Overblog
Suivre ce blog
Editer l'article Administration Créer mon blog
مدونة ام اماني للطبخ

حلوى الملفوق بشكل جديد

28 Avril 2015 , Rédigé par ام اماني Publié dans #حلويات

السلام عليكم اخواتي
اولا اعتذر من الاخوات على الغياب بسبب انقطاع النت وفي بعض الاحيان بسبب انشغالاتي المهم نحاول نكون معاكم كل ماسمحت لي الظروف.

بما ان عيد الاضحى على الابواب اخترت لكم حلوى اقتصادية وبنينة سبق وحطيتها موضوع وهي حلوى الملفوف لكن هذا المرة بشكل جديد رائع مع تعديل بسيط في الوصفة ومع الخطوات المصورة لان كاين بعض الاخوات لي جربوها ومانجحوش فيها وكاين لي جاتو صعيبة في عملها رغم انها سهلة اذا اتبعنا الخطوات.

http://



قبل مانحط مقادير العجينة نشرح اكثر
هذا الحلوى كي نعملها بزبدة ستار تجي احسن في الذوق لان كيما نعرف الزبدة بنينة على المرقرين ويمكن نعمل مزيج بين المرقرين والزبدة ولي ماعندهاش الزبدة تعملها بالمرقرين فقط
انا استعملت مزيج زبدة ومرقرين

http://

المقادير:

رطل فرينة
250غ مرقرين انا استعمات لابال
50غ زبدة ستار
100غ سكر رطب
نصف باكي خميرة
2 صفار بيض ونحتفظ بالبياض
5م ك حليب
م ص فاني
2 م ك نشاء
الحشو:
2كيسان نواد كوكو مرحي
كاس سكر رطب
3م ك كاكاو نوار
2بياض البيض لي كنا احتفظنا بيه من العجينة
كمية من الحليب
للطلاء
شكولة
للتزيين:
عجينة اللوز الاصطناعية
ملون ابيض
لماع فضي

الطريقة:

اولا نحضر ورقة التزيين لي تجي من فوق
ناخذ عجينة اللوز الاصطناعية نضيفلها شوية نشاء وكمية من الملون الابيض ونعجنها لازم ماتلصقش في اليد حتى يسهل تشكيلها
نفرش النيلون ونرش النشاء ونبسط عجينة اللوز وبالحلال وبواسطة طابع على شكل ورقة نشكل اورراق ثم لوي الورقةوهي طرية وحطيها تبس فوق ورق الزبدة من الاحسن نحضر الاوراق صباحا ونعمل بهم في المساء
هذا شكلهم

http://



الان نحضر العجينة

بواسطة الخلاط الكهربائي نخلط المرقرين+الزبدة+السكر جيدا نضيف صفار البيض +5م ك حليب نحرك ثم نضيف الفرينة والنشاء والخميرة ونلم العجينة دون عجنها

الان نمسح طاولة العمل بقطعة قماش فيها الماء ونفرش النيلون لان كي تكون الطاولة مندية النيلون مايتحركش وهذا يساعدك على العمل

http://



نحط العجينة فوق النيلون بعد نرش السطح بالفرينة ونزيد نرش العجينة من فوق بشوية فرينة نبسطها شوية بالحلال

http://



من بعد نزيد نغطي العجينة بالنيلون ونكمل بسطها بالحلال بشكل مستطيل ونرققها كل مانرققها يكون احسن لاحظو كيفاه رققتها

http://



الان نحضر الحشو
نخلط النواد كوكو المرحي والسكر الرطب والكاوكاو +بياض 2 بيض لي بقى من العجينة ونبل بالحليب نضيف بالشوية ونحرك لازم يكون الحشو طري حتى يسهل تمديدها فوق العجينة

ننزع النيلون لي من فوق العجينة ونحط الحشو بشكل متناثر

http://



بواسطة سباتولا نمدد الحشو على كل العجينة غير بالعقل

http://



نبدا نلف من الاتجاهين بالتساوي

http://



نستمر في اللف حتى نكمل

http://



بواسطة سكين نقطع العجينة من المنتصف راح نتحصل على زوج حرابش نقطع كل واحد على اثنان نحطهم في بلا مستطيل وندخلهم للثلاجة حتى يتماسكو جيدا لتسهيل عملية التقطيع
من بعد نقطعهم بواسطة سكين حاد بهذا الشكل

http://



ندخلهم للفرن على180درجة كي يطيبو من تحت نشعل عليهم من فوق
بعد الطهي نخليهم يبردو تماما

الان نذوب الشكولة على حمام مائي نضيفلها شوية حليب ونحرك
نغطس الحلوى في الشكولة من فوق ونحطها فوق مشبك

http://



نحط فوق كل حبة حلوى ورقة من عجينة التزيين لي كنا حضرناها قبل وهذا قبل ما تشيح الشكولة

http://



ونزين بالملمع الفضي نحط بشكل مائل

http://



بعد ماتشيح الشكولة نحط الحلوى في ليكسات ونقدمها وهذا شكلها النهائي

http://




http://



صراحة ذوقها راااائع النواد كوكو مع الشكولة امممممم

http://



وهذا شكلها من الداخل

http://



ان شاء الله تكون الشرح كافي والخطوات واضحة هكذا لي تجربها تنجح فيها
ولاتنسوني غالياتي من صالح الدعاء
في امان الله

حلوى الملفوق بشكل جديد

Partager cet article

Commenter cet article

djidji 13/04/2016 16:59

Baraka elah fik mais les details ne s'affiche pas j'arrive pas a suivre dommage

ام اماني 14/04/2016 17:35

ساحاول ادراج الصور مرة اخرى وان شاء الله تظهر عندك

ام انس 04/03/2016 17:18

يعطيك الصحة اختي على سعة صدرك ..تعيشي وهذا القاطو قداه نحتفظ بيه ونضعه في الثلاجة؟

ام اماني 04/03/2016 18:58

لا حبيبتي خليه خارج الثلاجة يبقى طري

Hamdi 12/12/2015 08:17

Bjr oum amani les détails de la recette ne s'affichent pas est ce que tu peut régler le problème merci et bonne continuation wahiba khenchela.

ام اماني 14/12/2015 09:59

اهلا بالغالية وهيبة

لم انتبه غاليتي للمشكل
انا عملت الحلوى بالخطوات
ان شاء الله نشوف الموضوع ونعدله شكرا على التنبيه

نسمة البسكرية 28/06/2015 18:36

تحفة ربي بارك نسقسيك اتختي انتي ام اماني الي في منتدى الجلفة