Overblog
Suivre ce blog
Editer l'article Administration Créer mon blog
مدونة ام اماني للطبخ

أرز وتليتلي على الطريقة التونسية

28 Avril 2015 , Rédigé par ام اماني Publié dans #اطباق رئيسية

بسم الله الرحمان الرحيم

اخواتي الغاليات جبتلكم اليوم وصفتين من المطبخ التونسي للارز والتليتلي بطريقة مختلفة على الطريقة الجزائرية لي متعاودين عليها

الطريقة سهلة وسريعة وصحية ومافيهاش ماعن بزاف فقط نحتاج الى صحن نخلط فيه المكونات وبرمة مع الكسكاس والنتيجة اكثر من راااائعة

http://




http://



اذن على بركة الله نبدأ بوصفة الارز

المقادير:

كاس ارز بسمتي منقوع في الماء لمدة ساعة
صدر دجاج مقطع الى قطع وممكن نعوضه باللحم بدون عظم مقطع الى قطع صغيرة
ربطة سلق
بصل
سنينات ثوم
جزر مقطع مربعات
كمية من الجلبانة
م ك ونصف طماطم مصبرة
4م ك زيت
توابل انا استخدمت الفلفل الاسود والتابل نشريه من تونس ممكن نعوضه براس الحانوت المهم التوابل كل اخت تحط التوابل لي مالفة تحطها في الارز
ورقة رند
نعناع انا ماعملتوش ماكانش متوفر عندي
ملح

الطريقة:

في صحن كبير نحط كل المكونات

http://



نخلط جميع المكونات مع بعض باليد نضيف الرند

http://



نحط الخليط في كسكاس ونحط فوق البرمة لي فيها ماء مغلي يعني نطيبه على البخار

http://



نغلفه بورق الالمنيوم ونخليه يطيب مرة على مرة نحركه بالشوكة

http://



بعد مرور نصف ساعة نفرغه في جفنة نحركه ونذوق اذا لقيته ناقص ملح نضيف واذا لقيته مش طري نضيف كمية من السلق لان هو لي
يطلق الماء ويخلي الارز طري لان في هذا الوصفة لا نحتاج الى الماء

نرجع الارز يفور ومرة على مرة نحركه حتى يطيب تقريبا يحتاج الى ساعة المهم كي نذوقه نلقاه طايب

نحطه في صحن التقديم ونزينه حسب الرغبة انا زينته بالفلفل مقلي كما يعمله في تونس وبيض مسلوق


http://



http://




://






الان نقدملكم وصفة التليتلي نفس الطريقة فقط نعوض السلق بالمعدنوس

المقادير:

كاس ونصف تليتلي
كمية من صدر الدجاج مقطع
ربطة معدنوس
م ك ونص طماطم مصبرة
زيت حواي ربع كاس هو لي يخلي التليتلي مايعجنش
توابل انا استعملت فلفل اسود تابل قصبروفلفل احمر
نعناع و زعيترة انا ماكانش عندي
ملح

في صحن كبير نحط التليتلي مباشرة من الكيس بلا مانشمخه ونضيف باقي المكونات

http://



نحطها في كسكاس ونحطها تفور يعني نفس طريقة الارز بالضبط

http://



مرة على مرة نحرك بواسطة الشوكة انا نفضل الشوكة احسن من الملعقة باه مايتعجنش ويجي حبة بحبة

بعد مرور نصف ساعة نحطه في جفنة ونذوق للملح ونشوف اذا خص الزيت نزيدلو شوية حتى مايتعجنش واذا شفتو ناشف نزيد المعدنوس لان هو لي يطلق الماء ويخليه طري

من بعد نرجع التليتلي يكمل يطيب

مدة الطهي حوالي ساعة المهم كي نذوقه نلقاه طايب

وهذا شكله بعد ماطاب

http://




شوفو ما احلاه والذوق امممممم

http://



عن قرب

http://



ملاحظات مهمة

1هذا الوصفتين يطيبو على البخار بدون اضافة الماء الى المكونات لذلك كمية السلق والمعدنوس لازم تكون مليحة انا قلت ربطة ممكن نحتاج اكثر لان الربطة في بعض الاحيان تكون صغيرة لذلك لازم في نص الطياب نذوق ونشوف اذا لقينا الارز ناشف نزيد شوية سلق واذا لقينا التليتلي ناشف نزيد شوية معدنوس
2 طهي الارز والتليتلي بهذا الطريقة يعتبر وجبة صحية نظرا لما يحتويه السلق والمعدنوس من فوائد وحتى لي مايحبوش السلق والمعدنوس يعجبهم انا اولادي عجبهم بزاااااف رغم انهم مايحبوش السلق
3ممكن نضيف الخضر في الوصفتين حسب الرغبة ووكن نضيف الزيتون الاخضر

ان شاء الله اكون وفقت في الشرح ولي ماجربتش هذا الوصفة تجربها لانها ساهلة وبنينة وحتى تنقص غسل الاواني يعني مافيهاش ماعن بزاف


ولي جربتها وعجبتها ماتنسانيش من صالح الدعاء لي ولعائلتي

في امان الله

أرز وتليتلي على الطريقة التونسية

Partager cet article

Commenter cet article

ام مروة 02/03/2016 18:26

الله يعطيك الصحة اختي الله غالب مابنوش تصور راني بغي انجربو أن شاء الله
بارك الله فيك اختي الغالية

مليكة 13/11/2015 21:25

شكرا اختي والله غير نحب وصفاتك وراني نقارعلك راكي غايبة برك سؤال السلق الي درتيه مقطعتيهش خليتيه ربطة كاملة او لما طاب روز نحيتيه ولا كيفاش وتليتلي تاني ممكن تشرحيلي لانو صور مخرجتش

نسمة البسكرية 28/06/2015 18:35

مممممممم يشهي يعطيك الصحة