Overblog
Suivre ce blog
Editer l'article Administration Créer mon blog
مدونة ام اماني للطبخ

صابلي التاج

22 Avril 2015 , Rédigé par ام اماني Publié dans #حلويات

~السلام عليكم اخواتي في الله حلوى اليوم معروفة وهي حلوى الصابلي انا شخصيا من الحلويات المفضلة عندي تذوب في الفم وغير مكلفة الجديد ان راح نعملها في قوالب السيليكون راح نتحصل على صابلي التاج كنوع من التغيير شكلها يجي راااائع بالنسبة للعجينة ممكن للاخت تستعمل اي عجينة صابلي تكون معتمدتها اذن نبدأ على بركة الله المقادير: 250غ مرقرين 120غ سكر رطب 2صفار بيض بيضة كاملة نصف كاس نشاء نصف م ص خميرة الحلوى فاني فرينة للتزيين: معجون سكر رطب كاوكاو محمص ومدشش

~الطريقة: بواسطة الخلاط الكهربائي نحرك السكر مع المرقرين جيدا من بعد نضيف البيض ونستمر في الخلط بعدها نضيف الفاني والخميرة والنشاء ونلم بالفرينة حتى نتحصل على عجينة طرية ومتماسكة في نفس الوقت نجمع العجينة دون عجنها هذا لي يخلي الحلوى تذوب في الفم ناخذ مول السيليكون نرش بشوية فرينة هذا يسهل نزع الحلوى بسهولة نشكل كويرات بحجم 20غ ونحطها في المول مالازمش نملأه بالعجينة لان العجينة فيها خميرة والاهم ان راح نلصق زوح حبات مع بعض لذلك مالازمش يكون مرتفع بزاااف لاحظو الصورة

~دخله للفرن يطيب على 180د حوال 7د الى8د من الاحسن يبقى لونه فاتح مانحمروش كي نخرجه من الفرن وهو ساخن نقلب راح تهبط الحلوى بكل سهولة. من جهة نبسط كمية من العجينة ونقطع دوائر بنفس قطر وعدد الحلوى لي عملنا في مول السليكون

~نضيف شوية ملون احمر للمعجون ونلصق حبات الحلوى وبواسطة بانسو نحط شوية معجون على الاطراف ونرمدها في الكاوكاو او نواد كوكو

~نرش عليها سكر رطب ونزيد شوية معجون في المنتصف

~نحطها في ليكيسات ونقدمها بالصحة والهناء

صابلي التاج
صابلي التاج صابلي التاج
صابلي التاج صابلي التاج
صابلي التاج صابلي التاج

Partager cet article

Commenter cet article

سلمي 01/05/2016 13:46

سلام عليكم اختي ام ام اماني انا احب كثيرا وصفاتكي و اشكركي علي مجهودي الذي بذلتيه لتعليمنا ووصفاتي ناحجة انا جربت كثيرا من وصفاتي مثل العجينة السحرية للحلويات و قالب الوز و صابلي باالبيمو و كل المخبوزات وو وو و ووو المهم جربت كثيرا

سليمة 26/04/2016 10:10

ما شاء الله

سليمة 26/04/2016 10:09

ما شاء الله

ام اروى و امين 25/02/2016 17:42

ربي يشهد يا اختى ام اماني اني كلما اطلعت على وصفة من وصفاتك ندعيلك من قلبي ربي يجازيك بالخير على كل حرف كتبتيه

ميادين 21/02/2016 13:57

بارك الله فيك اختي الفاضلة ربي يحفظك ....كل وصفاتك رائعة

ام مروة 20/02/2016 15:40

مممم هايل يعطيك الصحة خاصني غير ليمول تع القاطو لوكان راني نجرب .نحط الله يعطيك واش تاتمني أن شاء الله

ميمي 12/01/2016 21:39

و الله يا حبيبتي يا ام اماني دائما كل مانكون رايحة ندير حلوى لاي مناسبة نشوف مدونتك الله يجازيك الخير و يفرحك باولادك كيما راكي مفرحتنا بوصفاتك ننتظر دائما جديدك

ام اماني 13/01/2016 09:24

بارك الله فيك على المرور الطيب

اشراقة الصباح 01/08/2015 08:34

داءما راءعة ومتالقة ومتميزة ومبدعة..... ربي يفرحك كيما راكي تفرحي فينا

ام اماني 13/01/2016 09:28

ان شاء الله اختي بالتوفيق

اسماء 11/01/2016 07:17

ما شاء الله راح نجرب بالوحدةان شاء الله