Overblog
Suivre ce blog
Editer l'article Administration Créer mon blog
مدونة ام اماني للطبخ

تطبيقي لقلب اللوز بالبن من مطبخي

28 Avril 2015 , Rédigé par ام اماني Publié dans #حلويات

بسم الله الرحمان الرحيم

طبقت قلب اللوز باللبن للاخت ليليا وكانت النتيجة اكثر من رااااااائعة ربي يفرحها ويجازيها عنا كل خير
لذلك قلت نحط التطبيق مع الشرح والخطوات وهذا تلبية لطلب الاخوات


المقادير

6كيلات دشيشة الخاصة بقلب اللوز
3كيلات سكر
كيلة زيت
كيلة لبن
رشة ملح
فاني
رشة خميرة كيميائية

الشاربات

6كيلات ماء
3 كيلات سكر
قطرات من عصير الليمون
فنجال صغير ماء الزهر


الطريقة:

بالنسبة للكيلة المستعملة تعتمد على الصينية لي راح نطيب فيها قلب اللوز يعني اذا كانت الصينية كبيرة نستعمل كيلة كبيرة واذا صغيرة نستعمل كيلة صغيرة

نكيل الدقيق ونحط في الصينية ونشوف للارتفاع اذا شفناه مرتفع بزاف نقص في الكيلة واذا هابط نستعمل كيلة اكبر

http://





من بعد نحط الدقيق مع السكر والزيت ورشة الملح ورشة الخميرة الكيميائية وشوية فاني

http://



ثم نضيف كيلة من اللبن انا استعملت نتاع القارورة

http://



http://



نخلط المقادير غير بالاصابع راح نتحصل على هذا الخليط

http://


نضيف ماء الزهر غير بالشوية حتى يتكور في يدك يعني كي نحط كمية من الخليط في اليد ونحرك راح تتشكل عندي كويرة هذا يعني ان العجينة مليحة ماتحتاجش ماء زهر اضافي

http://




نغطي الخليط ونخليه يرتاح لمدة نصف ساعة

في هذا الوقت نحضر الشاربات

نحط السكر والماء مع قطرات ليمون على نار متوسطة ونحسب 10د من بداية الغليان ونطفي عليه ونضيف ماء الزهر

من بعد نشعل الفرن من الاسفل على 200د
ناخذ الصينية وندهنها بالزبدة ونحط الخليط في الصينية بلا مانضغط عليه
بواسطة ظهر ملعقة نعدله ونسقمه
ناخذ سكين ونشكل خطوط غير من فوق ونرشق حبات لوز

http://



ندخله للفرن ونخليه حوالي نصف ساعة المهم حتى نشوف الاطراف حمارت هنا نطفي من الاسفل ونشعل من فوق ونخليه حتى يتحمر ملييييح

من بعد نخرجه ونسقيه بالشربات مباشرة وهو سخون على مرة واحدة
http://



نعاود نرجعه للفرن وهو سخون ونغطيه بصينية اخرى ونخلي فتحة حتى مايعرقش

من الاحسن نخليه يبات من بعد نقطعه لكن مانظنش تصبرو عليه هذا المدة خخخخ اذن على الاقل نخليوه 6 ساعات يتشرب مليح الشاربات وهذا شكله بعد ماطاب

http://




هنا كنت عملتو بالدقيق نصف الغليط هايل لكن بالدشيشة احسن بكثير


http://




هذو السنيوات عملتهم لخواتاتي ربي يحفظهم

http://



http://



http://



شوفو كيفاه معسل وطري اممممم

http://




http://



نتمنى تجربوه خاصة ان شهر رمضان على الابواب

اللهم بلغنا رمضان

تطبيقي لقلب اللوز بالبن من مطبخي

Partager cet article

Commenter cet article

Myriam 17/02/2016 18:39

عملتو في رمضان لي فات و جاني تحفة والله و كي كنت نقرا فالوصفة و نطبق و الله و بدون مجاملة و كأنه كان معايا معلم يوريلي التفاصيل وصفاتك دقيقة جزاكي الله الف خير و

ام اماني 18/02/2016 07:33

شكرااا اختي والشكر موصول لصاحبة الوصفة الاصلية الاخت ليليا من منتدى الجلفة

mimistaifia 21/01/2016 12:48

ربي يعطيك الصحة والهناء راكي دائما متألقة بوصفاتك ولي مليح كثر ان وصفاتك تصلح معيا كي نديرها من اول مرة.
وحبيت نسقسيك هنا تقصدي باللبن الحليب؟

zinta 18/01/2016 13:51

thank you

ام اماني 20/01/2016 08:27

لا شكر على واجب فقط دعوة خير في الغيب