Overblog
Suivre ce blog
Editer l'article Administration Créer mon blog
مدونة ام اماني للطبخ

كيكة التوفي هااايلة حصريا من مطبخي

29 Avril 2015 , Rédigé par ام اماني Publié dans #حلويات

السلام عليكم اخواتي

جبتلكم اليوم كيكة التوفي رهييييبة ذوقها اكثر من راااائع هي عبارة عن كيكة فيها النواد كوكو وحليب غبرة محمص ونغطيها بكريمة التوفي اممممممم
وكريمة التوفي شكلها يشبه في نيسلي كرامليزي لكن ذوقها ذوق الكبريس وماتجيش حلوة بزاف كيما نيسلي
اذن نخليكم مع هذا الوصفة المميزة

http://



المقادير:

للقياس نستعمل كاس نتاع 250مل
5بيضات، نصف كاس سكر،نصف كاس حليب غبرة محمص،علبة ياؤورت طبيعي،ربع كاس زيت،كاس ونصف نواد كوكو وممكن نعوضه باي نوع من المكسرات،فاني،م ص خميرة الحلوى

لتحضير طبقة كريمة التوفي نحتاج الى

6م ك سكر،م ك ماء،200مل كريمة سائلة اي كريم فريش

اولا نحمص الحليب حتى ياخذ لون ذهبي

http://



نخلط معاه النواد كوكو والخميرة

بواسطة الخلاط الكهربائي نخلط البيض والسكر والفاني جيدا ثم نضيف الياؤورت الطبيعي تدريجيا مع الخلط ثم الحليب المحمص والخميرة والنواد كوكو واخير الزيت ونحرك راح نحصل على خليط سائل نوعا ما

ندهن مول مستطيل26على15سم بالزبدة
نفرغ فيها الخليط

http://



وندخله لفرن مسخن مسبقا على180درجة من 10حتى 15د وهذا شكل الكيكة بعد الطهي

http://



في هذا الوقت نحضر الكريمة
اسمحولي هنا ماحطيتش الصور لانها غير واضحة
نحضر الكراميل
نحط 6م ك سكر+م ك ماء على النار حتى يذوب السكر ويبدا يتغير لونه لازم يكون لون الكراميل فاتح نفرغ عليه200مل كريم فريش
انا استعملت هذا الكريمة السائلة

http://





نحطوه بالعقل ونحرك بسرعة وعلى نار ناقصة ونستمر في التحريك حتى نتحصل على كريمة
نفرغها على الكيكة بعد مانخرجها من الفرن وتكون بردت ونفرغ الكريمة عليها غير بالشوية

http://



نخليها تبرد من بعد ندخلها للثلاجة حتى تتماسك الكريمة نقطعها مربعات او معينات ونقدمها وهذا شكلها النهائي انا زينتها بشوية نواد كوكو

http://




http://



عن قرب اممممم

http://





نتمنى تعجبكم الكيكة وتجربوها لانها فعلا رااائعة
في امان الله




كيكة التوفي هااايلة حصريا من مطبخي

Partager cet article

Commenter cet article

ام لقمان رامي مارية 16/04/2016 06:23

بارك الله فيك أختي وجعلها الله في ميزان حسناتك

djida 14/04/2016 07:14

اختي الكريمة مشكورة على كل مجهوداتك

ام جواد 25/02/2016 12:19

يعطيك ماتتمناي ان شاؤالله