Overblog
Suivre ce blog
Editer l'article Administration Créer mon blog
مدونة ام اماني للطبخ

حلوى2015

1 Mai 2015 , Rédigé par ام اماني Publié dans #حلويات

بسم الله الرحمان الرحيم



كيف حالكن غالياتي ان شاء الله الكل بصحة وعافية.

بما اننا في موسم الاعراس والمناسبات جبتلكم حلوى جديدة هاااايلة تشد اليد لازمها خاطر طويل لكنها تستاهل لان شكلها رااائع وفكرة تشكيلها جديدة على الحلويات الاخرى.

بدون اطالة نخليكم مع الوصفة بالخطوات المصورة

http://






العجينة:

3كيلات فرينة
نصف كيلة زبدة توريق ذايبة وباردة
م ك فاني
رشة ملح
ملون ابيض نتاع الميزان
ماء الزهر

الحشو:

3كيلات لوز مرحي رقيق
كيلة ناقصة شوية سكر
بيض
قشور ليمون
ملون وردي

للتزيين:

عجينة اللوز الاصطناعية
ملون وردي واخضر
لماع فضي
للتعسيل:
كيلة شربات سبق وحطيت طريقتها في مواضيع سابقة
كيلة عسل اصطناعي

الطريقة:


اولا نحضر العجينة

نحضر العجينة
نخلط الفرينة مع زبدة التوريق ورشة الملح والملون الابيض والفاني ونحكها مليح من بعد نفوتها في سيار يكون رقيق حتى نتفادى ظهور حبيبات فيها ونلمها بماء الزهرنضيف بالشوية حتى نتحصل على عجينة متماسكة لازم تكون شادة روحها حتى يسهل تشكيلها نغلفها بورق الشفاف ونخليها ترتاح.
من جهة نحضر الحشو

نخلط اللوز مع السكر والواست والفاني ونلم بالبيض حتى نتحصل على عجينة متماسكة نعجنها شوية حتى يذوب السكر نغطي الحشو بورق الشفاف ونخليه يرتاح على الاقل 3 ساعات.


http://


نقسم العجينة على اثنان

القسم الاول نعمل به مستطيلات

نرقق العجينة شوية بالحلال من بعد نفوتها في الماشينة حتى الرقم 7 يعني لازم تكون رقيقة لان راح نروليها باه كي نطيبها ماتبقاش معجنة

من بعد نقطع مستطيلات 12على 4سم
من جهة نوزن الحشو 25غ و نبسط الحشو على ورق الزبدة بنفس القياس يعني 12على 4سم

http://



ندهن العجينة ببياض البيض ونحط الحشو من فوق

http://



نروليها بالطول

http://


ونكمل نفس العملية مع باقي الحشو

http://



الان نكمل تزيين الحلوى بالقسم الثاني من العجينة

نحتاج الى مول السليكون نتاع المادلان الحجم الصغير

http://


نبسط العجينة بالحلال ثم نفوتها في الماشينة حتى الرقم 6 مالازمش تكون رقيقة بزاااف حتى نقدر نشكلها

بواسطة مول دائري قطره من 7الى 8سم نقطع دوائر

http://


بالفرشاة نحط فوقهم الناكري الفضي

http://



ونحط الدائرة داخل مول المادلان على الجهة لي فيها الملمع

http://



ونحط داخلها مول اخر ونضغط مليح حتى تصبح مشرشفة يعني بليسي

http://



http://


الان بواسطة مول صغير او بوشون نتاع قارورة نقطع دائرة صغيرة في القاعدة نتاع العجينة لي حطيناها في المول حتى ندخل المستطيل لي حضرناه في المرحلة1 ونلصق ببياض البيض

الصورة توضح اكثر

http://




http://




نفس الخطوة نعملها من الجهة المقابلة من المستطيل يعني لكل مستطيل نحتاج زوج دوائر حتى نتحصل على هذا الشكل

http://



بعد مانكمل كامل الحلوى نحطها في صينية بها ورق زبدة ونخليها ترتاح ليلة كاملة ضروري ترتاح حتى تبقى محافظة على شكلها

بعدها نطيبها على 150د لازم تبقى محافظة على لونها الابيض

نعسلها في خليط الشاربات والعسل الاصطناعي يكون دافيء ونحطها تقطر على مشبك

بعدها نزينها بعجينة اللوز في المنتصف حتى نغطي الفراغ الموجود في المنتصف وايضا راح نضيف للحلوى جمالية اكثر ونرشها بشوية ملمع فضي من بعد نحطها في ليكيسات ونقدمها

وهذا شكلها النهائي

http://



http://



شكلها من الداخل

http://



صراحة رووووعة

http://



http://



ان شاء الله تعجبكم الحلوى وتجربوها في افراحكم ومناسباتكم السعيدة ربي يدوم الفرحة في بيوتكم

ولا تنسوني اخواتي من صالح الدعاء تعبت بزاف في تحميل الصور لان النت ثقييييلة

في امان الله


حلوى2015حلوى2015
حلوى2015حلوى2015حلوى2015
حلوى2015حلوى2015

Partager cet article

Commenter cet article

hadjer 16/08/2015 19:20

السلام عليكم
يعطيك ألف صحة الأخت أم أماني وصفاتك كلها رائعة و ناجحة وما شاء الله عليها ودائما نخدم عليك
ربي يحفضلك أماني ويخليها تتربى في عزك

ام اماني 16/02/2016 09:02

الحمد للله هذا بفضل الله ربي يبارك في رزقك يااارب
حبيبتي بالنسبة للدزيؤيات الايام القادمة باذن الله نعملها ونصور الخطوات هي سهلة فقط لازم تكوني تعرفي تقرصيها ملييييح

ام انس 12/02/2016 03:00

السلام عليكم أم أماني ربي يعطيك ما تتمناي والله غي نتي سبب نجاحي في مشروعي الصغير لي بديتو راني نصنع حلويات ونبيعهم واتبع كل وصفاتك خطوة بخطوة وناجحة من اول مرة ربي يجازيك كل خير فقط إذا أمكن تحطيلنا وصفة الدزيريات حبيبتي مشكورة