Overblog
Suivre ce blog
Editer l'article Administration Créer mon blog
مدونة ام اماني للطبخ

بيتزا الكسكاس

23 Mai 2015 , Rédigé par ام اماني Publié dans #سلطات و مقبلات

بسم الله الرحمن الرحيم

البيتزا من الاكلات المحببة عند الجميع خاصة الصغار ومن الاطباق  المطلوبة خاصة في فصل الصيف

جبتلكم اليوم بيتزا مختلفة على البيتزا المتعاودين عليها بدل طهيها في الفرن نطهيها فوق الكسكاس والنتيجة روووووعة

لان البيتزا تكون رقيقة ومقرمشة اممممممممم

ولا تحتاج الا لعدة دقائق وتكون جاهزة يعني اسرع منها مافيش

من دون اطالة نخليكم مع الوصفة واكيد بالنسبة للعجينة كل اخت ووصفتها المتعودة عليها انا استعملت عجينة العشر دقائق

 

 

 

 

بيتزا الكسكاس
بيتزا الكسكاس

الطريقة

تحضير الصلصة

في طنجرة نحط الماء يغلي ناخذ حبات الطماطم نملها علامة إكس من الاسفل بواسطة السكين ونحطها في الماء المغلي لمدة دقيقة لتسهيل تقشيرها

من بعد نقلي البصل مع سنينات ثوم وشوي زيت نضيف الطماطم ورقة رند الملح فلفل حار او هريسة وكمية قليلة من الفلفل الاسود و ملعقة كبيرة سكر ونخليها حتى تطيب بعد ما نطفي عليها نضيف الزعيترة والاعشاب الخاصة بالبيتزا ونرحيها بالميكسور

الان نقوم بتحضير العجينة

نضع كاس فرينة كاس حليب دافي 5 ملاعق زيت ملعقة كبيرة سكر ملح لي تحب تضيفلها ملعقة كبيرة كريمة فريش و ملعقة كبيرة خميرة الخبزاذا كانت متوفرة ونحرك بالفوي وسنتحصل على عجينة سائلة نغطيها لمدة 10 دقائق 

بعدها نضيفلها الفرينة حتى نتحصل على عجينة طرية نغطيها ونخليها تختمر بعد ذلك نقسمها الى عدة كويرات على حسب حجم الكسكاس ونبدأ في تشكيل البيتزا

نقلب الكسكاس ونحطو يسخن على نار هادئة

بيتزا الكسكاس

نبسط العجينة تكون رقيقة 

بيتزا الكسكاس

نثقبها بالشوكة ونحطها فوق الكسكاس

بيتزا الكسكاس

اذا ظهرت فوقها الثقوب نهبطها باليد حتى لا تحترق كي نقلبها

غير تتحمر شوي من الاسفل نقلبها

 

 

حذاري

راهي تتحمر بسرعة 

بيتزا الكسكاس

نضع فوقها كمية من صلصة الطماطم ثم نضع الجبن و التونة كل اخت والشيء المتوفر عندها

  

بيتزا الكسكاس

لازم نعسها راهي تطيب بسرعة

وتمتعوا باروع بيتزا على الاطلاق

شوفو شحال رقيقة ومقرمشة اممممم رووووعة
شوفو شحال رقيقة ومقرمشة اممممم رووووعة

شوفو شحال رقيقة ومقرمشة اممممم رووووعة

 

ان شاء الله تعجبكم و تجربوها في امان الله

 

 

ملاحظة

من الافضل استخدام كسكاس قديم لان الجديد راح يتحرق

تم بحمد الله

Partager cet article

Commenter cet article

ام معاذ 09/12/2015 11:54

الله الله علي الابداع يا ام الابداع

شركة التنظيف 21/10/2015 11:00

thx

شركة نقل عفش بالرياض

sarah 10/08/2015 20:22

يعطيك الصحة ام اماني انا وامي ديما ندعولك ربي يوفق اماني ويسترها ويحفظلك كل عزيز غالي
دمتي بحب

ميمي 20/06/2015 18:53

رووووووووووووووووووووووعة

الطبخ الجزائري الشاوي 25/05/2015 20:39

مبدعة دائما

Myriam 25/05/2015 07:42

راني جربتها البارح للعشاء و جات روعة يعطيك الصحة على الوصفة

Rahma 24/05/2015 17:04

شكرا شكرا الله يعطيك الصحة

Myriam 23/05/2015 23:52

4444444

Myriam 23/05/2015 22:23

فيه عندي طلب إذا ممكن كان وحد الخبز عملتيه يجئ على شكل زهرة إذا ممكن تشرحيلي طريقة تشكيله و أيضاً مرة حطيتي حلوة اسمها مربعات الكيري برك إذا ممكن طريقة تحضيرها علا بالي كثرت ولكن انتي كريمة و احنا نستاهلو شكرًا جزيلا في كل الأحوال

ayaasma 23/05/2015 22:21

يعطيك الصحة وصفاتك روعة

ayaasma 23/05/2015 22:21

يعطيك الصحة وصفاتك روعة

Myriam 23/05/2015 20:27

واش هذا النشاط يعطيك الصحة ان شاء الله نجربها و نرد لك الخبر