Overblog
Suivre ce blog
Editer l'article Administration Créer mon blog
مدونة ام اماني للطبخ

خبز إقتصادي بدون زبدة و لا بيض

6 Mai 2015 , Rédigé par ام اماني Publié dans #معجنات

بسم الله الرحمان الرحيم

اللهم صل وسلم وبارك على سيدنا اشرف خلق الله محمد عليه افضل الصلاة وازكى التسليم
اما بعد

اخواتي كلنا نبحث عن الوصفات الاقتصادية والمضمونة وان شاء الله وصفة اليوم تعجبكم وتجربوها وهي عبارة عن بريوش اقتصادي من دون زبدة ولابيض والنتيجة مذهلة

بدون اطالة نخليكم مع الوصفة بالخطوات المصورة كالعادة.

المقادير:

380غ فرينة
250مل حليب دافيء
70مل زيت
60غ سكر
نصف م ك فاني
م ك خميرة الخبز
5غ ملح

الطريقة

اولا نحط الخميرة مع الحليب الدافيء ونخليها تختمر من 10الى15د

من جهة في جفنة نحط الفرينة والسكر والفاني والملح



نضيف كمية الزيت

نحرك ونجمع بخليط الحليب والخميرة لي خليناه يختمر حتى نتحصل على عجينة طرية اذا كانت تلتصق كثير بالايدي نضيف شوية من الفرينة هذا يرجع لنوعية الفرينة المستخدمة.
نعجن العجينة حوالي 10د باليد واذا استخدمت العجانة حوالي5د فقط انا هذا المرة عجنت باليد لان ساهل وماياخذش وقت طويل في العجن.
نغطي العجينة ونخليها تختمر

في هذا الوقت نحضر المول لي راح نطيبوه فيه ممكن نستخدم اي شكل انا استخدمت هذا



ندهن الجوانب بالزبدة وفي الاسفل نحط ورق الزبدة

بعد ماتختمر ويتضاعف حجمها نخرج الهواء منها ونقسمه الى عدة كويرات انا عملت 12 كويرة ونحطهم بجانب بعض ونخلي شوية مسافة بين الكويرات هكذا




نغطيها ونخليها تختمر للمرة الثانية شوفو كيفاه تضاعف حجمه


ندهن البريوش بالحليب انا استخدمت الحليب السائل وضفت له شوية حليب بودرة حتى نتحصل على لون راااائع

ندخله لفرن مسخن مسبقا على 180لمدة 25د طبعا كل اخت والفرن لي عندها نشعل عليه من الاسفل وكي يطيب نعاود نشعل عليه من فوق

وهذا شكله بعد ماطاب شوفو لونه هايل والريحة ما نحكيش



نسيت نقولكم في نص الطياب عاودت خرجت البريوش من الفرن ودهنته للمرة الثانية بالحليب باه لون يخرج شباب

ننزعه من المول ونحطه على مشبك يبرد ونرش عليه السكر الرطب وهذا شكله



شوفو شحال طالع



وهذا شكله من الداخل هشوش وخفيف



ان شاء الله تجربو الوصفة لانها فعلا تستحق التجربة

في امان الله

خبز إقتصادي بدون زبدة و لا بيضخبز إقتصادي بدون زبدة و لا بيض
خبز إقتصادي بدون زبدة و لا بيضخبز إقتصادي بدون زبدة و لا بيض
خبز إقتصادي بدون زبدة و لا بيضخبز إقتصادي بدون زبدة و لا بيضخبز إقتصادي بدون زبدة و لا بيض
خبز إقتصادي بدون زبدة و لا بيضخبز إقتصادي بدون زبدة و لا بيض

Partager cet article

Commenter cet article

أم محمد 13/12/2015 10:27

صباح الخير يا وجه الخير...أم أماني العزيزة جربت البارح هذا البريوش جاني روعة بصح اللون ما جانيش كيفك زعما درت العفسة تاعك تاع الحليب المهم قارنت بريوشي مع تاع الكريم فراش تاعك بعد اللي جربتو من قبل....جاني تاع الكريم فراش خير في البنة و الشكل....المهم فرحت بروحي و شبعت فرحة و أولادي عجبهم و زوجي فرح بيا حتى وليت نرقي في روحي من العين هههه و هذا بفضلك ربي يوفقك و يهنيك ان شاء الله

ام اماني 14/12/2015 09:54

اهلا بالغالية ام محمد

بصحتكم ويعطيك الصحة يا الشاطرة


اكيد البريوش بالكريم فراش احسن لكن في بعض الاحيان بعض المكونات تكون ناقصة كالزبدة والكريم الفريش هنا نحضر ه بالزيت