17:36

بالفعل اختي تقدري تشربيها ان اولادي مايحبوهاش مشربة لكن انت شربيها بنيسكافيه مذابة في الماء ومعاها شوية سكر

حياة نورالدين 21/03/2016 00:32

الله يبارك تحفة ربي يحفظك اختي

om ahmed 26/02/2016 15:51

شكراااااا .... وصفات كلها ناجحة و راني جربت هد الكيكة و خرجت 444444 ...
ربي يرزقك من بابه الواسع و يعطيك ما تتمني .

ام اماني 28/02/2016 09:05

شكراااا على الثقة وبصحتكم غاليتي

أم جواد 14/02/2016 18:41

مشكورة أختي على وصفاتك الراااااااائعة؛ رجاءً ماهو النوع الجيد لشوكولا قلاصاج؛ واش نديرلها باه تبرق

ام اماني 16/02/2016 08:28

اهلا اختي ام جواد
بالنسبة لحلويات الصابلي وماشابه انا نستعمل فيجكاو نذوبها على حمام مائي ونضيفلها كمية قليلة من الحليب اما في التحليات نستعمل امبسادور او غيرها المهم نوعية ذوقها يكون جيد

أم جواد 14/02/2016 18:39

أختي أم أماني مشكورة على كل وصفاتك الراااااااائعة ؛ فقط سؤال ماهو النوع الجيد لشوكولا القلاصاج؟ و واش نديرلها باه تبرق؟

أم جواد 14/02/2016 18:36

أختي أم أماني مشكورة على كل وصفاتك الراااة.

. عندي سؤال ما هو نوع الشوكولا الجيد للقلاصاج رجاءً

ام اماني 16/02/2016 08:28

شكررررا
احسن مارك فيجيكاو

rimas lyna 13/02/2016 16:36

سلام ممكن تقوليلي الفلاننستعمل علبةصغيرة ولا علبة نتاع لتر اي الكبيرة

ام اماني 16/02/2016 08:45

الفلان نستعمل 2 علب صغيرة الخاصة بنصف لتر وممكن الكبيرة الخاصة بواحد لتر

ام محسن 31/01/2016 14:21

بارك الله فيك اختي ام اماني والله انا من متتيعيك من زمن وكل مرة ندخل باه نشوف جديدك وجربت كل وصفاتك جات رائعة فقط انا في التحلية الي درتي فيها القشطة ثقيلة انا استعملت سائلة وجات رائعة وانا في انتظار جديدك فقط الله يخليك كل ماتستعملى وصفة قولينا واش هو قطر لمول أي في كل وصفة دكرينا مقاس وأيضا الفلان مستعمل قولينا كل ماتستعملي وصفة فيها فلان قولينا علبة تاع 50 غرام او 100 غرام وشكرا وربي يعطيك ماتتمناي من فضلك ادا كنتي تعرفي وصفة عجينة السكر للتزين دريهانا والف شكر في انتظار جديدك باحر شوق

ام اماني 16/02/2016 08:25

العفو اختي

أم جواد 14/02/2016 18:42

مشكورة

ام اماني 02/02/2016 07:56

بارك الله فيك اختي على المرور الطيب وشكراا على الثقة أن شاء الله سادكرقطر ووزن الفلان في وصفات أخرى بادن الله

oum arse 21/01/2016 07:55

je l'ai essaiyé hier pour mes invités 444444444444444444444444444444444444444444444
allah ijazik oum amani yahfadlak amani

Myriam 20/01/2016 12:48

الكيكة هايلة عاودتها مرتين هذا الأسبوع و أنا رشيتها بالفرميسال شوكولا جات هايلة فيها moelleux و croquant في نفس الوقت ممممممممممممممممممم
تسلم يدك و افكارك الرائعة أختي ام اماني

أم محمد 18/01/2016 12:28

عاجل عاجل عاجل...ربي يسلم ايديك يا العزيزة جربتها البارح...جاتني تهبل تهبل بنة و ذوق و شكلا حبيت برك نسأل عوايدك تشرحي كلش لاشتات بديهي...المول دهنتو بالزبدة و رشيتو بشوية فرينة رغم أنك ما شرحتيش... بصح كي جيت نحلو في الالأخير جات التارتة حاكمة روحها و باهية لكن خفت نحركها من هاداك السيبور التحتاني تزيد تفسد..بانتلي لاصقة شوية.و سؤال 2 الشيكولا قصيتها بالموس مي ما جاتش باهية كي تاعك هه كيفاه تقصي...و اسمحيلي تعبتك..و لك الشكر الجزيل

ام اماني 20/01/2016 08:30

اهلا حبيبتي
انا طيبتهافي مول لي يفتتح دهنتها بالزبدة والشكولة من بعد نزعتها واستعملت مول متحرك من دون قاعدة راه متوفر في الاسواق تزيدي وتنقصي فيه كما تحبي وكملت باقي المراحل

ام انس النمسا 14/01/2016 12:10

بارك الله فيك ام أماني شكلها يشهي امممممم ،ان شاء الله نجربها.

ام محمد 20/01/2016 09:28

سلام و شكرا على الرد ربي ينورك

Ha.cuisine 13/01/2016 17:01

السلام عليكم أختي العزيزة ام اماني،لي سؤال من فضلك:
بعدما وفقت في تحضير هذه الكيكةالجد رائعة،وهذا من فضلك ،هل بامكاني وضع النيسكافي في جميع انواع الفلان،وبالنسبة للكيكة اذا اردتها بيضاء عوضا عن السوداء،

ام اماني 24/01/2016 22:27

وعليكم السلام بارك الله فيك

نفيسة 23/01/2016 02:29

السلام عليكم, روعة يعطيك الصحة

ayaasma 11/01/2016 18:58

سلام ام اماني يعطيك الصحة انا يوم جربتو وجاني هايل وحبيت نطلب منك طريقة استخدام ديكوجال

ام اماني 13/01/2016 09:25

بارك الله على الثقة يستخدم لتزيين الحلويات والتارت

Ha.cuisine 10/01/2016 23:35

دائما متألقة أختي اماني ،ربي ينعم عليك من كرمو

ام اماني 13/01/2016 09:29

بارك الله فيك

lila 09/01/2016 22:37

راااااااائعة

أم عماد الدين 08/01/2016 18:24

ماشاء الله عليك غاليتي تسلم الانامل الذهبية الي تطلع مثل هذه التحف و ربي يحفظك ةو يحفظ عائلتك من كل سوء يااااارب

ام مروان 08/01/2016 07:28

يعطيك الصحة ام اماني دائما متألقة ما شاء الله وانا من متتبعيك فاتحفينا بجديدك و افيدينا الله يحفظك

ام اماني 08/01/2016 13:21

اهلا غاليتي
اكيييد حبيبتي ساعمل جاهدة على ذلك
بوركت

نصيرة 07/01/2016 18:01

شكرا وصفاتك روعة ديما نطبقهم ربي يجازيك

ام اماني 08/01/2016 13:22

اهلا غاليتي

بارك الله فيك على الثقة فقط دعوة خير تكفيني ولك بالمثل

touta2010 06/01/2016 22:31

أهلا حبيبتي أم اماني راني جربت وصفة المأجور وجات روعة

ام اماني 08/01/2016 13:24

اهلا بالغالية خفيفة الظل توتة

فعلا رووووعة انا وعائلتي من عشاقه

ام رياض 06/01/2016 21:07

سعيدة جدا انا بردك على كلامي و سعيدة جدا بكسب صديقة رائعة مثلكي هادا شرف عضيم لي شكرا لكي عزيزتي على هده المدونة الرائعة و اتمنى لكي النجاح و مزيد من التاءلق و النجاح و الابداع اختكي ام رياض

ام اماني 08/01/2016 13:25

وانا اسعد اختي ام رياض والله كلامكم شهادة اعتز بها يارب يدوم المحبة والاخوة بيننا
تحياتي

ام معاد و نور الهدى 05/01/2016 13:33

السلام عليكم اهﻻ بيك ام اماني ان شاء الله تكوني فوتي العطلة بخير و الاوﻻد يكونو تحصلو على نتائج جيدة. تارت هايلة و بريزونتابل فقط قطر المول كم؟؟

ام اماني 06/01/2016 09:15

اهلا غاليتي

الحمد لله جوزت العطلة مع الاهل روووعة ربي يهنيك ويسعدك
بالنسبة لقطر المول 22سم

Myriam 05/01/2016 12:47

عذراً ام أماني هل القشطة هي الكريمة الطازجة ام هي جبنة petit suisse
أرجو الإجابة لأني اريد تحضيرها في نهاية الأسبوع

ام اماني 06/01/2016 09:17

اهلا بالغالية مريم
القشطة هي الكريم فريش كما بطوش نتاع الجزائر لي تجي ثقيلة وليست سائلة

Myriam 05/01/2016 12:22

كل عام و انتي بخير أختي ام اماني نتمنى هذه السنة تكون سنة خير عليك و على الجميع
الكيكة هاااااايلة انشاء الله نجربها و نرجعلك الخبر
و ما تنساينيش في الأطباق التقليدية و ربي يجازيك بكل خير

ام اماني 06/01/2016 09:18

حبيبتي مانيتكش في الاطباق التقليدية فقط اصبرو عليا لضيق الوقت وباذن الله ؤاني عند وعدي

ام محمد 05/01/2016 12:12

على سلامتك حبيبتي..كل يوم ندخل المدونة باه نشوف كاش جديد...ربي ينورك يا العزيزة نجربها ان شاء الله...وليت حتى في الوصفات السهلة نرجعلك بام نستفاد منك...مثلا كي غير درت لا بيري على طريقتك ...هههه و شكرا لأنك أعطيتنا فضاء حرا لنتواصل معك دمت يا غالية

ام اماني 06/01/2016 09:19

اهلا بالغالية ام محمد
هذا شرف ليا اختي وان شاء الله نط الوصفات اليومية والسهلة للافادة

فاطي سافي 05/01/2016 11:39

صباح الخيرات ياغالية كالعادة تنورينا بوصفات في القمة ربي ينور طريقك بارك الله فيكي نجربها ان شاء الله

ام اماني 06/01/2016 09:19

الله ينورك حبيبتي فاطي شكرااا على ردودك المشجعة

ام رياض 05/01/2016 10:45

اسفة نسيت ان اشكركي على هده الوصفة و اعدكي انني سوف اجربها عن قريب ان شاء الله واضح انها رائعة و تشهي

ام اماني 06/01/2016 09:20

بارك الله فيك اختي ام رياض جزاك الله كل خير على الكلام الطيب دمت وفية للصفحة

ام رياض 05/01/2016 10:43

نورتي المدونة كالعادة تبهريننا ما شاء الله بالجديد الرائع شكرا و دمت تاج فوق الراءس اصبحنا نتعلم منكي هدا الفن الجميل و ادخلتي البهجة و النشاط على بيوتنا اختي ام اماني اتمنى فعلا التعرف على هده السيدة الفاضلة و الناجحة اكتر شكرا لكي على كل ما تقدمينه لنا