من مطبخي ليبيني بالكريم باتيسيير بالخطوات

السلام عليكم اخواتي
اليكم وصفة ليبنيي بالكريم باتسيير ساهلة وذوقها راااائع

http://

المقادير:

300غ فرينة
2بيضات
30غ زبدة
نصف ملعقة صغيرة ملح
م ك سكر رطب
م ص فاني

لتخمير هذا العجينة نحتاج الى

30غ فرينة+م ك سكر+م ك خميرة الخبز+100مل حليب دافيء نخلط هذا المقادير مع بعض ونخليها تختمر لمدة10د

من جهة نخلط بالفووي البيض مع الزبدة المذابة ثم نضيف الخليط لي خليناه يختمر نحرك
ونضيف باقي المكونات:م ك سكر رطب+ملح+فرينة حتى نتحصل على عجينة اذا كانت تلتصق بالايدي بزاف ممكن نضيفلها شوية فرينة ونعجنها لمدة 10د

نغطيها ونخليها تختمر
من بعدها نرش طاولة العمل بالفرينة ونبسط العجينة ونقطع دوائر بواسطة مول دائري

http://

نغطيها ونخليها تخمر جيدا وهذا شكلها بعد الاختمار

http://

نسخن الزيت جيدا من بعد نقصلها ونطيب بالحبة وكل مانحط حبة نحط فوقها الزيت بالملعقة حتى تتنفخ مليح
بعد مانطيبهم نحطهم فوق ورق ماص وهذا شكلهم بعد ماطابو

http://

نحضير لاكريم باتسيير:
250مل حليب
2صفار بيض
25غ نشا
50غ سكر
25غ زبدة
فاني
نحط الحليب يسخن مع السكر
نحرك صفار البيض مع النشا والفاني ونضيفلهم كمية من الحليب الساخن ونحرك بسرعة
من بعد نحط هذا الخليط على الحليب ونحرك حتى نتحصل على كريمة مع اول غلية نطفي عليها ونضيفلها كمية الزبدة ونحرك

نغطيها ونخليها تبرد في الثلاجة

بعد مانطيب لبنيي نخليهم يبردو نفتحهم بالسكين ونحشيهم بالكريم باتسيير ونرش عليهم السكر رطب ونقدمهم وبالصحة والهناء على قلوبكم

http://

http://

عن قرب

http://

ان شاء الله تعجبكم الوصفة وتجربوها
في امان الله

Comments

[Myriam]

عملتو والله جاني هايل شكرًا

[ام اماني]

بصحتكم اختي

[Oum anes]

شكرا اختي ام اماني جربتو خرج روعة واولادي حبوه بزاف. ربي يعطيك ما تتمناي

[ام اماني]

شكرااا اختي ام انس على الثقة وبصحتك وصحة اولادك ربي يحفظهم

[Oum anes]

شكرا اختي ام اماني جربتو خرج روعة واولادي حبوه بزاف. ربي يعطيك ما تتمناي

[amel]

يعطيك الف صحة و عافية و يجازيك جربتو و خرجلي هايل خاصة انو كان عندي احباط لاني جربت دونوت و بريوش وصفة لاحدى السيدات خرجولي كارثة و الله البينيي نتاعك طلعلي المورال

[youla]

شكرا ام اماني على هاد الوصفات الرائعة جربتو جاني هايل ربي يحفظك و يعطيك ما تتمني