Overblog
Suivre ce blog
Editer l'article Administration Créer mon blog
مدونة ام اماني للطبخ

لكل المناسبات السعيدة صابلي روايال من مطبخي

29 Avril 2015 , Rédigé par ام اماني Publié dans #حلويات

بسم الله الرحمان الرحيم

السلام عليكم اخواتي الغاليات ان شاء الله الكل بصحة وعافية.

جبتلكم اليوم حلوى كنت عملتها في عرس سلفتي ربي يهنيها ويسعدها لعقوبة لكل العازبات ان شاء الله نفرحوا بهم كامل .

هذا الحلوى عبارة عن صابلي مزين بعجينة اللوز وصفة اقتصادية وتحمر الوجه قدام الضياف.


http://


المقادير:

250غ مرقرين
120غ سكر رطب
بيضة+صفار بيضة
كاس نشاء
نصف م ص خميرة حلوى
فاني
ملون بنفسجي
فرينة

للتزيين:

لاجولي
عجينة اللوز الاصطناعية
ملون بنفسجي ،اخضر،وردي،ابيض

الطريقة:

بواسطة الخلاط الكهربائي نخلط المرقرين مع السكر جيدا نضيف البيضة مع الصفار ونستمر في الخلط ثم الفاني والخميرة والنشا والملون البنفسجي ونلم بالفرينة
نغطي العجينة ونخليها ترتاح في الثلاجة لتسهيل بسطها

نرش طاولة العمل بالنشا احسن من الفرينة ونبسط العجينة ونقطعها دوائر

http://


ندخلها للفرن تطيب من بعد نلصق كل زوج حبات بالمعجون

الان نقوم بتزيين الحلوى

راح نحتاج الى طابع المعمول حجم صغير ومول السليكون على شكل عنقود عنب

http://



ناخذ كمية من عجينة اللوز نضيفلها ملون ابيض بواسطة الفرشاة نحط كمية من الملمع الفضي في مول المعمول ونحط عجينة اللوز راح نتحصل على شكل دائري قيس حبة الصابلي لي عملنا نحطها فوقه ممكن نلصقها بشوية من لاجولي حتى تتثبت جيدا

بعدها ناخذ لاجولي ونضيفله ملون بنفسجي ونحطه في الوسط

http://




ناخذ كمية من عجينة اللوز نضيفلها ملون وردي+ بنفسجي وكمية اخرى نلونها بالاخضر ونحطها في مول السليكون راح نتحصل على عنقود عنب نزين به حبات الصابلي
نحط الحلوى في ليكيسات ونقدمها

http://



شوفو شكلها ما احلاه

http://



عن قرب

http://



ان شاء الله تعجبكم الحلوى وتجربوها في افراحكم ومناسباتكم السعيدة ادام الله الفرحة في كل البيوت الجزائرية

ولا تنسوني من صالح الدعاء ولكن بالمثل



ملاحظة:

بالنسبة لعجينة اللوز نضيفللها كمية قليلة من الغلوكوز ونعجنها حتى تطرى اذا لقيناها تتلاصق بزاف نضيفلها كمية من اللوز يكون مرحي غبرة واذا ماكانش نضيفلها شوية نشاء

في امان الله



لكل المناسبات السعيدة   صابلي روايال من مطبخي

Partager cet article

Commenter cet article

Maya 17/03/2016 16:33

السلام عليكم الأخت أم أماني حفظك الله لقد قلت في الوصفة استعمال اللون البنفسجي بالنسبة للعجينة جربت الوصفة لكني رميت كل العجينة لأن اللون اصبح داكنا و ليس فاتحا كاللون الذي استعملته و لذلك أعدت صنع عجينة جديدة و لكني استعملت اللون الوردي فكانت النتيجة نفسها التي تحصلت عليها و لذلك انصح الأخوات اللاتي سيجربن الوصفة استعمال اللون الوردي للعجينة و تزيد من تركيز اللون حتى تتحصل عى النتيجة المثالية.