Overblog
Suivre ce blog
Editer l'article Administration Créer mon blog
مدونة ام اماني للطبخ

حلوى السلطانيات

6 Mai 2015 , Rédigé par ام اماني Publié dans #حلويات

السلام عليكم غالياتي
المقادير:
العجينة:
3كيلات فرينة
كيلة الا ربع زبدة التوريق ذايبة وباردة
ملعقة صغيرة فاني
ماء+ماء الزهر لجمع العجينة
ملون ابيض+ملون بني
الحشو:
3كيلات لوز مرحي رقيق
كيلة ناقصة شوية سكر احرش
م ك قشور ليمون
ملعقة صغيرة فاني
بيض
ملون بني
نحتاج ايضا الى
كمية من اللوز مرحي خشن
بياض بيض
حبات بندق
ناباج
للتعسيل :نحتاج الى
كيلة عسل+كيلة شربات
الطريقة:
اولا نحضر العجينة
في وعاء نحط الفرينة والفاني وزبدة التوريق ذايبة وباردة نحرك بالاصابع جيدا نقسم العجينة الى قسمين جزء نضيفلو م ص من الملون الابيض نتاع الميزان في شوية ماء الزهر ونلم العجينة بالماء وماء الزهر لازم تكون العجينة متماسكة
ام القسم الثاني نضيفلو ملون بني مذوب في شوية ماء الزهر ونلم العجينة بالماء وماء الزهر نغطي العجينة ونخليها ترتاح
ثانيا نحضر الحشو نخلط اللوز+السكر+زاست ليمون+فاني+ملون بني مذوب في القليل من ماء الزهر ونضيف البيض تدريجيا حتى نتحصل على عجينة متماسكة وهذي نقطة مهمة
نحتاج ايضا الى هذا القطاعات لتشكيل الحلوى



ناخذ الحشو ونشكل كويرات بحجم 23غ حتى نكمل الحشو


من جهة نرش طاولة العمل بالمايزينا ونبسط العجينة بالحلال ونرققها في الماشية حتى الرقم ماقبل الاخير
بواسطة قطاعة نقطع دوائر


ناخدكويرات الحشو نحطهم في بياض البيض ثم في اللوز المرحي خشن ندهن الدوائر لي قطعنا ببياض البيض ونحط كويرات اللوز


نبسط العجينة البنية ونفوتها في الماشينة كيما عملنا مع العجينة البيضاء وبواسطة القطاعات نشكل وريدات 2بني وواحدة بيضاء


نحط الوريدات فوق كويرات اللوز من الاكبر الى الاصغر وندهن بينهم ببياض البيض في كل مرة
ناخذ حبة بندق ونزين في وسط الوريدات



وهكذا حتى نكمل الحلوى وماننساش نحط ورق الطبخ للبلاطو قبل مانحط فوقه الحلوى


نغطي الحلوى ونخليها ترتاح على الاقل 4 ساعات من بعد نطهيها في فرن على نار هادئة من فوق ومن تحت مع مراقبة الطهي لازم يبقى لونها ابيض
التعسيل:
نحضر شاربات نحط كيلة سكر+كيلة ونصف ماء على النار لمدة 15د
بعدها نخلط كيلة شربات مع كيلة عسل ونعسل الحلوى


نحطها تقطر وندهنها بالناباج ونحطها في لي كيسات ونقدمها وهذا شكلها النهائي




نتمنى تعجبكم الحلوى ولاتنسوني غالياتي من صالح الدعاء ولكن بالمثل
في امان الله
ملاحظة:
1.كي نشكل الدوائر ندهنهم من فوق بالبيض ونحط كويرات اللوز ونزيد ندهن بالبياض ونحط الوريدات وكل مانحط واحدة ندهن ببياض البيض
2.ممكن نعوض الملون البني بالكاكاو



حلوى السلطانياتحلوى السلطانياتحلوى السلطانيات
حلوى السلطانياتحلوى السلطانيات
حلوى السلطانياتحلوى السلطانياتحلوى السلطانيات
حلوى السلطانياتحلوى السلطانيات

Partager cet article

Commenter cet article

أم أنس 04/03/2016 10:11

أختي يعطيك الصحة وجزاك الله كل خير..حابة نخدم الحلوى هذي فإذا ممكن تخبريني قداه مدة الاحتفاظ به دون ما يتبدل الذوق تاعو ونحتفظ بيه خارج الثلاجة ؟؟
أرجو أنك تجاوبيني بسرعة لأني رايحة نخدمو اليوم أو غدا الله يسترك.. وشكرا

ام اماني 04/03/2016 12:17

اختي مبروك عليكم ربي يكمل بخير
ممكن نحتفظ بها لمدة اسبوع او اكثر كما الدزيريات هي ذوقها مايتبدلش لكن ممكن تبس لذلك من الاحسن احتفظي بها في الثلاجة

هبة 24/02/2016 15:10

هل يمكن استبدال اللوز بالكاوكاو ؟؟؟؟؟؟؟؟؟؟؟؟؟؟ظ ارجو الاجااااااابة مستعجلة

ام اماني 26/02/2016 08:37

اكيد اختي لكن بذوق اللوز احسن

Khadidja 11/02/2016 18:57

السلام عليكم
شكرا جزيلا على مجهوداتك ووصفاتك ناجحة 1000% و سهلة
عندي سؤال بخصوص هذه الحلوى 1 كغ من اللوز شحال يديرلي من حبة لانو راني حابة ندير 220 حبة معرفتش شحال يلزملي من كغ لوز و البندق
ارجوك اذا ممكن تساعديني و شكرا مسبقا

ام اماني 16/02/2016 09:13

اهلا اختي خديجة
اختي اسمحلي مانتذكرش بالضبط لاني عندي مدة ملي عملته لكن مايقطعش بزاف نظن كيلو لوز يقطعلك 40حبة اما البندق تحتاجي كمية قليلة فقط للتزيين