Overblog
Suivre ce blog
Editer l'article Administration Créer mon blog
مدونة ام اماني للطبخ

قريوش بشكل جديد في قمة الروعة من مطبخي

29 Avril 2015 , Rédigé par ام اماني Publié dans #حلويات

السلام عليكم
كيف حالكم غالياتي نتمنى راكم كامل بخير
راني رجعت بعد غياب قصير وجبتلكم وصفة جديدة للقريوش وبشكل جديد روعة نتمنى ينال اعجابكم
المقادير
الكيلة المستعملة هي كاس نتاع 250مل
3كيلات فرينة
نصف كيلة نشاء
نصف كيلة سمن ذايب وبارد
صفار بيضة
رشة ملح،فاني ،م ص خميرة الحلوى
ماء+ماء الزهر
عسل وجلجلانية للتزيين
الطريقة:
نحط الفرينة مع النشاء ورشة ملح والفاني والخميرة والسمن الذايب والبارد ونفرك جيدا باليد ثم نضيف صفار البيضة ونفرك ومن الاحسن نسير الخليط في السيار هكذا نتاكدو ان ماكانش تكتلات وبعدها نلمها بالماء وماء الزهر حتى نتحصل على عجينة متماسكة نشكلها كويرات ونغطيها ونخليها ترتاح
http://


ناخذ كويرة نبسطها بالحلال ونرققها في الماشينة حتى الرقم ما قبل الاخير ومرة على مرة نرش شوية فقط من النشاء
http://


نطبقها كيما نعملو في العجينة المورقةالصور توضح اكثر
http://



http://



ونعاود نفوتها في الماشينة ونكرر نفس العملية وهذا لي يخلي القريوش مورق ويذوب في الفم
بعد ما نرققها نقطع بالجرارة مستطيلات كبار انا عملت العرض12سم ونقطع 24 خط بالجرارة ما تخلعوش ههههههه
http://


بعدها نحسب4 خطوط ونطبق
http://


ونكمل نحسب 4 خطوط ونطبق حتى نكمل ونتحصل على هذا الشكل
http://


نفتحها شوية في المنتصف
http://
ونقلب من الجهة العلوية فقط كما في الصورة
http://



http://


راح نتحصل على هذا الشكل هذي الطريقة الاولى
اما الطريقة الثانية
نطبق المستطيل على اثنان
http://


ثم نعاود نطبقو على اثنان ونعاود مرة ثالثة حتى نتحصل على الشكل السابق ونشكلو بنفس الخطوات
وكل ما نشكل حبة نغطيها حتى نكمل العجينة
بعدها نقليهم في زيت يكون سخون مليح والنار ناقصة ونقلي بالحبة وكل مانحط حبة نرمي عليها الزيت بالملعقة باه تتنفخ شوفو شكلها ما احلاه
http://


بعدها نحطهم يقطرو ويبردو ثم نعسلهم في عسل مسخن مع شوية ماء الزهر لازم يكون ثقيل شوية باه القريوش يبقى مقرمش ونزين بالجلجلانية محمصة

http://



شوفو شكلو رااائع والذوق اممممممممم

http://


نتمنى يعجبكم ونشوف تطبيقاتكم
لاتنسوني غالياتي من صالح الدعاء ولكن بالمثل
في امان الله

قريوش بشكل جديد في قمة الروعة من مطبخي

Partager cet article

Commenter cet article

ام مانينو 28/02/2016 16:57

بارك الله فيك

Myriam 17/02/2016 18:57

جربتو و لكن للأسف ما نجحتش فيه هدا ليامات نعاودو و نركز فيه اكثر ممكن لأني عملت الكلية صغيرة ( كاس تاع تاي) جناتي العجينة تنقطع مع أني ريحتها ليلة كاملة أكيد
مشكورة أختي ام اماني جزاك الله الف خير

ام اماني 18/02/2016 07:30

اختي الكيلة المستعملة هي كاس نتاع 250مل واذا حبتي اعملي نصف الكمية واقسمي المقادير على 2

dz.dz 11/02/2016 11:54

شكرا لك ام اماني لو ممكن رفع الصور مرة اخرى لانها اختفت وجزاك الله خيرا

saidani mamima 27/01/2016 14:26

je fans de vos recettes elles me reussies toujours veillez accepter mon abonnement

aux délices de lili 24/06/2015 14:03

salem, je vois beaucoup de recettes qui ressemble à mes publications!