Overblog
Suivre ce blog
Editer l'article Administration Créer mon blog
مدونة ام اماني للطبخ

مقروط النقاش راائع شكلا و ذوقا

29 Avril 2015 , Rédigé par ام اماني Publié dans #حلويات

السلام عليكم اخواتي نتمنى تكونو كاااامل بخير
وصفة اليوم مقروط النقاش صراحة جربت عدة وصفات لكن هذا الوصفة كانت الاحسن على الاطلاق يجي يذووووب في الفم نخليكم مع المقادير والخطوات
المقادير:
3 كيلات سميد متوسط من النوع الممتاز انا نستعمل دائما سميد السفينة هايل للمقروظ
كيلة ونصف فرينة
كيلة معمرة مليح سمن ذايب وبارد
نصف كيلة زيت
ملح على حساب كمية الدقيق والفرينة نملح اقل من الكسرة بشوية
خليط من الماء وماء الزهر انا استعملت ثلاثة ارباع الكيلة على حساب نوعية الدقيق
الحشو
غرس منقي ومرحي نفوروه ونضيفلو 3م ك سمن ذايب+3 م ك عسل+نصف م ص خميرة الحلوى+شوية قرفة+القليل فقط من القرنفل مرحي وهذا الكمية لبلاطو صغير نمزج المقادير مع بعض ندهن يدي بشوية زيت ونشكل حرابش
الطريقة:
http://
هذا دقيق السفينة المتوسط يتباع بحجم1كغ هااايل للمقروظ
نخلط كمية السميد مع الفرينة والملح ونضيف السمن الذايب والبارد والزيت
http://
نخلط باليد راح يكون الخليط جاري شوية عادي نضيف كمية الماء وماء الزهر ونلم العجينة بلا مانعجنها
http://
نغطيها ونخليها ترتاح على الاقل ساعة
ناخذ كمية من العجينة ونضع بداخلة حربوش من الغرس
http://
نغلق عليه بالعجين ونشكل حربوش واذا كان طويل نقسم على اثنان لتسهيل العملية
http://
نقطع مقروضات ونستعمل طابع على شكل معين باه الحبات يجيو كيف كيف ولي ماعندهاش تقطع وتحاول يكون حجم الحبات متشابه
http://
وبواسطة النقاش ننقش من فوق
http://
نحط الحبات في البلاطو بجانب بعض باه ما يتحرقش الغرس
http://
ندخل للفرن يكون مسخن مسبقا على درجة حرارة200 درجةفي الرف الاوسط ونراقب الطياب
كي يطيب من الاسفل نهبطو للرف السفلي ونشعل من فوق حتى ياخذ لون ذهبي فاتح
بعدها نخرج من الفرن ونخليه يبرد تماما
نسخن العسل مع ماء الزهر ونشحر الكمية لي نحتاجها ونحتفظ بالباقي في علبة حتى لمدة طويلة وهذا شكله النهائي
http://


صراحة يجي هاااااايل ويذوب في الفم
ملاحظة
ممكن الكيلة تكون صغيرة نستعمل كأس مثلا ونجرب ويمكن نعملو بالطابع العادي بلا نقاش
نتمنى يعجبكم وتجربوه واكيد راح تدعولي
في امان الله

مقروط النقاش راائع شكلا و ذوقا

Partager cet article

Commenter cet article

Tema 20/11/2015 12:15

سلام الأخة أماني نشكرك على المجهودات لي راكي تقومي بيها الله يعطيك واش تتمناي تعلمنا منك و استفدنا من خبرتك ربي يجعلها في ميزان حسناتك حبيت نسألك أختي عملتي من قبل مقروط بالنقاش على شكل وردة اذا أمكن حطينا الوصفة

ام اماني 08/12/2015 09:03

اهلا غاليتي

هو نفس وصفة المقروط لي حطيته في المدونة فقط الشكل مختلف واي سؤال انا في الخدمة