Overblog
Suivre ce blog
Editer l'article Administration Créer mon blog
مدونة ام اماني للطبخ

طاجين الباي راااائع شكلا وذوقا

22 Avril 2015 , Rédigé par ام اماني Publié dans #اطباق رئيسية

~السلام عليكم اخواتي كيف حالكن ان شاء الله الجميع في تمام الصحة والعافية طبق اليوم عبارة عن نوع من انواع الغراتان اصل الطبق تونسي وهو عبارة عن غراتان متكون من 3 طبقات طبقة من اللحم المفروم ثم طبقة من السلق ثم طبقة من الجبن ممكن نعمل كل طبقة على حدى كما عملت انا او نضيف لكل طبقة كمية من اللحم المفروم راح نتحصل ايضا على 3 انا نفضل الطريقة الاولى لان شكلها احسن والالوان روووعة.

~راح نحطلكم المقادير لكن اكيد اذا كان المول كبير نضيف في كمية المقادير. المقادير: الطبقة 1 300غ لحم مرحي بصل مفروم فلفل اسود زوج بيضات كبار كمية من الجبن المفروم م ك شابلير

~الطبقة الثانية ربطة سلق كبيرة كمية من المعدنوس مقطع رقيق ملح فلفل اسود كمية من الجبن المبشور صفار زوج بيضات الطبقة الثالثة 200غ جبن ريكوتا انا ماكانش عندي عوضته بجبن كيري الكريمي 3 حبات جبن مثلثات كمية قليلة من الجبن المبشور بياض زوج بيضات الطريقة: في مقلة نحط كمية من البصل المفروم مع 2 م ك زيت من بعد نضيف اللحم المفروم ملح وفلفل اسود نخليه فوق النار حتى يطيب وينشف من الماء نضيفله كمية البيض والجبن المفروم وم ك شابلير

~نخلط هذا المقادير ونفرغها في مول يكون مدهون بالزبدة ندخله للفرن يكون مسخن مسبقا على 180درجة من فوق ومن تحت

~الان نحضر الطبقة الثانية نظف السلق ونقطعه ونحطه في مقلة مع شوية زيت ملح حتى يذبل وينشف من الماء نضيف له المعدنوس والجبن المبشور وصفار زوج بيضات

~نخلط هذا المقادير ونحطهم في المول فوق الطبقة الاولى وندخلها للفرن ونشعل من فوق فقط

~الان نحضر الطبقة الثالثة نخلط جميع المكونات ونفرغها فوق الطبقة الثانية وندخلها للفرن ونشعل من فوق فقط حتى تتماسك بلا ما يتغير لونها

~عدها نخليها تبرد قليلا ونقطعها مقروضات او مربعات ونقدمها بالصحة والهناء

~قدمتها مع شربة فريك وخبز الفرينة بالنسبة للخبز نعمل كأس ماء دافيء+كاس حليب دافيء + نصف كأس زيت+2 بيضات +م ك خميرة الخبز+م ك سكر +ملح نخلط المكونات ونضيف الفرينة تدريجيا حتى نتحصل على عجينة طرية نعجنها بعدها نغطيها ونخليها تختمر نقسمها لزوج قرصات ونشكلها او نبسطها على كل البلاطو كما عملت انا بعد ماتختمر للمرة الثانية ندهنه بالبيض وندخله للفرن يكون مسخن مسبقا بعد ما يبرد نحط الخبز على مشبك بعد مايبرد نقطعه

~ن شاء الله تعجبكم الغراتان والخبز ولاتنسوني اخواتي من صالح الدعاء في امان الله

طاجين الباي راااائع شكلا وذوقا
طاجين الباي راااائع شكلا وذوقا
طاجين الباي راااائع شكلا وذوقا
طاجين الباي راااائع شكلا وذوقا
طاجين الباي راااائع شكلا وذوقا
طاجين الباي راااائع شكلا وذوقا
طاجين الباي راااائع شكلا وذوقا
طاجين الباي راااائع شكلا وذوقا
طاجين الباي راااائع شكلا وذوقا
طاجين الباي راااائع شكلا وذوقا
طاجين الباي راااائع شكلا وذوقا
طاجين الباي راااائع شكلا وذوقا

Partager cet article

Commenter cet article

أم أماني 05/04/2016 15:44

تحياتي أم أماني جزاك الله خيرا اكلاتك ماشاء الله أرجوا منك ان تتفضلي و تمنحيني وصفة الخبز الموجود صورته بالأعلى

ام اماني 06/04/2016 09:43

اهلا غاليتي
اين هي الصورة لم اجدها

oum arse 28/01/2016 09:18

je l'ai essayé bezaf foooooooooooooooooort
baraka allaho fik

أم محمد 15/12/2015 08:24

سلام حبيبتي أم أماني ربي يفرحك و يهنيك و يسلمك من كل سوء أنت و عائلتك ان شاء الله أنت بمثابة أم ثانية لأن كل نصيحة منك وكل خطوة أتبعك فيها أنجح و الحمد لله...طبقت وصفة الخبز..خلصت فيه 1 كغ فرينة هههه مش خسارة جاني يهبل..و طرحتو في بلاطو تاعي ما جاش بارك زي تاع كي ولا البلاطو كبير مي البنة و الشكل ما شاء الله...ربي يخليك أنا دوما على خطاك أحبك في الله

ام اماني 16/12/2015 08:20

اهلا حبيبتي ام محمد احبك الذي احببتني فيه
الحمد للله ان الوصفة عجباتك انت والعائلة الكريمة شكراااا على الثقة

om mohamad 14/12/2015 18:32

salam om amani hadi ana encore...concernant elkhobz les dimention te3 lplateau gadeh stp ? andi sniwa mdawra 32 cm tosloh? khoft yatla3 bezef..sema lmakadir li medditi ydirou khobza wela 2 ? andi carré bassah kbir..min fadlik rodili c urgent w chokran habibati

أم محمد 13/12/2015 10:44

هبلتيني يا أم أماني الله يبارك الأطباق المالحة جربت الكيش بالسلق تاعك فقط و غراتات الباذنجان بالتون أنا درت اللحم المرحي ان شاء الله نجرب طاجين الباي عجبني يبان حطة خاصة في العرضات و شكرا على نصيحة الطماطم ما عرف لا عندنا زهر هادي أو لا في قسنطينة...مالفة ديما ب كاب

ام اماني 14/12/2015 09:51

اهلا غاليتي

لاشكر على واجب ان شاء الله تجربي الاطباق ويعجبوك شكراااا على الثقة

نعيمة 26/08/2015 22:22

شكرًا غاليتي ام اماني انا من متتبعي وصفاتك والحمد لله ننجح فيها دائماً حتى وان استعملت تغييرات خفيفة ننجح والحمد لله.بالنسبة لشربة فريك انا استعمل نفس الطريقة فقط أضيف الحمص .

amel 14/06/2015 15:47

حبيبتي ام اماني ربي يحفظك راني رجعتلك قوليلي القرفة صح ماشي مليحة للشربة راني شفت بلي ماا تديريهاش؟؟

ام اماني 15/06/2015 17:07

اهلا بالغالية امال

اكيييد الشربة ماتتوالمش مع الشربة بلاكي تعمليها
الصح انا القرفة نعملها غير في الطاجين الحلو ذوقها مايعجبنيش في الطياب

amel 01/06/2015 08:21

اممممممممم تبان بنينة أم أماني تعيشي حبيبتي ممكن طريقتك ف الشربة فريك؟؟

amel 05/06/2015 14:18

آآآه و انا نظل نشري غير ازدهار .. ربي يعطيك ما تتمناي غاليتي و الله وصفاتك نجربها و عينيا مغمضين ربي ينولك اللي في ببالك و ينجحلك اماني يااارب

ام اماني 04/06/2015 13:33

اهلا غاليتي

انا نعمل م ك طماطم مصبرة ممكن نوعية الكماكم لي تستعمليها رديئة استخدمي طماطم زهرة هايلة مش ازدهار زهرة احسن ماركة تحمر الاكل وتحمضوش

amel 04/06/2015 07:11

ربي يخليك حبيبتي خاطر و المصبرة شحال هكاك خاطر تجيني بزاف حامضة هبلتني كلما كيفاه تجيني ربي يحفظك حنونة

ام اماني 03/06/2015 21:09

شكرا غاليتي
ان شاء الله راح نحطها في رمضان المبارك بالخطوات اولا شربة فريك نتجي بنينة باللحم غنمي احسن من الدجاج

في قدرة حطي قطع لحم +بصل متوسطة+سزوج سنات ثوم ملح فلفل اسود كصبر مرحي حبة صغيرة طماطم حب زوج م ك زيت ونحطها على نار هاااادئة تتقلى مليح ونزيد نصف كاس ماء ونخليها على تتقلى حوالي الساعة وعسيها لازم يكون فيها شوية ماء لازم كي تمسي الحم تلقايه طري يعني دخله الطياب كما نقولو هنا نمرق عليه بماء ساخن كي تغلي الطنجرة نرمي الفريك وطماطم عمركزة ونقصلها خلاص حتى يطيب الفريك واللحم وتخثار نرمي حبة فلفل ونطفي علي
يقدم مزين بالدبشة مقطعة

rymou2011 29/05/2015 10:33

بارك الله فيك انا من المعجبات بوصفاتك كلهم ينجحولي الحمد لله. ممكن هذا الطاجين نطهي كل الطبقات مرة واحدة اختصارا للوقت يعني نحط اللحم ثم السلق ثم الجبن و نطيبو مرة واحدة.

amel 04/06/2015 07:11

ربي يخليك حبيبتي خاطر و المصبرة شحال هكاك خاطر تجيني بزاف حامضة هبلتني كلما كيفاه تجيني ربي يحفظك حنونة

ام اماني 31/05/2015 11:58

اهلا غاليتي

لا طيبي كل طبقة وحدها حسن انا هكذا نعمله حتى تظهر الطبقات وان شاء الله تجربيه ويعجبك