Overblog
Suivre ce blog
Editer l'article Administration Créer mon blog
مدونة ام اماني للطبخ

مقروط السنيوة خطوة خطوة

27 Mai 2015 , Rédigé par ام اماني Publié dans #حلويات

بسم الله الرحمن الرحيم

 

 

السلام عليكم اخواتي في الله

 

وصفة اليوم عبارة عن مقروظ السنيوة الطريقة نفسها في قاطو المنقوشة لي سبق وادرجتها  فقط نغير عجينة الصابلي  بعجينة المقروظ

 

راح نقص فقط شوية من كمية السمن نعمل 3 كيلات ونصف سميد بكيلة سمن  حتى يحافظ على شكله  ومايتفتتش بعد الطياب وكاين لي يعملوه 4 كيلات بكيلة سمن جربته صراحة ماعجبنيش يجي يابس شوية  بدون اطالة نخليكم مع الوصفة والخطوات المصورة

 

 

مقروط السنيوة خطوة خطوةمقروط السنيوة خطوة خطوة

المقادير

الكيلة المستعملة كاس مل250

ثلاث كيلات و نص سميد متوسط انا استعملت سميد سميد مولا

كيلة سمن ذايبة وباردة

نصف ملعقة صغيرة خميرة حلوى تعطيه هشاشة

ملح

خلي ط من الماء وماء الزهرانا استعملت حوالي ثلاث ارباع الكيلة وهذا حسب نوعية الدقيق المستعمل

 

الحشو

ثلاث كيلات لوز مرحي أو كاوكاو

كيلة سكر

ونجمع بماء الزهر

ممكن نستعمل الغرس

نضيف له القليل من القرفة

 

الطريقة

نضع السميد مع الملح والسمن يكون ذايب وبارد نحكو باليد جيدا   

مقروط السنيوة خطوة خطوة
مقروط السنيوة خطوة خطوة

نغيطه ونخليه لعدة ساعات او ليلة كاملة

بعدها نشمخو بماء الزهر دون عجنه كما نعمل في المقروط العادي

في هاذ الوقت نحضر الحشو هو نفس الحشو لي نستعملو في البقلاوة

نخلط السكر مع اللوز ونضيف ماء الزهر والفاني

مقروط السنيوة خطوة خطوة

نقسم العجينة الى قسمين

 

نبسط العجينة الاولى على ورق الزبدة

 

 

مقروط السنيوة خطوة خطوة
مقروط السنيوة خطوة خطوة

نضعها في البلاطو

 

ثم نضع فوقها الحشو ثم نبسط الكويرة الثانية ونضعها فوق الحشو ونعدلها

 

 

مقروط السنيوة خطوة خطوة
مقروط السنيوة خطوة خطوةمقروط السنيوة خطوة خطوةمقروط السنيوة خطوة خطوة

نقطعه مقروضات وننقشه ونزينه بالعقاش واللوز او حسب الرغبة

 

 

 

مقروط السنيوة خطوة خطوة

ندخله للفرن على 180درجة ونخليه يطيب لان سر نجاحه في الطياب مالازمش يبقى اخضر من الداخل

 

بعد ما نخرجه من الفرن نسقيه وهو سخون بالعسل مخلط مع شوية ماء الزهر لازم العسل بارد والمقروظ سخون ونخليه يتشرب

 

انا استعملت حوالي 750غ 

 

 

 

 

مقروط السنيوة خطوة خطوة

بعد مايبرد ويتشرب العسل اذا لقيته ناقص عسل نزيدله

بعدها نقطعه ونقدمه بالصحة والهناء

 

 

 

 

 

 

مقروط السنيوة خطوة خطوةمقروط السنيوة خطوة خطوةمقروط السنيوة خطوة خطوة

عن قرب امممممممم

 

 

مقروط السنيوة خطوة خطوة
مقروط السنيوة خطوة خطوة
مقروط السنيوة خطوة خطوة

ملاحظة:

 

قياس البلاطو المستعمل 24على 28سم والكيلة هي كاس بحجم 250غ

العسل نخففه بكمية قليلة من ماء الزهر وكميته العسل على حساب حجم البلاطو

من الاحسن الحشو مانوصلوش لحواف الصينية حتى لا يحترق

الطياب على نار متوسطة حتى يطيب من الداخل حوالي 45د او اكثر على حسب الفرن

 

 

 

ان شاء الله تجربوه  لان ساهل وذوقه رهييييييب

 

غتالياتي انا بحاجة لدعائكن لابنتي اماني بالنجاح وبتيسير الامور جزاكن الله كل خير

 

 

تم بحمد الله

 

 

 

 

Partager cet article

Commenter cet article

ام مروة 13/04/2016 12:13

اختي سلام معليش تقليلي إلى جربتي هذآ مقروط بتمر وهل يجي شباب ولا مقروط مقلى يجى شباب بتمر أكثر جوبيني رابي يحفظك لولاد ك

oul fateh 25/02/2016 13:45

wech ngoulek ya lala w zidek nour 3ala nour ya rabi w yfarahek bawaldek

ام مروة 19/02/2016 17:59

الله يعطيك الصحة اختي الغالية الله يعطيك واش تاتمني أن شاء الله راح انجربو أن شاء الله با كتي بي بركته ارحمان

nawel 23/12/2015 10:39

السلام عليكم اختي ...متابعة لك مند فترة و مشكورة على كل هذه الوصفات فقط اريد تنبيهك لنقطة لماذا لا تضعي على الأقل مصدر الوصفة و خاصة هذه الوصفة و ووصفة المنقوشة لربما اصحابها مش مسامحين لأني اعرف من أول من حطهم على الفايسبوك أو المدونات ..و جزاك الله خيرا

ام اماني 12/04/2016 10:00

وانا اخر واحدة حطيتها ههههه شكراااا على المعلومة

lllll 10/04/2016 19:33

ام طارق اول وحدة حطتها

فاطي سافي 16/12/2015 15:12

روعة ماشاء الله يعطيك الصحة حبيبتي

فاطي سافي 16/12/2015 15:12

روعة ماشاء الله يعطيك الصحة حبيبتي

Hamdi 07/12/2015 13:59

Bjr oum amani wawwwwwwwww vraiment chapeau un cordon bleu yatik essaha tes recettes bien expliquees venant d'une personne tres genereuse merci bcp pour touts ces merveilles bravo wahiba khenchela 40

ام اماني 08/12/2015 08:37

merci bcp wahiba

lima 03/11/2015 21:57

تبارك الله عليك

فقيرة الى الله 22/09/2015 18:44

واش نقلك يا اخيتي جزاك الله خيرا ان شاء الله كل ما تقديمينه يكون في ميزان حسناتك ياغالية ربي عيشك ويخليك لاهلك ويخليلك اهلك يا اختي والله وبدون مجاملة ما شاء الله على اطباقك معظم كل اطباقك جربتها احسن الله اليك دمتي لنا.

om tesnim 21/09/2015 19:02

waw rebi ykhalik nmout 3la les recettes diyawlek kamal nadjehin ma sha lah rebi yahfadlek bentek nshallah w yeftahalha kol biban lkhir ya rab

مليكة 07/09/2015 16:29

وين غبت علينا و أين جديدك نحن في انتظارك لا تبخلي علينا عهدناك كريمة

زهرة 23/07/2015 06:58

السلام عليكم الاخت العزيزة أم أماني

جربت في هذا العيد بعض وصفاتك و كالعادة كانو في قمة الروعة. أحضرت صابلي البيضة و مقروط السنيوة و غريبية الكاكاو و و الكورني بالقوفريط و بنيون بوصفتي و لكن بديكورك هههه

المهم جزاكي الله كل خير دائما على ابداعاتك و ربي يحفظك و يحفظ وليداتك و يرزقك الجنة

زهرة 31/05/2015 03:02

السلام عليكم

بارك الله فيكي. شكلها رائع ما شاء الله و ناوية ان شاء الله نجربها

ربي يجزيكي كل خير و ينجح اماني و يحفظها هي و جميع أولاد المسلمين

ام اماني 31/05/2015 11:47

بارك الله فيك اختي على هذا المرور الطيب اتمنى ان تنال وصفاتي اعجابك

rymou2011 29/05/2015 10:21

ربي يجازيك كل خير و ان شاء الله تفرحبي بنجاخ اماني و تكون ذريتك من الصالحين.

Myriam 27/05/2015 18:32

والله تحفة شكرًا جزيلا و يا رب تنجح أماني و يجعلها بارة بيك و بأبوها و تشوفيها في أعلى المراتب آمين يا رب العالمين

ام رياض 27/05/2015 17:23

شكرا على هده الوصفات الرائعة ربي يحفضك

ayaasma 27/05/2015 16:58

متدهنيش البلاطو بالسمن

ام اماني 03/06/2015 21:11

اهلا غاليتي

لا ماتدهنيش السنيوة بالسمن لان العجينة مبسسة مليح

ayaasma 27/05/2015 16:54

سميد متوسط ولا رقيق اختي ام اماني ربي يجازيك

ayaasma 27/05/2015 16:50

روعة اختي ام اماني ربي ينجحلك اماني ياااااارب وخليهالك

hadjer 27/05/2015 16:50

ما شاء الله ربي يحفضك و ينجحلك اماني و يسرلها امورها امين

فاطي سافي 27/05/2015 15:12

بسم الله ماشاء الله مبدعة حقا يعطيكي الف عافية حبيبتي