Overblog
Suivre ce blog
Editer l'article Administration Créer mon blog
مدونة ام اماني للطبخ

قاطو المنقوشة

29 Avril 2015 , Rédigé par ام اماني Publié dans #حلويات

بسم الله الرحمان الرحيم


السلام عليكم اخواتي

كيف حالكن غالياتي ان شاء الله الكل في تمام الصحة والعافية

قبل وضع الوصفة بالخطوات استسمحكن بوضع الصور تباعا لان عندي مشكل في وضع الصور في هذا المنتدى

بالمناسبة نشكر الغالية ام كوثر على المساعدة جزاها الله كل خير

حلوى اليوم حلوى جديدة عملتها عدة مرات روووووعة تشبه نوعا ما في البقلاوة كاين لي يسميها المنقوشة لان

ننقشها وكاين لي يسميها بالبقلاوة مودرن لانها تشبه في البقلاوة الى حد كبير واسهل منها لا نحتاج الى طبقات

كثيرة فقط طبقة من الاسفل ونحط الحشو ثم طبقة علوية وننقشها.

من دون اطالة نخليكم مع الوصفة








المقادير:

العجينة

250غ مرقرين ذايبة وباردة

500غ فرينة

بيضة صغيرة واذا كانت كبيرة نعمل نصفها

رشة ملح

فاني

كمية قليلة من ماء الزهر نلم بها العجينة


الحشو:

رطل لوز مرحي متوسط كما نتاع البقلاوة ممكن نعوضه بالكاوكاو هنا اللوز اوالكاوكاو ندخلهم للفرن سخون يتحمصه غير شوية لازم يبقى لونهم ابيض

2 م ك جلجلانية محمصة

نص كاس سكر احرش

كمية قليلة من ماء الزهر

التعسيل:

رطل عسل

ماء الزهر

الطريقة:

نحط الفرينة ونفرغ عليها كمية المرقرين لي ذوبناها وخليناها تبرد نضيف رشة ملح والفاني




نبسس الفرينة جيدا بالمرقرين ونجمعها بالبيضة وكمية قليلة من ماء الزهر نلمها بلا مانعجنها

نقسما الى قسميين متساويين ونغطيها ونخليها ترتاح


في هذا الوقت نحضر الحشو

نخلط اللوز مع السكر والفاني والجلجلانية




نضيف ماء الزهر غير بالملعقة ونخلط لازم الخليط يكون مرمل مايكونش جاري هكذا







بواسطة الحلال نبسط الكويرة الاولى فوق ورق الزبدة او كيس بلاستيكي هكذا تكون رقيقة شوية




ناخذ سنيوة دائرية ومن الاحسن بلاطو صغير انا استعملت بلاطو 28في 24سم

ونحط الطبقة الاولى ونعدلها جيدا



نحط الحشو ونسويه غير بالشوية




نبسط الكويرة الثانية ونحطها فوق الحشو دائما نستعين بورق الزبدة او البلاستيك الغذائي





نقطع الزوائد ونضعط على الاطراف




نقطع الحلوى الى مستطيلات 3على 7سم ولي تحب مربعات ممكن لكن مستطيلات تجي احلى

هنا نستعمل سكين يكون رقيق باه الحشو مايخرجش




بواسطة النقاش ننقشه كل حبة على حدى

بالنسبة للنقاش كاين عدة انواع انا كل مرة نستعمل نوع

هنا استعملت العادي




وهنا استخدمت نقاش على شكل حرف S



نغطي الحلوى ونخليها ترتاح عدة ساعات وممكن ليلة كاملة حتى تحافظ على شكلها

من بعد نطيبها في فرن 180د لمدة 40د لازم نراقبها في الفرن مالازمش تتحمر لان اذا تحمرت الحشو يبس لذلك ننصحكم ماتغفلوش عليها

بعد خروجها من الفرن نعسلها بالعسل لي نكون ضفتلو شوية من ماء الزهر ونزينها بكمية من الجلجلانية ومن الاحسن مانقطعهاش نخليها تبات وتتشرب العسل

بعدها نقطعها ونقدمها





عن قرب اممممم شوفو كيفاه معسلة وتذوب في الفم




هنا صورتها من البلاطو اذا تلاحظو راهي طابت شوية بزيادة lمن فوق راكم تشوفو الحشو راح يتغير لونه لذلك ننصحكم راقبوها وماتغفلوش عليها اثناء الطهي





تم بعون الله

نتمنى نشوف ردودكم الطيبة لاني تعبت في تحميل الصور



في امان الله



قاطو المنقوشة

Partager cet article

Commenter cet article

Nina 21/07/2015 17:29

Merci pour la recette on apprent boucoup de vous chaallah tkoun fi mizane el hassanet

نسمة البسكرية 28/06/2015 19:01

مافي صور